1 Kronicles 22:3 - Bible Ni Thothup

³ Me pi’ e wasey nib yo’or ni ngan ngongliy e rchib nge pin’en ni yima k’adeg ko fapi mban e garog ni plang, nge bronze nib yo’or ndariy be’ nrayag rok ni nge thabthabelnag tomalngin.

1 Kronicles 22:3 Referans Kwoze

1 Kronicles 22:14

Me gag e kug k’adgelngig kug kunuy e gol nike chugur i gaman e aningeg bbiyu’ e ton ma silber e ke chugur i gaman aningeg i ragag e bbiyu’ e ton ni ngan fanay ko fare Tempel ni ngan toy. Ma ku bay e bronze nge wasey ndabi may’. Ku gu fal’eg rogon e plang nge malang kug tay, machane thingar kum yagnag boch.

1 Kronicles 29:2

Karimus rogog i t’ar madlin urngin ban’en ni fan ko fare Tempel — gol, silber, bronze, wasey, ren, nge malang nib tolang pulwon nge tin kan th’ab ni nge mang nunuw, nge tin ngan fal’eg ya’an ban’en riy, nge malang ni marble ni yo’or.

1 Kings 7:47

De yog Solomon ni ngan thabthabelnag e pin’ey nib bronze, ni bochan e kay gi yo’or, ma aram e de yag ni ngan nang tomalngin e pin’ey.

1 Kronicles 29:7

e tin ni ba’aray ni fan ko maruwel ko fare Tempel: 190 e ton e gol, 380 e ton e silber, nge 675 e ton e bronze, nge 3,750 e ton e wasey.

Jeremiah 52:20

Ma pin’en nni ngongliy ko bronze, ni Solomon ni Pilung e yog ni nga ni ngongliy ni fan ko Tempel, ni aram fa gali duga’, nge ay e pin’en ni bay u Tempel, nge fare teng ko ran nib ga’, nge fa ragag nge l’agruw i garbaw ni ir e ke gif fare teng nga daken ya ke pag feni tomal ndabiyag i thabthabelnag.

2 Kronicles 4:18

Ere bo’or e pin’en nni ngongliy ndariy ta’abe’ ni manang tomalngin gubin e bronze nni fanay ngay.

Deuteronomy 8:9

Gimed ra par u rom ma dab m’ad ko bilig fa mu yoyowolgad u ban’en. Ma malang riy e bay e wasey u fithik’, ma burey riy e rayag ni ngam kered e wasey ni copper u fithik’.