1 Kronicles 21:1 - Bible Ni Thothup

¹ Mo’onyan’ e ba’adag ni nge girengiy e tin ba mo’maw’ nga daken e girdi’ nu Israel, ma aram me k’aring lanyan’ David ni nge matha’eg girdi’.

1 Kronicles 21:1 Referans Kwoze

Zekariah 3:1

Bayay niki pilyeg e changar rog nge dag SOMOL i Joshua ni fare Prist ni Th’abi Ga’ nib sak’iy u p’eowchen fare engel rok SOMOL. Ma ba sak’iy Satan u rom u charen Joshua, nike fal’eg rogon ni nge thibthibnag Joshua.

BABYOR NI JOB 2:1

Fa’ani taw ko rofen ni nge yib pi chon e tharmiy nga p’eowchen SOMOL bayay, ma ku bay Satan u fithik’rad.

Revelation 12:10

Mu gu rung’ag ba lam ni ba ga’ u lan e tharmiy ni be ga’ar, “Ke taw ngal’an ni nge thapeg Got e girdi’ ngak! Chiney e ke dag Got gelngin ni ir e Pilung! Chiney e ke dag e Messiah rok gelngin! Ya fa’anem nma egnag pi walagdad nma yib i sak’iy nga p’eowchen Got ngi i thibthibnagrad ni rran nge neap’ e ka nin’ nga wuru’ e tharmiy.

Hebrews 10:24

Ere nge bagadad ma ngi i leamnag bagadad, ma nge bagadad ma ngi i ayuweg bagadad ma be dag ngak nib t’uf rok ma be rin’ e tin ni bfel’ ngak.

Acts 5:3

Me ga’ar Peter ngak, “Ananias, mang ni kam pagem ngak Satan kemang ir e ke gagiyegnag lanin’um ke muruwliyem kam lifith l’ugunam ngak fare Kan ni Thothup ni bochan e kam cha’riy bang fare salpiy ni yag ngom ni puluwon fare gi binaw?

John 13:2

Ma aram e bay Jesus nge pi gachalpen ni yad be abich ko blayal’. Ma ke mu’ i tay rok mo’onyan’ nga laniyan’ Judas, ni fak Simon Iskariot, ni ir e nge yagnag Jesus.

Luke 22:31

“Simon, Simon! Mmotoyil! Kan pi’ mat’wun Satan ni nge sikeng nagmed ni gimed gubin, ni bod rogon be’ ni girdi’en e woldug ni be chuweg fiteyru’ wom’ngin e wheat ni aram e pin’en ni yima ngongliy nge mang flowa.

Luke 11:53

Ma fa’ani chuw Jesus u rom me tabab e pi tamchib ko Motochiyel nge pi Farise i thibthibnag Jesus nrib el merin, ma bo’or ban’en ni yad be fith murung’agen ngak,

Matthew 4:3

Me yib e mo’onyan’ i ga’ar ngak, “Fa’anra Fak Got gur, me ere mu non ko pi malang ney nge ngal’ ni flowa.”

James 1:13

Ma fa’anra yib e mit nem e sikeng ngak be’ nrayag ni nge waliy fa’anem nge denen, ma thingari dabi ga’ar u laniyan’, “Ren’ey ni be waliyeg ni nggu denen e yib rok Got.” Ya dariy ban’en nib kireb nrayog rok ni nge waliy Got nge denen, mi Got e der rin’ ngak be’.

1 Kronicles 20:8

Dalip i girdi’ ney ni li’ David nge pi salthaw rok ngarm’ad e, go’ yad owchen e fapi girdi’ ni tagyet nu Gath.

1 Kronicles 27:24

Joab, ni Zeruyah e chitiningin e tabab i the’eg e girdi’, machane de mu’nag. Me gechignag Got yu Israel ni bochan e re mathe’eg girdi’ ney, ere rogon urngin e girdi’ u gubin e dan yoloy ngalan babyoren e pi tolang rok David ni Pilung.

Exodus 30:12

“Nap’an ni ga ra the’eg e girdi’ nu Israel, mra be’ ma nge pi’ puluwon e pogofan rok, ya nge dabi yib ba riya’ ngak u nap’an ni yibe math’eg girdi’.

1 Kronicles 7:40

Urngin e pi cha’ ney ni yad e pi’in owchen Asher. Yad lolgen e pi tabnaw, ma yi go’ yimnangrad ni yad bogi falu’ ko mael, ma bogni’ ni bfel’ rogon ni yad ma gagiyeg. Pi’in owchen Asher e ba mu’un ngay 26,000 e pumo’on nrayag ni ngruned ko mael.