1 Kronicles 2:7 - Bible Ni Thothup

⁷ I Akan nib mo’on ni fak Karmi, ni reb e pi’in owchen Zerah e girengiy e riya’ nga daken e girdi’ nu Israel ko fa pin’en nni fek u tan e mael ni tel nde pi’ ni kan mu’ i ognag ngak Got.

1 Kronicles 2:7 Referans Kwoze

Joshua 6:18

Machane gimed e ngam ted gimed u orel ko n’en ni bay ni kirebnag. Fa’an gimed ra fek ban’en ni kan turguy ni ngan kirebnag, ma gimed ra girengiy e gafgow nge riya’ ko gin be par piyu Israel riy.

Joshua 22:20

Ki gimed manang faram rogon ni gelnag Akan nib mo’on ni fak Zerah laniyan’ nde fol ko tin ni yog SOMOL ni murung’agen e pin’en ni kan duwgiliy ni nge kireb; ga’ngin yu Israel nni gechignag ni bochan e ran’em. Akan e gathi go’ ir e yim’ ni bochan e denen rok.”

Joshua 7:25

Me ga’ar Joshua, “Mangfan ni kam girengiy e tiney e wagagey nga dakendad? Aram e chiney e nge girengiy SOMOL e wagagey nga dakenam!” Ma urngin e girdi’ nra malang niged Akan nge yim’; mu ku ra malang niged miyad urfiy chon e tabnaw rok nge urngin e chugum rok.

Deuteronomy 13:17

Dab mu cha’riyed ban’en ni ngam faned ko fapi chugom ni kan turguy ni ngan gathey, nge yag ni pi’ SOMOL keru’ ko damumuw rok nrib gel nge dag e runguy rok ngomed. Bayi runguymed me yo’or nagmed, ni bod ni micheg ngak e pi ga’ romed ni kakrom.

Deuteronomy 7:26

Ri dab mfeked reb e pi liyos nem nga naun romed; ya gimed ra rin’ ma buch wa’athan ni yib ngorad e ku ra yib ngomed. Thingar mu fanenikayed e pi liyos nem me par ni bogi ban’en ndariy fan u wun’med, ya ke bucheg SOMOL wa’athrad.

1 Kronicles 4:1

Ba’aray boch e pi’in owchen Judah: Perez, Hezron, Karmi, Hur, nge Shobal.

1 Kronicles 2:6

Me Zerah ni walagen ni pumo’on e lal e pagel ni fak: Zimri, Ethan, Heman, Kalkol, nge Darda.

1 Kronicles 2:8

I Ethan e ta’reb e pagel ni fak ni Azariah.