1 Samuel 12:10 - Bible Ni Thothup

¹⁰ Ma aram miyad ning e ayuw ngalang ngak SOMOL ni be lungurad, ‘Kug denengad, ya kug pi’ed keru’mad ngom, i gur SOMOL, ma gamad be meybil ngak e liyos ni ya’an Baal nge Astarte. Mu chuwegmad u pa’ e pi to’ogor romad, ma gamad par ni gur e bay ug liyorgad ngom!’

1 Samuel 12:10 Referans Kwoze

Judges 10:10

Ma aram me yor piyu Israel ngalang ngak SOMOL ni be lungurad, “Kug denengad nib togopluw ngom, ya kug paged gur ni gur e Got romad, kug tedfan fapi kan ni Baal.”

Judges 2:13

Miyad tal ko liyor ngak SOMOL nge mang fapi liyos ni ya’an Baal nge i Astarte e ur ted fan.

Judges 3:9

Ma aram me yor yu Israel ngalang ngak SOMOL, me pi’ SOMOL be’ ni nge chuwegrad u tan pa’ fare pilung. Ni aram Othniel, ni chitamngin Kenaz ni be’ ni walagen Kaleb nib bitir ngak.

Judges 3:7

Fapi girdi’ nu Israel e ra paged talin SOMOL ni Got rorad; rdenengad nib togopluw ngak ngu’ur tedfan e pi liyos ni Baal nge Asherah ni fare got ni bpin.

Isaiah 33:22

Urngin e rigin ni bay u daken e pi barkow nem e ra par nib m’ay fan; ma lay riy e dabiyag ni ngan pithig! Bay da feked gubin fel’ rogon rok e pi to’ogor rodad, ni kaygi pire’ ni mus ko girdi’ ni mugutgut ma yira pi’ e f’oth rorad riy. I SOMOL e ra mang pilung rodad; Ir e bay i gagiyeg nagdad mi i yoror rodad.

Isaiah 26:16

SOMOL, ka mu gechignag e girdi’ rom, mu fithik’ e gafgow e yad be meybil riy ngom.

Psalms 106:44

Yug aram rogon machane ma motoyil SOMOL ngorad nnap’an ni yad ra yor ngak, me changar ko gafgow nike yib ngorad.

1 Samuel 7:2

Fare Kahol ko M’ag rok SOMOL e par u Kiriath Jearim nib n’uw nap’an, ya gonap’an e reliw’ e duw. Re ngiyal’ i n’em e urngin piyu Israel ni ur yor niged e ayuw ngak SOMOL.

Judges 6:7

Ma aram me yornag yu Israel ngak SOMOL ni nge ayuwegrad rok yu Midian,

Judges 4:3

Jabin e 900 e chariot ni wasey rok, ma aram mi i gagiyegnag e girdi’ nu Israel nib gel e gafgow ni i tay ngorad ni rliw’ e duw. Me wenig piyu Israel ngak SOMOL ni nge ayuwegrad.

Judges 3:15

Ma aram me yor piyu Israel ngalang ngak SOMOL, me l’oeg be’ ni nge chuwegrad u tan pa’ Eglon. Ni aram Ehud, ni be’ ni pumo’on nib gilay’, ni Gera e chitamngin, ni be’ ko ganong rok Benjamin. Me l’oeg e girdi’ nu Israel Ehud ni nge yan i pi’ bogi tow’ath ni fen Eglon ni Pilung nu Moab.

Joshua 13:31

Bmu’un baley yu Gilead ngay, ma ku arrogon yu Ashtaroth ngu Edrei, ni aram fa gal binaw ntochuch u lan e gin nma gagyegnag Og u Bashan. Ga’ngin yang e gin’ey nni pi’ ngak baley ko pi tabnaw ni pi’in owchen Makir nib mo’on ni fak Manasseh.

Judges 2:11

Ma aram me denen e girdi’ nu Israel nib togopluw ngak SOMOL miyad cheal ngu’ur pigpiggad ngak Baal.

1 Samuel 7:6

Aram miyad mu’ulung nga Mizpah ni yad gubin. Miyad l’ing e ran ngar pu’oged nga but’ nib maligach ngak SOMOL, miyad pag e abich u lan e binem e rran ni polo’. Me lungurad, “Kad denengad nib togopluw ngak SOMOL.” U rom u Mizpah e aram e gin ni pithig Samuel e oloboch u puluwon e girdi’ nu Israel riy.