1 Kronicles 4:9 - Bible Ni Thothup

⁹ Immoy be’ nib mo’on ni Jabez fithingan, ni ir e yima tayfan u lan e tabnaw rok. I pi’ e chitiningin e re ngachal nem ngak ni Jabez, ni bochan e rib gel amthun e gargel ni tay rok.

1 Kronicles 4:9 Referans Kwoze

Acts 17:11

Ma girdi’ nu rom e de manan’rad ni bod e girdi’ nu Thessalonika nib manan’rad. Miyad motoyil ko thin rok Got ni kar uthmed telrad ngay, ma gubin e rran ni ur gayed u lan e babyor nib thothup ni ngar guyed ko rriyul’ e tin ke yog Paul fa.

1 Samuel 4:21

Me tunguy Ikabod ngak fachi pagel, ni fan e, “Maluplup’ rok Got e ke chuw u Israel”, ni aram e be yip’ fan fare Kahol ko M’ag ni kan kol, nge yam’ nike tay e chitamngin figirngin nge figirngin.

Genesis 34:19

ma fare pagel i Shekem e da ki ayal ya kachingiyal’ nem me rin e tin kannog, ni bochan e ke aliliynag fare rugod ni fak Jakob. Ma cha’nem i Shekem e ir e cha’ ni ri yima tayfan u tabnaw rok.

1 Kronicles 7:23

Ma aram’ ma ku ra pirew le’engin bayay, me diyen le’engin miki fakay reb e pagel. Miyow tunguy fithingan ni Beriah, ni bochan e oloboch nike yib ngalan e tabnaw rorad.

Genesis 35:18

Machane ngiyal’nem e be th’ab Rachel e fan rok, me tunguy fithingan fare pagel ni fak ni Benoni, machane chitamngin fare tir e tunguy fithingan ni Benjamin.

Genesis 3:16

Me ga’ar ngak fare pin, “Bay gu yo’ornag e gafgow rom ko ngiyal’ ni kam diyen, mu gu gelnag e amith ngom ko ngiyal’ ni ngam gargel. Machane bay kum par ni ka ga be yim’ ni bochan e pumo’on rom, ma bayi par ni ir e suwon gur.”

Isaiah 43:4

Gu ra tay bogi nam ni polo’ nga luwam ni fan e nggu ayuweg e pogofan rom, ya ri gab fel’ u wun’ug ma bochan e ri ga ba t’uf rog rog ma aram e gu be gagiyeg nagem ngu’un tay fam.

1 Kronicles 4:8

I Koz e ir chitamngin Anub nge Zobebah, ma ir e chitamngin fa yuke girdi’ ni yib rok Aharhel nib mo’on ni fak Harum.

1 Kronicles 4:10

Machane me meybil Jabez ngak fare Got nu Israel ni ga’ar, “Got mu tow’ath nigeg, ngam ga’nag e gin tafnag. Mu par rog nga mu yororiyeg ko kireb nge dabi kar amith ngog.” Me pi’ Got ngak e tin ni meybilnag.

Proverbs 23:25

Ngam guy rogon ngi i par e chitamam nge chitinam ni yow ba felan’ ngom; ngam pi’ ngak e chitinam e re felan’ nem.