1 Samuel 12:22 - Bible Ni Thothup

²² SOMOL e ke micheg ndabi n’agmed, ya ke duwgiliy u wan’ ni ngam manged girdi’en.

1 Samuel 12:22 Referans Kwoze

Filippi 1:6

Ere bmuduwgil u wun’ug ni Got ni ir e tabab i ngongliy e re maruwel ney ni bfel’ u fithik’ i lanin’med e bayi muruwliy i yan nge yan i mada’ ko Rofen ni nge mus riy, ni aram e Rofen ni nge sul Jesus riy.

Psalms 106:8

Machane aywegrad, ni bod rogon ni micheg, ni bochan e nge dag feni gel gelngin.

Deuteronomy 14:2

Ya ba milfamed ngak SOMOL ni Got romed; ke mel’egmed u fithik’ gubin e girdi’ nu fayleng ni ngam manged girdi’ rok.

1 Kings 6:13

Bay gu par u fithik’ e girdi’ rog nu Israel u lan e re Tempel ni ga be toy, ma dab gu n’agrad.”

Roma 11:29

Ya Got e der ma piliyeg laniyan’ rok e en ni mel’eg nge tow’athnag.

Jeremiah 14:21

Mu leamnag e tin mmicheg ma dab mu dabuymad; dab mu pag yu Jerusalem ngan m’aynag farad, ya ireram e gin tagil’im nib gilbuguwan. Dab mu th’ab fare m’ag ni mu ngongliy u thildad.

Joshua 7:9

Piyu Kanaan nge urngin e pi’in yad bay u langgin fare nam e bay rrung’aged murung’agmad. Bay ra liyeged gamad ngar li’ed gamad ni gamad gubin nggu m’ad! Are mang e ga ra rin’ mu kum ayweg fanam gilbugwan?”

Efesus 1:12

Ere gadad e pi’in gadad e som’on nike l’agan’dad ngak Kristus, e ngada pininged e sorok ngak Got nga feni malup’lup’!

Ezekiel 20:14

Machane da gu rin’, ni bochan e ra m’ayfan fithngag u fithik’ e pi nam nra guyed gag ni gu pow’iy yu Israel nga wuru’ yu Egypt.

Ezekiel 20:9

Machane dag rin’, ni bochan e ra m’ayfan fithingag riy, ya fithik’ e girdi’ ni yad ma par e gu weliy riy ngak yu Israel ni gu ra pow’iyrad nga wuru’ yu Egypt.

Isaiah 43:25

“Machane Gag fare Got ni gu ma chuweg e denen romed, ma gu ma rin’ ni bochan e Gag e En ni Gag. Dab kug leamnag e denen romed.

Psalms 94:14

I SOMOL e dabi n’ag e girdi’ rok; ma dabi fek owchen ko pi’in nib milfarad ngak.

1 Peter 2:9

Machane gimed girdi’en fare nam nike mel’egmed Got, ni gimed e pi prist rok e en ni Pilung, ma gimed fare nam ni gimed ba thothup, ni gimed girdi’en Got, ni mel’egmed Got ni ngam wereged murung’agen e n’en nrib fel’ nike ngongliy Got, ni ir e piningmed u fithik’ e lumor ngambad nga fithik’ e tamilang rok nrib fel’.

Matthew 11:26

Chitamag, i gur e mu turguy ni nge yodoroy nrogon nib m’agan’um ngay.

1 Korinth 4:7

I mini’ e cha’ nike ta’med ni gimed ba tolang ngak e tin kabay e girdi’? Gathi urngin ban’en ni bay romed me Got e ke pi’? Ere ra di’in mi gimed yog ni gimed e soromed ni gowa tin bay romed ban’en e gathi ni pi’ ngomed nib tow’ath?

2 Kronicles 15:2

me yan ni nge mada’nag Asa ni Pilung. Me tolul ngak nib ga’ laman ni be ga’ar, “Asa ni Pilung mmotoyil ngog, nge gimed gubin e girdi’ nu Judah nge Benjamin! I SOMOL e bay romed u n’umngin nap’an ni gimed bay rok. Fa’an gimed ra gay, ma ra pagmed ngam patgad ngak, machane fa’an gimed ra pag, ma ra n’agmed.

