1 Peter 3:13 - Bible Ni Thothup

¹³ I mini’ e ra rin’ e kireb ngomed ni fa’anra gimed be athamgiliy ni ngam ngongliyed e tin ni bfel’?

1 Peter 3:13 Referans Kwoze

Proverbs 16:7

Nap’an ga ra fel’ u wan’ SOMOL, ma rayag ni ngam pingeg e pi to’ogor rom ngar manged fager rom.

1 Thessalonika 5:15

Mu um guyed rogon ni dabi fulweg be’ taban e kireb ngak be’, ma gubin ngiyal’ ni ngu’um guyed rogon ni nge bigimed mi i rin’ e tin ni bfel’ ngak bigimed nge ngak urngin e girdi’.

Roma 8:28

Urngin e pi’in ke piningrad Got ko tin be leamnag ni pi’in nib t’uf Got rorad, e gadad manang nma ayuwegrad Got nge pingeg urngin ban’en nge fel’ ngorad.

3 John 1:11

Fager rog ni gab t’uf rog, dab mu folwok ko tin nib kireb, machane ngam folwok ko tin ni bfel’. En nma rin’ e tin ni bfel’ e ir reb i girdi’en Got; ma en nma rin’ e kireb e dawori guy Got.

Psalms 38:20

Pi’in yad ma fulweg puluwon e fel’ ni kireb e yad be togopluw ngog ni bochan e gu be guy rogon ni nggu fel’.

1 Timothy 5:10

ma bfel’ murung’agen ko ngongol rok ni ba’aray rogon: i ir be’ ni bpin ni chuguliy pifak ni bfel’ rogon, ma i ayuweg e milekag ni karbad nga tafen, ma i luknag e rifrif u ay e pi’in girdi’en Got ni karbad nga tafen, ma i ayuweg e pi’in ni kar gafgowgad, ma i tiyan’ nga urngin mit e ngongol ni bfel’.

1 Korinth 14:1

Ere mu guyed rogon nge t’uf Got romed nge girdi’. Mu nameged e tow’ath nma pi’ e Kan Nthothup, ni ba ga’ ni fare tow’ath nma ayuwegey ngan salap i machibnag e thin rok Got ngak e girdi’.

Roma 13:3

Pi’in be gagiyeg e gathi pi’in yad be rin’ e tin ni bfel’ e ngar tamdaggad ngorad, machane pi’in yad be rin’ e tin nib kireb e ngar tamdaggad ngorad. Gab adag ni nge dab kum tamdag ko en ni ir e ba ga’ lungun u puluwon e girdi’? Fa’anra gab adag, me ere mu rin’ e tin ni bfel’, ma aram me yognem ni gab fel’.

Proverbs 15:9

I SOMOL e ba fanenikay e ngongol rok e pi’in kireb, machane ba t’uf rok e pi’in ma rin’ e tin nib mat’aw.

Efesus 5:1

Thingar um guyed rogon ngu’um pired ni gimed be folwok rok Got, ni bochan e gimed pifak ni gimed ba t’uf rok.

Proverbs 12:21

Dariy ban’en nib kireb nma buch rok e pi’in nib mat’aw, machane pi’in kireb e dariy ban’en rorad, go’ oloboch.

Jeremiah 39:12

“Man ngam gay Jeremiah ngam ayuweg. Dab mu maad’ad ngak, ma ngam rin’ e tin ni ba’adag.”

Titus 2:14

I ir e pi’ ir ni bochdad ni fan e nge leagdad u fithik’ urngin e kireb me ngongliydad ngad manged ba ulung i girdi’ ni kad machalboggad nib mil fadad ngak me pasigan’dad ni ngad rin’ed e tin ni bfel’.