1 Kronicles 4:10 - Bible Ni Thothup

¹⁰ Machane me meybil Jabez ngak fare Got nu Israel ni ga’ar, “Got mu tow’ath nigeg, ngam ga’nag e gin tafnag. Mu par rog nga mu yororiyeg ko kireb nge dabi kar amith ngog.” Me pi’ Got ngak e tin ni meybilnag.

1 Kronicles 4:10 Referans Kwoze

Proverbs 10:22

I SOMOL e ke fel’eg wa’tham kam fla’ab. Math’kenyil’ e dabi yon’ daken e fla’ab rom.

Jeremiah 33:3

“Mu piningeg mu gu fulweg lungum; gu ra yog ngom boch ban’en nib manigil ma bfel’ ni damnang murung’agen.

Isaiah 41:10

Dab mu tamdag, ya gu bay rom. I Gag e Got rom, dariy ban’en ni nga mu rus ngay. Bay gu gel nigem mu gu ayuwegnem; bay gu yoror rom mu gu ayuwegnem nga pa’ag nib gel.

Efesus 3:20

Ya ir e rayag rok ni nge maruwel nge pag rogon ko tin kad wenig niged ngak, ara ke taw e leam rodad ngay, ni ra muruwliy u daken fare n’en ni gelngin ni ku ir e be maruwel u fithik’dad.

Psalms 119:173

Gubin ngiyal’ ma kam fal’eg rogom ni ngam ayuwegneg, ni bochan e gu be folwok ko tin kamog.

2 Timothy 4:18

Mi Somol e bayi chuwegeg u fithik’ urngin e gafgow, me thapegeg nga tharmiy ko gin nsuwon. Me ir e nganog e sorok ngak ndariy n’umngin nap’an! Amen.

John 10:28

Kug pi’ e yafos ni dariy n’umngin nap’an ngorad ni aram e dab kur m’ad; ma dariy be’ nrayag ni nge lagrad rog.

Efesus 1:3

Ngad pininged e magaer ngak Got ni ir e Chitamngin e Somol rodad i Jesus Kristus! Ya ke tow’ath nagdad u daken e ta’ab girdi’ ni kad ted Kristus, ni fan e ke pi’ ngodad urngin mit e tow’ath nu tharmiy.

Psalms 21:4

Ke ning e yafos ngom, ma kam pi’ ngak, ba yafos nib n’uw ma dabi mus bi’id.

Isaiah 41:17

“Ra gafgow e girdi’ rog ko ran miyad gay e ran, nike mlik’ e k’onganrad ni bochan e belel, me gag SOMOL e bay gu fulweg taban e meybil rorad; I gag fare Got nu Israel e ri dab gu n’agrad.

Psalms 55:16

Machane gu be ning e ayuw ngak SOMOL ni Got, ma bayi ayuwegneg.

1 Korinth 1:2

Ngak girdi’en e galesiya rok Got ni bay u lan yu Korinth, ni urngin e pi’in ni Got e ke piningrad ni ngar manged girdi’en, ni pi’in ke mil farad ngak Got ni bochan e kar ta’ab girdi’gad Kristus Jesus, ma kar ta’ab girdi’gad urngin e girdi’ nu gubin yang ni pi’in yad ma pining fithingan e Somol rodad i Jesus Kristus, ni ir e Somol rorad nge gadad:

Genesis 33:20

Me ubung ba altar u rom, me tunguy El ngay, ni aram e ke ga’ar, altar rok fare Got nu Israel.

Genesis 12:2

Bay gu gagiyeg nge yib owchem ni pire’ ni pire’, ni yad e bay ra manged girdi’en ba nam nib ga’. Bay gu fal’eg wa’atham mu gu gagiyeg nge gilbuguwan fithingam, me fel’ wa’athan e girdi’ ni bocham.

Genesis 48:16

Ma fare engel ni chuwegeg u fithik’ urngin e riya’ e ngi i fal’eg wa’athrow. Fithingag nge fithingan e gal chitamag i Abraham nge Isak e ngi i par u dakenrow. Nge yo’or pifak row ngar manged baraba’ i girdi’ ni pire’.”

Psalms 99:6

Moses nge Aron e yow e prist rok, me Samuel e be’ ni i meybil ngak; ra pininged SOMOL, me fulweg lungurad.

Psalms 72:17

Mang e yigi par fithingan e en pilung ni dab ni pag talin; mang e yigi par buguwan nn’umngin nap’an ni bay e yal’. Mang e yigi urngin e nam me ning ngak Got ni nge fal’eg wa’athrad ni bod nike fal’eg wa’athan e en ni pilung.

Genesis 32:28

Me ga’ar fare mo’on, “Dabki par fithingam ni Jakob. Kam fathael ngak Got nge ngak e girdi’, ma kam gel; ere nge par fithingam ni Israel.

Psalms 65:2

ni bochan e ga ma fulweg taban e meybil. Urngin e girdi’ e ngarbad ngom

Genesis 32:26

Me ga’ar fare mo’on, “Mpageg nggu wan, ya ke yib e tamilang.” Machane me ga’ar Jakob, “Fa’anra dab mu fal’eg wa’athag, ma dab gu pagem ngam man.”

Proverbs 30:8

Mu aywegeg nga dab ug sasalap l’ugun, ma dabri fel’ rogog ma dab rug gafgow. Ere mu pi’ ngog chi urngin e ggan nib t’uf rog.

Psalms 51:8

Mu suguyeg ko felfelan’ nge fel’ laniyan’; ni yugu aray rogon ni kam masengseng nigeg ma kam t’areg, mu kug felfelan’ bayay.

