1 Kronicles 26:1 - Bible Ni Thothup

¹ Ba’aray e pi maruwel nni pi’ ngak pi Levite ni yad e ngu’ur matnaggad u Tempel. Fare ke girdi’ rok Korah e immoy be’ nib mo’on ni Mishelemiah riy ni fak Kore, ni be’ ko fare tabnaw rok Asaf.

1 Kronicles 26:1 Referans Kwoze

Psalms 49:1

Mu telmed urngin e girdi’! Motoyilgad e girdi’ u gubin yang,

Psalms 44:1

A Got, ku gu rung’aged nga telmad, pi chitamangimad kakrom e kar weliyed ngomad murung’agen, feni sorom ko pin’en ni um rin’ u nap’rad, ko fapi rran ni kakrom:

2 Kronicles 23:19

Miki tay Jehoyada e matnag ko fapi garog ko Tempel ni maruwel rorad e ngu’ur ted u wean e girdi’ nib alit nrogon ni kan turguy.

1 Kronicles 6:37

Tahath, Assir, Ebiasaf, Korah,

1 Kronicles 26:2

Ni medlip e pagel ni fak, ni kan yarmiy fithingrad ni tabab ko en ni nganni’: Zekariah, Jediael, Zebadiah, Jathniel,

2 Kronicles 8:14

Me fol ko pi motochiyel nike ngongliy e chitamngin i David, me yarmiy rogon e maruwel rok fapi prist u reb e rran nge reb ma ku er rogon pi yu Levi ni yad ma ayuweg fapi prist ko tang nge pi maruwel rorad. Miki yarmiy girdi’en e matnag u Tempel ni fan ko pi maruwel rorad u langan e pi garog ni yu rran, ni bod rogon nike yog David, ni fare pumo’on ni bay Got rok.

Ezekiel 44:11

Rayag ni ngu’ur pigpiggad ngog u lan fare Tempel ni yad e ga’ ko pi garog mu’ur rin’ed e maruwel ko fare Tempel. Rayag ni yad ra li’ e gamanman ni be pi’ e girdi’ ni maligach ni mo’oruf nge yug maligach, mu’ur rin’ed e maruwel rorad ni yad be pigpig ko girdi’.

1 Kronicles 9:14

Tin ba’aray ko pi Levi e ur pired u Jerusalem: Shemayah nib mo’on ni fak Hasshub, ni pi ga’ rok kakrom e ba mu’un i Azrikam nge Hashabiah ngay ko fare ke girdi’ rok Merari Bakbakkar, Heresh, nge Galal Mattaniah nib mo’on ni fak Mika, ni pi ga’ rok kakrom e ba mu’un i Zikri nge Asaf ngay Obadiah nib mo’on ni fak Shemayah, ni pi ga’ rok kakrom e ba mu’un Galal nge Jeduthun ngay Berekiah nib mo’on ni fak Asa ma Elkanah e tutuw rok, ni i par u lan e gin nib mil suwon ko fachi binaw nu Netofah

1 Kronicles 23:5

ma aningeg bbiyu’ e ba milfan e matnag ngorad, ma aningeg bbiyu’ e ngu’ur pininged e sorok ngak SOMOL ni yad be chubeg e pi talin e musik ni thagnag fare pilung ni fan ko biney e gam’ing.

1 Kronicles 26:9

Tabnaw rok Meshelemiah e nni mel’eg ragag nge meruk e pumo’on riy nrayag e re gaf i maruwel ney rorad.