1 Kronicles 26:16 - Bible Ni Thothup

¹⁶ Shuppim nge Hosah e duwgil ni bin ngal e garog e ngar matanagiyew nge fare garog ni Shalleketh ni bay ko fare pa’ i wo’ u talang. Maruwel ko matnag e ni duwgiliy u dakaney nra be’ ma bay e ngiyal’ ni nge matnag.

1 Kronicles 26:16 Referans Kwoze

Nehemiah 12:24

U tan e gagiyeg rok Hashabiah, Shrebiah, Jeshua, Binnui nge Kadmiel e ni yu ulungnag e pi Levite ni yu l’al’agruw e ulung ni ngu’ur tang niged e sorok ngak Got ma yad be ognag e magaer ngak, ni bod rogon ni tay David ni pilung chiylen ni fare mo’on ni bay Got rok.

2 Kronicles 9:4

Me guy e ggan ni yibe pi’ u tebel rok, nge pi senggil nma par e pi tolang rok riy, nge rogon feni yaram gathon e maruwel ko fare tafen e pilung rok nge mad nib ta’reb rogon ni yad ma yin’, nge pi mad rok e pi tapigpig rok, nge maligach nma pi’ u Tempel. Me par fare pin nike ngat nike balyangan’.

1 Kronicles 25:8

Yad ma girengiy e pow ni nge duwgil ko mang e nge rin’ be’ nge be’, ni demturug ko bfel’ yangrem fa kam pilibithir, ara ga ba salap fa kafin mu tabab.

1 Kings 10:5

nge ggan ni be pi’ yibe kay u tabel rok, nge tagil’ e pi tolang ni yad ba migid ngak, nge feni yaram chon e maruwel rok nge mad rorad ni ta’reb rogon ni karon’ed, nge pi’ tapigpig rok ni yad be farwol ko pi mur, nge gamanman ni maligach ni be pi’ u Tempel. Ri ngat e re bpin nem ngay nike balyangan’.

1 Kronicles 26:15

Obed Edom e duwgil e bin yimuch e garog ni nge matanagiy, ma pi pagel ni fak e duwgil ni ngar matanagiyed e pi senggil ni yima cha’ar riy.

1 Kronicles 26:17

U ba’ ni ngek e ra reb e rran ma nel’ e matnag riy, ba’ ni lel’och e aningeg, ma ba’ ni yimuch e ku aningeg. Aningeg e matnag ko pi senggil ni tafen e cha’ar ni gubin e rran, ni lal’agruw ni’ nga reb e senggil ni tafen e cha’ar.

1 Kronicles 26:18

Mu wean ko fare yoror ko ngal e bay aningeg e matnag riy u charen e kanawo’ ma l’agruw ngalan fare yoror.