1 Kronicles 19:3 - Bible Ni Thothup

³ me ga’ar e pi’in yad ma yog e thin nu Ammon ngak fare pilung, “Ga be leamnag ma ke l’oeg David e pi pumo’on ney ni ngarbad ra pi’ed e puruy’ ni bochan e be tayfan e chitamam? Aram e rdangay! Ke l’ograd e ngaray ni bogi damit ni ngar nanged fan e re nam ney, ya nge yag ni yib ko mael nge kol!”

1 Kronicles 19:3 Referans Kwoze

1 Samuel 29:9

Me fulweg Akish ni ga’ar, “Ku errogon ni gu be leamnag.” Me ga’ar Akish, “Kug tem ni gab yul’yul’ ni bod ba angel rok Got. Machane tin ba’aram e pilung e karogned ndabiyag ni ngam un ngomad i yan ko re mael ney.

1 Samuel 29:4

Machane fapi tolang ko salthaw nu Filistia e ra damumuwgad ngak Akish me lungurad ngak, “Mu l’oeg e re mo’on nir nge sul ko fare binaw ni kam pi’ ngak. Dab mu pag nge un ngomad ko mael; ya richey mechel nge cham ngomad ko ngiyal’ ni yibe mael. Fa ku bu uw reb e kanawo’ ni kura fal’eg laniyan’ e masta rok ngak ni bod e yam’ nra tay e salthaw rodad?

Judges 18:2

Ere me mel’eg e girdi’ rok Dan lal e pumo’on nib pagan’uy ngorad u lan gubin fapi tabnaw ko fare ganong ngan l’ograd ngranod u Zorah ngu Eshtaol ni kanog ngorad ni ngar lekeged ma yad be damiteg. Nap’an nra tawgad nga Efraim ni go’ burey, miyad par u tafen Mikah.

2 Samuel 10:3

me ga’ar e pi tayugang’ nu Ammon ngak fare pilung, “Ga be leamnag nike l’oeg David e pi tamal’og ney ni ngarbad ra weliyed e kirban’ rok ngom nri fan e be tayfan e chitamam? Aram e ri dangay! Ke l’ograd e ngaray ni yad e pi tadamit ni ngar lekeged e re binaw ney, ya nge yag ni nge mael nge gel ngay!”

1 Kronicles 19:2

Me ga’ar David ni Pilung, “Thingar gu dag ngak Hanun ni gag reb e fager ni gu ba yul’yul’, ni bod ni i rin’ Nahash ni chatamangin ngog.” Ma aram me l’oeg David e pi tamol’og ni ngranod ra pi’ed e puruy’ ngak miyad nang salpen Hanun. Nap’an nra tawgad nga Ammon mranod ra guyed i Hanun ni Pilung,

1 Kronicles 19:4

Me kol Hanun fapi tamol’og rok David nge puy e rob rorad, me th’ab e mad u chigiyenrad, me pagrad ngranod.