1 Peter 4:7 - Bible Ni Thothup

⁷ Ke chugur nga tungun urngin ban’en. Thingar um pired ni gimed be filmunguyan’med ma gimed be tiyan’med, nge yag ni um meybilgad.

1 Peter 4:7 Referans Kwoze

1 Peter 1:13

Mu fal’eged rogon lanin’med ni ngam ngongolgad. Mi gimed tiyan’med ngari l’agan’med ko tow’ath ni yira pi’ ngomed ko ngiyal’ nra yib i m’ug Jesus Kristus.

1 Peter 5:8

Mu tiyan’med ngam ayuwgad! Ya mo’onyan’ ni ir e to’ogor romed e yugu be yan ni bod ba layon ni be tolul, ni be gay be’ ni nge longuy.

2 Timothy 4:5

Machane thingar mu par ni ga be filmunguyan’um u fithik’ urngin ban’en; mu um athamgiliy e gafgow ni beb ngom, ma ga rin’ e maruwel rok e tamchib ko fare Thin Ni Bfel’, ma ga ngongliy urngin e maruwel ni kan pi’ ngom nrogon e tapigpig rok Got.

Luke 21:34

“Mu ayuwgad, ma dab mpaged gimed ngu’um pired ni ba ga’ ni mur nike pag rogon nge mu’un rrum e gimed be muruwliy, nge pin’en nma magafan’uy ngay ko biney e tamilang, ya richey mi gimed da’da’ ko re Rran nem nike taw ngomed.

Hebrews 10:25

Ma ngad guyed rogon ndab da paged e mu’ulung rodad, ni bod rogon ni be rin’ boch e girdi’. Ma nge bagadad me pi’ e athamgil nga laniyan’ bagadad, ngari gel ni fan e gimed be guy ni Chirofen ni bay yib Somol riy e be chugur.

Kolose 4:2

Dab mpaged e meybil, mu tiyan’med ko ngiyal’ ni gimed be meybil riy, ma gimed be pining e magaer ngak Got.

Titus 2:12

Ma re runguy nem e ir e be fil ngodad ni ngad paged pangidad nge ngongol rodad nde m’agan’ Got ngay nge chogowen urngin ban’en u fayleng nde mat’aw u owchen Got, ma gadad par ni gadad be t’ar lanin’dad ko tin nde fel’, ma gadad ba yal’uw, ma gadad be rin’ e tin nib m’agan’ Got ngay u roy u fayleng,

Ezekiel 7:6

Kema’ ni gubin. Irera’ e tungun. Kam mu’ gad.

Roma 12:12

Mpired ni be l’agan’med ngak Got nge mang ir e i tay med ni gimed ba felfelan’, mu um pired nib gum’an’med u fithik’ e tin be yib ngomed ni gimed be gafgow riy, mu um meybilgad ni gubin ngiyal’.

Filippi 4:5

Mu sumunguygad ngak urngin e girdi’. Ya bay sul Somol ni dabki n’uw nap’an.

Luke 22:46

Me ga’ar ngorad, “Mang ni gimed be mol? Mu odgad ngam meybilgad ngak Got nge siy mpaged gimed ngak e pin’en nma pingeg e girdi’ nge denen.”

Revelation 16:15

“Mmotoyil! Bay gub ni bod ba moro’ro’! Ra felfelan’ e en nike par ni be od ni be ayuweg e mad rok, ni bochan e nge dab i yan ndariy e mad u daken ngi i tamra’ u fithik’ e girdi’!”

1 Peter 3:7

Ma ku er rogomed e pi’in ni pumo’on ni ngu’um pired pi leengimed ma thingar um nanged ni yad mme’waer ko pumo’on, ere thingar um ted farad; ya ku er rogorad nra pi’ Got e tow’ath rorad ni yafos ni bod gimed. Mu rin’ed ni aray rogon nge dabi magawon ban’en ko meybil ni gimed be pi’ ngak Got.

Efesus 6:18

Mu rin’ed urngin e pin’ey u fithik’ e meybil, ngu’um weniggad ngak Got nge ayuwegmed. Gubin ngiyal’ ni ngu’um meybilgad nrogon ni be pateg fare Kan Nthothup nga lanin’med. Ireray fan ni ngar mu tedan’med ma dab mpaged gimed; gubin ngiyal’ ni ngu’um yibiliyed urngin e girdi’ rok Got.

1 Korinth 15:24

Ma aram e bayi taw ko tungun; mi Kristus e bayi gel ngak urngin e pi kan ni be gagiyeg, nge pi’in yad be tay murung’agen ban’en, nge pi’in yad be yog e thin, me pi’ Kristus urngin ban’en ni be gagiyegnag ngak Got ni Chitamangiy.

1 Korinth 7:29

Pi walageg, ba’aray e n’en ni gu be yog: daki yo’or e tayim nike magey, chiney i yan ngam’on e pumo’on ni kar mabgolgad e ngar pired ni gowa dawor ra mabgolgad;

Matthew 24:42

Ere mu fal’eged rogomed ngam pired, ya da mu nanged e chirofen ni bay yib e Somol romed riy.

Jeremiah 5:31

Pi profet e go’ ban e yad ma tay, ma prist e yad be gagiyeg u rogon nike yog e profet, ma girdi’ e dariy ban’en niyad be yog riy. Machane mang e yad ra rin’ ko ngiyal’ nike taw gubin ban’en ko tungun?”

Luke 21:36

Um pired ni kam fal’eged rogomed ma gimed be meybil ni gubin ngiyal’ nge yib gelngimed nge yag ni mmarod u fithik’ urngin e pin’ey ni bayi m’ug ni dabi buch ban’en romed mi gimed yan mu sak’iygad nga p’eowchen e en ni Fak e Girdi’.”

Matthew 25:13

Ma aram me ga’ar Jesus, “Ere mfal’eged rogomed ngam pired, ya da mu nanged e re rran fa re awa.

Eklesiastes 7:2

Kabfel’ ni ngan yan nga ba tabinaw ni yibe dololoy’ riy ko bin ngan yan nga reb ni yibe mur riy, ni bochan e pi’in ka yad bfos e thingar ur puged woran ngorad ni yam’ e gadad gubin ni be son nagdad.

Genesis 6:13

Me ga’ar Got ngak Noah, “Kug turguy u wun’ug ni nggu thang owchen urngin e girdi’. Bay gu thang owcherad, ya re fayleng ney e ke sug ko ngongol rorad nib kireb.

Hebrews 9:26

ya fa’an mang e aram rogon me ere bo’or yay ni nge gafgow ni ka nap’an e ngiyal’ ni sunumiy Got e fayleng riy. Machane ke yib i m’ug ta’ab yay ma aram e kemus, nike yib i m’ug ni be chugur ko tungun, ni fan e nge chuweg e denen u daken e maligach ni pi’ ni aram ir.

Genesis 19:35

Ma aram miyow pi’ e wayin ngak nge chingnag e re nep’ i n’em, me yan e bin bitir ko fa gali ppin ni fak Lot ngak Lot ngar pirew e nep’ nem. Ma ku aram rogon ni kari chingnag nde nang.