1 Samuel 1:17 - Bible Ni Thothup

¹⁷ Me ga’ar Eli ngak, “Mman u fithik’ e gapas, mang e yigi pi’ fare Got nu Israel e fulweg ko n’en ni ga be ning ngak.”

1 Samuel 1:17 Referans Kwoze

Mark 5:34

Me ga’ar Jesus ngak, “Fakag, michan’ rom ngak Got e ke gol nigem. Mman nike pagan’um, ya kam gol ko m’ar rom.”

Judges 18:6

Me fulweg fare prist ni ga’ar, “Dariy ban’en ni nge magafan’med ngay. Be ayuwegmed SOMOL ko re milekag romed ney.”

2 Kings 5:19

Me ga’ar Elisa, “Mman u fithik’ e gapas.” Me yan Naaman. Dawori n’uw yang nike yan Naaman riy,

1 Samuel 25:35

Ma aram me fek David e chugom nike fek Abigail i yib ngak me ga’ar ngak, “Mu sul nga tafnam ma dabi magafan’um. Bay gu rin’ e tin ga ba’adag.”

Luke 7:50

Machane me ga’ar Jesus ngak fare pin, “Michan’ rom ngak Got e ke thapegem ngak; ere mman u fithik’ e gapas.”

Luke 8:48

Me ga’ar Jesus ngak, “Fakag, michan’ rom ngak Got e ke gol nigem. Mman nike pagan’um.”

1 Kronicles 4:10

Machane me meybil Jabez ngak fare Got nu Israel ni ga’ar, “Got mu tow’ath nigeg, ngam ga’nag e gin tafnag. Mu par rog nga mu yororiyeg ko kireb nge dabi kar amith ngog.” Me pi’ Got ngak e tin ni meybilnag.

1 Samuel 29:7

Ere mu sul nga tabnaw u fithik’ e gapas, ma dab mu rin’ ban’en nra kireb u wan’rad.”

Genesis 25:21

Ma de diyen le’engin Isak, ma aram me meybil Isak ngak SOMOL ni fan ngak le’engin. Me diyen Rebekah, ni aram taban e meybil rok Isak nike fulweg SOMOL.

1 Samuel 1:16

Dab mu finey ni gag be’ ni bpin ni gu ba kireb. Gu be meybil ni aray rogon ya kari kireban’ug.”

1 Samuel 1:23

Me fulweg Elkanah ngak ni ga’ar, “Mu rin’ e tin ga be finey ni ir e bfel’, ma ga par u tabinaw nge yan i mada’ ko ngiyal’ nike pag e thuth. I SOMOL e mang e yigi gagiyegnag nge m’ug ni rriyul’ e n’en kam micheg.” Ma aram me par Hannah u tabinaw rok ngi i tathuthnag fare tir rok.

1 Samuel 20:42

Me ga’ar Jonathan ngak David, “Got e nge un ngom. I SOMOL e bayi gagiyegnag ni gur nge gag nge pi’in owchadow e bay ra ted u gil’ fare bugithin ni kad michegew ngodow u p’eowchen SOMOL.” Ma aram me yan David, me sul Jonathan ngalan binaw.

2 Samuel 15:9

Me ga’ar David ni Pilung, “Mman u fithik’ e gapas.” Me yan Absalom nga Hebron.