Exodus 32:12

Mang ni ngam pag piyu Egypt nge yag ni lungurad, ‘I waliy e girdi’ rok nga wuru’ yu Egypt ya ke leamnag ni nge li’rad u fithik’ e burey nge math owcharad ni yad gubin’? Mu pag e damumuw rom nib gel ngam thiliyeg lanin’um, ngam pag ndab mfek e binir e riya’ i yib ngak e girdi’ rom.

Efesus 1:6

Ngad pininged e sorok ngak Got nga gelngin e runguy rok ngodad, ni bochan fare tow’ath nike pi’ ngodad u daken Fak nrib t’uf rok!

John 15:16

Gathi gimed e mmel’eged gag; ya gag e kug mel’egmed kug turguymed ni ngam marod nge yib wom’engimed ni pire’ ni fa mit i wom’ngin nma par ni dabi kireb bi’id. Ma en ni Chitamangiy e demturug e n’en ni gimed ra ning ngak u fithingag mra pi’ ngomed.

Malaki 1:2

Be ga’ar SOMOL, “Gubin ngiyal ni gimed bt’uf rog.” Miyad fulweg nra ga’ar gad, “U rogon ni kam dag ngomad ni gamad bt’uf rom?” Me fulweg SOMOL ni ga’ar, “I Esau nge Jakob e ruw i walag ni pumo’on, machane ba t’uf Jakob rog nge pi’in owchen,

Lamentations 5:20

Mangfan ni ar fini n’uw nap’an ni kam fek owchem romad? Mog kagmad ra yib ngan’um bingyal’?

Jeremiah 14:7

Girdi’ rog e yad be yor ngog ni yad be ga’ar, ‘Yug aray rogon ni denen romad e ku gu affed riy’en, machane SOMOL, mu aywegmad ni bod ni mmicheg. Kug pi’ed keru’mad ngom nike yo’or yay; ma ku gu denengad nib togopluw ngom.

Isaiah 48:11

N’en ni gu be rin’ e ku gu rin’ ni fan ngog — dab gu pag fithingag ngan m’aynag fan ara gu pag be’ nge fanay boch bugwag nib milfan ngog ni go’ gag ngay.”

Isaiah 42:16

“Girdi’ rog ni yad ba ma’ew e bay gu pow’iyrad u daken yu pa’ i kanawo’ ndawor ra milekaggad riy. Lumor ni yad be par u fithik’ e bay gu pingeg nge ngal’ ni tamilang, ma yungi n’en nib mododongol ni bay nga m’on rorad e bay gu pacheag. Pin’ey e gu micheg, ni ri gu ra rin’.

Isaiah 41:17

“Ra gafgow e girdi’ rog ko ran miyad gay e ran, nike mlik’ e k’onganrad ni bochan e belel, me gag SOMOL e bay gu fulweg taban e meybil rorad; I gag fare Got nu Israel e ri dab gu n’agrad.

Isaiah 37:35

Bay gu yororiy e re binaw ney mu gu ayuweg, ni nggu rin’ ni bochan e nge gilbugwag minta’ fag nge bochan e thin ni gu micheg ngak e tapigpig rog i David.”

1 Kronicles 28:9

Me ga’ar ngak Solomon, “Fakag, gu be yog ngom ni ngam nang e Got rok e chitamam mag pigpig ngak u polo’ i gumircha’em ngu lanin’um, ni bod ni ug rin’. Manang gubin e tafnay rom nge tin ga be ar arnag, ma fa’an ga ra sul ngak ma ra rung’ag e meybil rom. Machane fa’anra mu fek yathin, ma ra n’agem ni manemus.

2 Kings 21:14

Ma pi’in yad ra magey ndab ram’ad e gu ra digeyrad, bay gu pi’rad nga pa’ e pi to’ogor rorad, ni bay ra gelgad ngorad ngar feked u yargal e tin bay u daken e nam rorad.

