1 Peter 2:1 - Bible Ni Thothup

¹ Aram fan ni ngam paged urngin mit e kireb; ndab ku um lifithed l’ugunmed, ara um dake moding niged gimed, ara i awan’med ngak be’, ara umogned e thin nib kireb ngak be’!

1 Peter 2:1 Referans Kwoze

Efesus 4:31

Mu n’iged fan u wun’med urngin ban’en nib kireb nike aw nga lanin’med, nge tin kam dabuyed rok be’, ma dab ku um damumuwgad. Dab ku um tolulgad ngak be’ u fithik’ e damumuw ara umogned e thin nib kireb ngak be’! Dab ku um fanenikayed be’!

James 1:21

Ere mu n’iged urngin e ngongol romed nib golong ni kam mechamgad riy nge urngin i pangimed nib kireb. Mpired u tan pa’ Got ma gimed be fol ko thin rok nike yung nga lanin’med, ya ireray e ren’en nra i ta’med rok Got.

James 4:11

Pi walageg ni girdi’en Kristus, dab um weliyed ban’en nib togopluw ngak bigimed. En nra weliy ban’en nib togopluw ngak be’ ni walagen ni girdi’en Kristus ara thibthibnag e aram e ke welthin nib togopluw ko fare Motochiyel ma ke thibthibnag e re Motochiyel nem. Fa’anra mu thibthibnag e re Motochiyel nem, ma aram e gathi ka gur be’ ni ga be fol ko re Motochiyel nem, machane gur be’ ni ga be thibthibnag.

1 Peter 3:10

Ni bod ni be ga’ar e babyor nib thothup: “En ni ba’adag ni ngi i par nib felfelan’ ma be finey ni nge guy e pi rran nib manigil, e thingari dabki yog e thin nib kireb ma thingari tal ndab ki i lifith l’ugun.

1 Peter 4:4

Pi’in ndar nanged Got e kar gin gad ni fan e dakumur uned ngorad ko ngongol nib kireb ni yad be ngongliy, ma aram fan ni yad be yog e thin nib kireb ngomed.

1 Peter 4:2

Ere chiney i yan ngam’on e thingari par pangimed u n’umngin nap’an e yafos romed u roy u fayleng ni Got e be gagiyegnag nrogon ni be finey, ma gathi tin nma yim’ e girdi’ ni bochan nde mat’aw u wan’ Got e ir e nge gagiyegnag pangimed.

James 5:9

Pi walageg ni girdi’en Kristus, dab um gun’gun’gad nib togopluw ngak bigimed, nge dabi turguy Got e gechig romed. Ya en nma puf oloboch e ke sak’iy nga langan e mab nike fal’eg rogon ni nge yib!

Hebrews 12:1

Gadad e ba sug e pi girdi’ nem u to’obdad ni yad be guydad, ni ur daged ko ngongol rorad nrib michan’rad ngak Got. Ere ngad paged urngin ban’en ni be magawon ngodad, nge denen nike m’agdad nike chichiiy pa’ rodad, ngad athamgiliyed e gin ni kabay ni ngad milgad riy ngad tawgad ko gin ni gadad be nameg.

1 Timothy 3:11

Ma ppin rorad e ku errogon ndabisiy ni bfel’ pangirad, ndab ur uned ko dugdug thin; ma thingar ra pired ni yad ba gonop mrayag ni ngan pagan’uy ngorad u urngin ban’en.

Psalms 34:13

Fa’anra gimed ba’adag me ere dab ku mogned e thin nib kireb, ma dab ku mu lifithed l’ugunmed.

1 Peter 2:22

Ya dariy e denen ni ngongliy; ma dariy be’ ni rung’ag ta’ab bugithin nde riyul’ ni yib u l’ugun nga but’.

Titus 2:3

Ma ku errogon ni ngamog ngak e pi’in kar puwelwolgad ni nge par pangirad ni bod yalen e pi’in ni ppin ni yad ma par nib mat’aw pangirad u mit Got. Ma thangri dab ur t’ared e thin nga daken e girdi’, ara ra pired ni kar manged sib ko wayin. Ma thingar ra filed e tin ni bfel’

Psalms 32:2

Ba felan’ e en ndakir yog SOMOL ngak ni be rin’ e kireb; ma kar waergow urngin mit e sabanban.

1 Korinth 14:20

Pi walageg ni girdi’en Kristus, dab ku um leamgad ni bod e bitir; ngam boded e pi’in bitir ndar nanged rogon i ngongliy e kireb, machane ngam leamgad nrogon e pi’ilal.

Roma 1:29

Ke suguyrad urngin mit e tin nde mat’aw, nge tin nib kireb, nge chogow, nge kireb laniyan’; ma yad ba sug ko awan’, ma yad ma thang e pogofan, ma yad ma cham, ma yad ma sasalyeb, ma yad ba’adag ni ngar gafgow niged e girdi’. Ma yad ma dugdugthin,

Luke 6:42

Ere ra di’in me lungum ngak walagem, Mu son, nggu chuweg e re tabyu’ ni be’er u lan owchem, machane damur guy fare ley i gek’iy ni bay u lan owchem? Ere gur e cha’ ni ga be dake modingnigem! Som’on e ngam chuweg fare ley i gek’iy u lan owchem, nge mu’ ma aram e rayag ni mu guy ban’en ngam chuweg fare tabyu’ ni bay u lan owchen be’ ni walagem.”

Matthew 23:28

Ere ku er rogomed ni gubin e girdi’ ma be guymed ni gimed bfel’ u wuru’ i dowmed, machane ba sug lanin’med ko lifith l’ugun nge denen.

