1 Samuel 10:22 - Bible Ni Thothup

²² miyad fith ngak SOMOL ni lungurad, “Gur bay yugu be’ nga bang ni aram e cha’ ni ir?” Me fulweg SOMOL ni ga’ar, “Ba’aram Saul ni be mith u fon e chugum.”

1 Samuel 10:22 Referans Kwoze

Judges 20:18

Me yan piyu Israel nga tagil’ e meybil u Bethel, miyad fith Got u rom, “Bin ngan e ganong e nge yan ni mael ngak e Benjamin nsom’on?” Me fulweg SOMOL ni ga’ar, “Fare ganong rok Judah.”

Numbers 27:21

Bay i toer ngak Eleazar ni prist, mi Eleazar e bay i maruwel ko fare Urim nge Thummim. Ara’ rogon ni bay i pow’iy Eleazar Joshua nge urngin e girdi’ nu Israel u urngin e tin bay ur rin’ed.”

Luke 14:11

Ya en nra tolangnag ir e yira sobut’nag, ma en nra sobut’nag ir e yira tolangnag.”

1 Samuel 15:17

Me fulweg Samuel ngak ni ga’ar, “Yugu er rogon ni ga be leamnag ndariy rogom, ya gur e pilung ko pi ganong nu Israel. I SOMOL e ke gapgep nagem ni gur e pilung nu Israel,

1 Samuel 9:21

Me ga’ar Saul, “I gag be’ ko ganong rok Benjamin ni fare ganong ni ir e th’abi achig u Israel, ma tabinaw rog e th’abi sobut’ ko biney e ganong. Ere mang ni ga be non ngog ni er rogon?”

Judges 1:1

Nga tomuren nike yim’ Joshua me fith e girdi’ nu Israel SOMOL ni lungurad, “Bin ngan ko pi ganong romad e ir e som’on ni nge yan ko mael ngak piyu Kanaan?”

Genesis 25:22

I diyen nib athlog ma kayow bay u mayal ma yow ma wagey ngorow, me ga’ar fa en ni chitiningirow, “Mang nike buch e biney rog?” Me yan i meybil ni be de’eriy SOMOL.

1 Samuel 10:21

Me yog Samuel ni nge thay e pi tabinaw ko ganong rok Benjamin nga m’on min turguy girdi’en e tabinaw rok Matri u fithik’. Me yib e pumo’on ko tabinaw rok Matri nga m’on, min turguy Saul ni fak Kish u fithik’rad. Miyad chachangarnag, ma demo’

1 Samuel 14:37

Me fith Saul Got ni ga’ar, “Ra gu og ngak e pi Filistine ma bfel’? Ga ra ayuwegmad nggu gelgad?” Machane de fulweg Got e tin be fith e rofen nem.

1 Samuel 22:10

Me Ahimelek e fith ngak SOMOL ko mang e thangri rin’ David, ma aram me pi’ boch e ggan ngak David nge fare gi saydon rok Goliath ni be’ nu Filistia.”

1 Samuel 23:9

Nap’an ni rung’ag David nike t’ar Saul liben ni nge cham ngak, me ga’ar ngak Abiathar ni prist, “Mfek fare efod i yib ngaray.”

1 Samuel 30:7

Me ga’ar David ngak Abiathar ni prist ni be’ ni pumo’on ni fak Ahimelek, “Mu fek fare efod i yib ngog,” me fek Abiathar i yib ngak.

1 Samuel 30:8

Me fith David SOMOL, “Rayag ni nggu lek daken e pi’in karbad ngaray ko mael? Mog, rayag ni gu kolrad?” Me fulweg SOMOL ni ga’ar, “Mu lek dakenrad; ya ga ra kolrad ngam ayweg e pi’in kan fekrad.”

2 Samuel 2:1

Tomuren e biney me fith David SOMOL ni ga’ar, “Gu ra yan gu par nga reb fapi binaw ni bay u lan yu Judah ngu’ug gagiyegnag, ma bfel’ fa danga’?” Me fulweg SOMOL ni ga’ar, “Bfel’.” Me fith David ni ga’ar, “Bin ngan?” Me ga’ar SOMOL, “Binaw nu Hebron.”

2 Samuel 21:1

Ngiyal’ nib pilung David me yib ba uyngol nib gel ni dalip e duw nap’an. Me fith David laniyan’ SOMOL riy, me ga’ar SOMOL, “I Saul nge chon e tabnaw rok e bbuch e rorad ko mthang pogofan; ke thang e fan rok e girdi’ nu Gibeon.” (