BABYOR NI JOB 12:4

Mus ngak e pi tafager rog ma ku gu mang bmakak’ar ngorad; yad be minmin ngog, ni yug aram rogon ni gub mat’aw ni dariy thibngig; ma immoy bingyal’ nma fulweg Got taban e meybil rog.

1 Samuel 1:17

Me ga’ar Eli ngak, “Mman u fithik’ e gapas, mang e yigi pi’ fare Got nu Israel e fulweg ko n’en ni ga be ning ngak.”

Genesis 12:8

Tomuren e binem, me yan u rom ngalan e yimuch ko fare burey ni bay ko ngek ko binaw nu Bethel, me n’uf e pi tent rok u thilin yu Bethel ngu Ai, ni ba’ yu Bethel ko ngal ma bay yu Ai ko ngek. Miki ubung reb e altar u rom nge tayfan SOMOL me meybil ngak.

Psalms 51:12

Mfulweg e felfelan’ ngog nma yib ko ayuw ni ga ma pi’, ma ga ayuweg lanin’ug ngi i fol rom.

Roma 12:9

Rogon nib t’uf e girdi’ rodad e thangri yan i aw nib riyul’. Mu fanenikayed e tin nib kireb, mi gimed chichi’iy pa’med ko tin ni bfel’.

Acts 3:26

Ma aram me duwgiliy Got ni gimed e som’on ni nge l’oeg e Tapigpig rok nge yib ngomed, nge ayuwegmed ni aram e nge ngongliymed ni gimed gubin ngam pi’ed keru’med ko kireb ni gimed be rin’.”

Roma 16:19

Yigoo kan rung’ag fanmed yul’yul’ ko thin rok Got, ni era’ fan ni kug felfelan’ ngomed. Gub adag ni nge tamilangan’med u murung’agen e tin ni bfel’, machane ngam pired ndab mu uned ko kireb.

Matthew 6:13

Dab mfekmad i yan ko sikeng nib mo’maw’, machane ngam ayuwegmad rok Fa’anem nib Kireb.’

1 Kronicles 16:8

Ngu’un pining e magaer ngak SOMOL, min weliy feni sorok; ngan weliy ngak e pi nam e tin ke rin’.

Revelation 3:19

Gu ma puwan’ ma gu ma gechignag urngin e pi’in yad ba t’uf rog. Ere mu tiyan’um ngam pi’ keruum ko denen ni ga be rin’.

Efesus 4:30

Ma dab mu kireb niged laniyan’ fare Kan Nthothup rok Got; ya Kan Nthothup e ireram e pow rok Got nike tay ngomed nike suweymed, ni aram e mich riy ni bay reb e Rran ni bayi taw ngay me ri pithigmed Got rok e denen.

John 21:17

Me ga’ar Jesus ngak ko yay ndalip, “Simon, ni fak John gur, gub t’uf rom?” Me taganan’ Peter ni bochan e ke gaman e dalip yay nike fith Jesus ngak e re bugithin ney ni ga’ar, “Gub t’uf rom?” Me ga’ar Peter ngak, “Somol, ga manang urngin ban’en; ga manang ni gab t’uf rog!” Me ga’ar Jesus ngak, “Mu gafaliy e saf rog.

Luke 19:42

ni be ga’ar, “Fa’an mang e aray rogon ma kamnang e daba’ e n’en ni ir e ra fek e gapas i yib ngom! Machane chiney e dabiyag ni ngam guy!

Matthew 26:75

me yib ngan’ Peter e n’en ni yog Jesus ngak ni ga’ar, “Ra dawori chochol e nimen ma dalip yay ni bay mog nda mu nangeg.” Me yan nga wuru’ e yoror ngi i yor ni kari kireban’.

1 Kronicles 4:9

Immoy be’ nib mo’on ni Jabez fithingan, ni ir e yima tayfan u lan e tabnaw rok. I pi’ e chitiningin e re ngachal nem ngak ni Jabez, ni bochan e rib gel amthun e gargel ni tay rok.

1 Kronicles 4:11

I Kaleb nib mo’on ni walagen Shuhah e bay ba pagel ni fak ni Mehir fithingan. Me Mehir e chitamngin Eshton,

Genesis 28:20

Me micheg Jakob bbugithin ngak SOMOL ni Got ni ga’ar, “Fa’anra um un ngog ngu’um yoror rog ko re milekag ney, mu um pi’ e ggan nge mad ngog,

Genesis 28:21

mu gu sul nga tafen e chitamag ndabi buch ban’en rog, me ere ga ra mang Got rog.

Genesis 32:27

Me ga’ar fare mo’on, “Mini’ fithingam?” Me ga’ar, “Jakob.”

1 Samuel 1:20

Me diyen nge gargeleg bochi pagel. Me tunguy fithingan ni Samuel, me weliy murung’agen fithingan ni ga’ar, “Gu wenig ngak SOMOL ni nge pi’ ngog.”

1 Samuel 1:26

Me ga’ar Hannah ngak, “Siro’ ngom, ka ga manangeg fa danga’? I gag fare pin ni mu guyeg u roy ni gub sak’iy ni gu be meybil ngak SOMOL.

1 Samuel 1:27

Gu wenig ngak ni nge pi’ e re tir ney ngog, me pi’ ngog e n’en gu wenignag ngak.

Psalms 121:7

I SOMOL e ra yororiyem rok urngin e riya’; me tem ndabi buch ban’en rom.

Psalms 145:19

Pi’in bay madgun u wun’rad e ma pi’ ngorad e tin nge yag ngorad; ma rung’ag e tin yad ma wenignag ngak me ayuwegrad.