Matthew 7:5

Gur e cha’ ni ga be dake moding nigem! Som’on e ngam chuweg fare ley i gek’iy u lan owchem, nge mu’ ma aram me yag ni mu guy ban’en ngam chuweg fare tabyu’ u lan mit walagem.

Psalms 37:1

Kireb ni be ngongliy e girdi’ ni kireb e dab mpag nge wagageynag lanin’um; dabi awan’um ngak e pi’in yad be ngongliy e kireb;

2 Korinth 12:20

Gu be rusnag nra gub e nger mu gu pir’egmed ni gimed ba thil ko n’en ni gu be leamnag ni yugum boded, mi gimed pir’eg ni gub thil ko n’en ni gimed be finey ni yug gu bod. Gu be rusnag nra gub mu gu pir’egmed ni gimed be tugthin ma be awan’med ngomed, ma ba papey e dumumuw ngomed mra be’ ma kemus ni ir e be leamnag ir, ma gimed be yog e thin nib kireb ma gimed be gun’gun’nagmed, ma ba tolangan’med ma de ta’reban’med.

Proverbs 24:1

Dabi awan’um ngak e girdi’ ni kireb, ma dab mu guy rogon ni ngam mang tafger rorad.

Proverbs 3:31

Dabi awan’um ko girdi’ nma’ngach ara mu leamnag ni ngam ngongol ni bod yad,

Revelation 14:5

Dawor ra lifithed l’ugunrad bi’id; ma dariy e kireb rorad.

1 Peter 2:16

Um pired ni gimed bogni’ ni kam gilafgad ko kireb, machane gilaf ko kireb ni kam ted e dab mmaruwelgad ngay ni ngam upunguyed ban’en nib kireb, machane ngu’um ngongolgad nrogon e sib rok Got.

James 4:5

Dab mfineyed ndariyfan e re bugithin ni ba’aray ni bay u lan e babyor nib thothup ni be ga’ar, “Fare Kan Nthothup ni pi’ Got ni nge par u fithik’dad e be yim’ ni bochan e ngad yul’yul’gad ngak.”

James 3:14

Machane fa’anra be awan’med ngak be’, fa gimed be fanenikay be’, fa reb e go’ gimed e gimed be leam nagmed, ma thingari dab mu ufanthingad ngam lifithed l’ugunmed nib togopluw ko tin nib riyul’ e thin.

1 Thessalonika 2:3

Ya machib ni gu ted ngomed e gathi sum u ban’en nib oloboch ara tafinay nib kireb, ara gamad be guy rogon ni nggu ban niged be’.

1 Korinth 5:8

Ere gathi flowa ni bay fa bin kakrom e is riy ni aram e denen nge ngongol nib kireb e ngad madnom niged e madnom rodad ngay, ya ngad madnom niged e madnom rodad ko flowa ni dariy e is riy, ni flowa ko machalbog nge tin riyul’.

John 1:47

Ma fa’ani guy Jesus Nathanael ni be yib i yib ngak, me weliy murung’agen Nathanael ni ga’ar, “Cha’ney e riyul’ ni ir be’ u Israel, ni be’ nrib yul’yul’!”

Luke 11:44

Kari mu gafgowgad! Gimed bod e yam’ ni kan k’eyag ndariy e pow riy be yan e girdi’ u daken ndarir nanged.”

Isaiah 30:22

Bay mu feked e pi liyos nni ngongliy ko silber nge pi liyos romed ni ka ni liyef ko gol, ngam n’iged ni bod e dow ni gimed be tolul ni gimed be ga’ar, “Mu chuw riy!”

Proverbs 24:19

Dab mu pag nge wagagaynag e pi’in kireb lanin’um; ma dabi awan’um ngorad.

Proverbs 14:30

Gapas laniyan’ e ma fal’eg fithik’ i dowey, machane awan’ e bod e m’ar ni kanser.

BABYOR NI JOB 36:13

Pi’in ndar nanged Got e yad ma par ni yad ba damumuw, ni mus ko ngiyal’ ni kan gechig nagrad, mdarir meybilgad ngar ninged e ayuw.

Luke 12:1

Nap’an ni mu’ulung yu biyu’ e girdi’ nga ta’bang ni be yit’ boch i yad boch i yad, ma som’on e ga’ar Jesus ngak e pi gachalpen, “Mu ayuweged gimed ko is rok e pi Farise — n’en ni gu be yip’ fan e dake moding ni yad be tay.

Mark 12:15

Me nang Jesus e ban rorad, me fulweg ngorad ni ga’ar, “Mang ni gimed be guy rogon ni nggu aw ko ban romed? Mfeked ba salpiy nib silber i yib ngog ngug guy.”

Matthew 24:51

Fare masta e bayi theth’ab fa’anem nnochiyang min uneg ko n’en ni ngan rin’ ngak fa picha’ ni yad ma dake moding niged yad. Ni aram e gin bay i yor riy ma be chachafin nguwelen.

Matthew 15:7

Gimed e pi’in gimed ma dake moding niged gimed! Rib sorok Isaiah ni profet ni fa’ani weliy murung’agmed ni ga’ar:

Isaiah 2:20

Nap’an nra taw ko rofen nem, ma bay ra n’iged e gol nge liyos ni silber nra ngongliyed, ngar n’iged ngak e boro’ nge magl’aw.

Psalms 73:3

ni bochan e awan’ug ngak e pi’in yad ba tolngan’ nap’an ni gguy ni pi’in kireb e bo’or ban’en rorad.