1 Kronicles 6:3 - Bible Ni Thothup

³ L’agruw e pumo’on ni fak Amram: Aron nge Moses, nge ta’reb e bpin ni Miriam. Aningeg e pumo’on ni fak Aron: Nadab, Abihu, Eleazar, nge Ithamar.

1 Kronicles 6:3 Referans Kwoze

Levitikus 10:1

Nadab nge Abihu ni l’agruw i pagel ni fak Aron e ra bagyow me fek e ba’ rok e pan nma par e nifiy u langgin nge af e kol ni be yik nga langgin, miyow uneg e incense ngay, ngar pi’ew nib maligach ngak SOMOL. Machane re nifiy ney e de thothup, ya dawori yog SOMOL ni ngar pi’ew e maligach ngak ni aray rogon.

Exodus 6:20

I Amram e le’engiy Jokebed ni be’ ni bpin ni walagen e chitmangin, miyow diyennag Aron nge Moses. I Amram e par ni bfos nge yan i gaman 137 e duw rok.

Levitikus 10:12

Me ga’ar Moses ngak Aron nge fa gali pumo’on ni fak ni kar magey gow, ni aram Eleazar nge Ithamar, “Mu feked fare maligach ni grain ni ke’aw ko fapi ggan ni kan pi’ ngak SOMOL ngam ngongliyed e flowa riy ndab ntay e is ngay ngam ked u to’oben fare altar, ya re maligach ney e rib tabgul.

Exodus 15:20

Mi Miriam, ni be’ ni bpin ni ba profet ni walagen Aron e fek e tambourine, ma urngin e ppin nra leked ni yad be chubeg e tambourine ni yad be churu’.

Mikah 6:4

I gag e gu chuwegmed u Egypt. Um pired riy ni gimed’ e sib, mu gu chuwegmed riy. Gu pi’ Moses nge Aron nge Miriam ni ngu’ur pow’iyed gimed.

1 Kronicles 23:13

Bin nganni’ e pagel ni fak e Amram ni ir e chitamngin Aron nge Moses. (Aron nge pi’in owchen e ni falrad ngabang ni nge milfan fa pin’en nib thothup ngorad ni manemus, ngu’ur urfiyed e pi incense ko ngiyal’ ni yibe liyor ngak SOMOL, ma yad be pigpig ngak, ma yad be fel’eg wa’athan e girdi’ nga fithingan.

Levitikus 10:16

Me fith Moses murung’agen fare kaming ni maligach ni fan ko denen, me nang ni kan mu’ i urfiy. Me damumuw Moses ngak Eleazar nge Ithamar, me yog ngorow ni ngar fulwegew lungun, me ga’ar ngorow,

Exodus 28:1

“Mu pining Aron ni walagem nge pifak ni pumo’on ni aram Nadab, Abihu, Eleazar, nge Ithamar. Mu faelrad nga bang u fithik’ piyu Israel, ya ngar manged tapigpig rog ni prist.

Exodus 24:1

Ma ke ga’ar SOMOL ngak Moses, “Mired Aron, nge Nadab, nge Abihu, nge medlip i ragag u fithik’ fapi girdi’ ni yad ma yog e thin rok piyu Israel nga daken e burey; ma nap’an e ki gimed bay nga orel, mi gimed siro’ nga but’ ni gimed be liyor.

Exodus 6:23

Me le’engiy Aron Elisheba ni be’ ni bpin ni fak Amminadab ma walagen Nahshon; miyow diyennag Nadab, Abihu, Eleazar, nge Ithamar.

Exodus 2:7

Me fith fachi pin ni walagen fare tir fare pin ni fak Farao ni ga’ar ngak, “Dab gu wan gu pining reb e bpin ni Hebrew ni ba’ logowen thuthun nge ayuwegnem ngi i pi’ e thuth ko re tir nir?”

Exodus 2:4

Me par bochi pin ni walagen e re tir nem u orel riy ngi i guy e n’en ni bay rin’.

1 Kronicles 6:2

Ma aningeg e pumo’on ni fak Kohath: Amram, Izhar, Hebron, nge Uzziel.

1 Kronicles 6:4

Ba’aray e pi’in owchen Eleazar u reb e mfen ngu reb: Finehas, Abishua,

1 Kronicles 15:10

ma Amminadab e ir e ga’ ko karok Uzziel e girdi’, ma ir e ma yog e thin rok 112 e girdi’.

1 Kronicles 23:12

Kohath e aningeg e pagel ni fak: Amram, Izhar, Hebron, nge Uzziel.

1 Kronicles 24:22

Jahath, reb i owchen Izhar u daken Shelomith;