Deuteronomy 31:17

Nap’an nra yodorom, ma bay gu damumuw ngorad; mu gu n’agrad ngan thirifrad u but’. Pire’ e gafgow nib gel ni bay yib ngorad, ma aram e bay ra nanged nike yib e pin’em ngorad, ya gag ni Got rorad e da kug moy rorad.

Deuteronomy 9:5

Gathi bochan e gimed bfel’ ma gimed be rin’ e tin nib mat’aw e aram fan ni nge pagmed SOMOL ngam marod nga taferad. Bayi tulufrad ni bochan e yad ba kireb, ma ke leamnag ni nge tay u gil’ e tin ni micheg ngak pi chitamangimed ni kakrom, ni aram Abraham nge Isak nge Jakob.

Hebrews 13:5

Dabi m’on e salpiy u lanin’med, ma ngam pired ni nge fel’ u wun’med e tin ni bay romed ban’en. Ya ke yog Got nike ga’ar, “Ri dab gu pagem; ma ri dab gu n’igem.”

Roma 11:1

Ere nggu fith ni nge lungug: I n’ag Got girdi’en fa danga’? Rib muduwgil ndanga’! Er rogon gag ni gu be’ u Israel, ni gag reb i owchen Abraham, ni gag girdi’en e ganong ku Benjamin.

Deuteronomy 7:6

Ngam rin’ed ni era’ rogon ya gimed girdi’en SOMOL ni ir e Got romed. Ke mel’egmed u fithik’ girdi’en urngin e pi nam nu fayleng ni ngam manged girdi’en.

Deuteronomy 31:6

Mu pired ni gimed ba muduwgil ni dabi marweran’med. Dab mu tamdaggad ngorad. Ya Got romed, ni aram SOMOL e bayi un ngomed; dabi pagmed ngam waergad ma dabi n’agmed.”

1 Kings 8:57

Mang e yigi par rodad SOMOL ni Got rodad ni bod ni i par rok pi chitamangidad ni kakrom; mang e yigi dabi pagdad ara n’agdad;

Deuteronomy 31:8

I SOMOL e bay i pow’iyem i yan ma be un ngom. Dabi pagem ngam waer ara n’agem. Ere dabi mulan’um ara mu rus.”

2 Kings 14:27

Machane gathi ke finey SOMOL ni nge thang owchen yu Israel ni manemus, aram me ayuwegrad u daken Jeroboam ni Pilung.

Nehemiah 9:17

Ra siyegned ni ngar folgad rom, ma kar paged talin urngin e pin’en ni um rin’; ra paged talin fapi maang’ang ni um ngongliy. Miyad duwgiliy be’ u fithik’ e ufanthin ni nge yog e thin rorad me fulwegrad nga Egypt ngar pired ni yad e sib. Machane gur ba Got ni ga ma n’ag fan u wun’um e kireb; gab gol ma ba t’uf e girdi’ rom, ma ba sowath ni gama damumuw. Runguy rom e ba ga’, aram fan nda mu n’agrad.

Isaiah 43:7

Yad e girdi’ rog, ma gu sunumiyrad ni ngar ted fag.”

Isaiah 49:15

Me fulweg SOMOL ni ga’ar, “Gur rayag rok be’ ni bpin ni nge pag talin fak ni kabran ma dabi t’uf rok e re tir nem ni ir e gargeleg? Gomang e ra pag be’ ni bpin talin fak, machane gag e dab gu pag talimed.

Isaiah 63:8

I SOMOL e ga’ar, “Yad e girdi’ rog, dab ra ban niged gag.” Ma aram me ayuwegrad

Jeremiah 14:9

Mangfan ni ka mu bod be’ nike gin ngomad, ni bod ba salthaw ni dakriy gelngin ni nge pi e ayuw? Rriyul’ SOMOL ni ga bay romad! Gamad e girdi’ rom; are dab mu n’agmad.’”