1 Kronicles 22:2 - Bible Ni Thothup

² Me yog David ni Pilung ni nge mu’ulung gubin e milekag nga ta’bang ni yad ma par u Israel, ma aram me pi’ e maruwel ngorad. Boch i yad e i th’ab e malang ni ngan fanay ko fare Tempel.

1 Kronicles 22:2 Referans Kwoze

2 Kronicles 2:17

Me the’eg Solomon ni Pilung e pi girdi’ nu boch e nam ni yad ma par u lan fare nam nu Israel, ba chugur ni nge ta’reb rogon ko fare mathe’eg girdi’ ni tay e chitamngin i David. Pi girdi’ nu boch e nam ni yad be par u Israel e yad 153,600 u gubin.

Efesus 2:12

Re ngiyal’ i n’em e um pired nda mmoyed rok Kristus. Um moyed ni gimed e girdi’ nu bang, ma da mu uned nga fithik’ e girdi’ nike mel’eg Got ni nge mang girdi’ rok. Ma da mu uned ko fapi m’ag ni pi’ Got ngak girdi’en ni bay rogon ko tin ni yog Got ni bayi pi’ ngak e pi’in girdi’en. Um pired u roy u fayleng ndariy ban’en nike l’agan’med ngay ma de moy Got romed!

Ezra 3:7

Me pi’ e girdi’ e salpiy ni nga ni pi’ ni puluwon e pi’in ni ba salap i ubung malangen e naun nge girdi’ nib salap ko dimow naun; miyad pi’ e ggan nge garbod nge gapgep ko olive ni nga ni pi’ nge yan ko binaw nu Tyre ngu Sidon ni ngan thiliyeg ko gek’iy ni cedar ni yibe fek u Lebanon ni ngan fek u maday nga Joppa. Nrin’ urngin e pin’ey ni Cyrus ni Emperor nu Persia e pithig e thin riy ngan rin’.

1 Kronicles 14:1

Hiram ni Pilung nu Tyre e l’oeg boch e tolang ko salthaw ngak David; nike un ngorad e pi’in salap ko dumow naun, nge girdi’en e fal’eg malang, nge yuley i ren ni cedar nib gaman ni ngan toy ba naun ko pilung ngay.

2 Kings 22:6

e pi’in nma maruwel ko ren, nge pi’in yad ma dimow naun, nge pi’in yad ba salap i gad e malang ko naun, nge puluwon e ren nge malang ni ngan fal’eg rogon e Tempel ngay.

2 Kings 12:12

nge pi’in nma dimow naun ni simen nge pi’in ma th’ab e malang, min chuw’iy e ren nge malang ni ngan fanay ngan ngongliy e yungin nike kireb, mu kun pi’ puluwon urngin e tin kabay ni ku yira pi’ puluwon.

1 Kings 6:7

Ma pi malang nni fanay ko Tempel e kem’ay i ngongliy rogon ko gin nni ker riy, ere ntoy e Tempel nde yan lingan e ama fa tow ara yugu reb e talin e maruwel ni wasey.

2 Samuel 5:11

Hiram ni Pilung nu Tyre e l’oeg e pi tamal’og ngak David; me pi’ yuley i ren ngak David ni cedar fithingan, nge girdi’en e dimow naun, nge pi’in yad manang rogon i ubung e malang ni yima fanay ko naun ni ngar toyed ba tafen e pilung ngak David.

1 Kronicles 29:1

Me weliy David ni Pilung ngak fare ulung i girdi’ ni gubin ni ga’ar: “Fakag i Solomon e ir e cha’ nike mel’eg Got, machane dawri ilal ma dawori yo’or ban’en nike nang rogon. Maruwel ni ngan rin’ e rib ga’, ni bochan e gathi ba naun ni tafen e pilung ni girdi’, ya ba tempel ni fen SOMOL ni Got.

2 Kronicles 2:16

Bay gu th’abed urngin e ren nib t’uf rom u fithik’ e burey nu Lebanon, mu gu m’aged ni bod e fofot ma gamad fek u maday nge mada’ nga Joppa. Mi gimed fek u rom nga Jerusalem.”