1 Kronicles 16:2 - Bible Ni Thothup

² Nga tomuren nike mu’ David i pi’ fapi maligach me fal’eg wa’athan e girdi’ u fithingan SOMOL

1 Kronicles 16:2 Referans Kwoze

Genesis 47:10

Me yibilay Jakob Farao, nge mu’ me yan.

Hebrews 7:7

Rib muduwgil ni en ni yibilay be’ e ba ga’ ngak fa’anem nike yibilay.

2 Kronicles 30:27

Fapi prist nge pi Levite e ra ninged ngak SOMOL ni nge fal’eg wa’athan fapi girdi’. Me rung’ag Got e pi meybil rorad nga tafen nga tharmiy mab fel’ u wan’.

2 Kronicles 29:29

Ma aram me ragbug Hezekiah nge gubin e girdi’ u rom nga but’ ngar liyorgad ngak Got.

2 Samuel 6:18

Nap’an ni mu’ i pi’ e pi maligach, me yibilay e girdi’ nga fithingan SOMOL ni Gubin ma Rayag Rok.

Joshua 22:6

Ma aram me meybil nagrad Joshua ni nge fel’ wa’athrad me l’ograd ni ngranod, miyad yan nga taferad.

Levitikus 1:3

Fa’anra reb e garbaw rok e nge pi’ ni fare maligach ni mo’oruf, ma thangri fek i yib ba garbaw ni pumo’on ndariy bochyang u downgin nib kireb. Thangri pi’ ni maligach u langan e mab ko fare Tent u p’eowchen SOMOL, ya nge yag ni fel’ fa’anem u wan’ SOMOL.

Genesis 47:7

Me fek Josef Jakob ni chitamngin i yib ngak Farao. Me yibilay Jakob Farao ngak Got.

Genesis 20:7

Ere chiney, e ngam fulweg e re pin nir ko pumo’on rok. Ya re pumo’on nir e ba profet ma bayi meybil nigem ndab mum’. Fa’anra dab mu fulweg, ma nggog ngom ni gur nge girdi’ rom e gimed ra yim’.”

Genesis 14:19

me yibilay ni ba’aray e thin ni yog, “I Got ni Th’abi Tolang, me ir e ngongliy e tharmiy nge but’, e nge fal’eg wa’athan Abram.

1 Kronicles 16:1

Miyad fek fare Kahol ko M’ag i yan ko fare tent nike fal’eg David rogon ni fan ngay ngar ted nga langgin. Aram miyad pi’ ngak Got e pi maligach ni mo’oruf nge pi maligach nma gapaseg thilin Got nge girdi’.

1 Kronicles 16:3

me pi’ e ggan ngorad ni yad gubin. Ra reb e pumo’on nge bpin nu Israel me pi’ reb e lof ngak nge bang e ufin ni mo’oruf nge boch e raisin.

Ezekiel 45:17

Nge mang ba maruwel rok ni ir e nge yagnag e gamanman ni ngan urfiy nib polo’, maligach ni grain, nge maligach ni wayin ni fen ga’ngin fare nam nu Israel ko pi Madnom ko M’ug e Pul, nge Sabbath, nge ku boch e madnom. Ir e nge yagnag e maligach ko denen, maligach ni grain, maligach ni ngan urfiy nib polo’, nge maligach nma gapaseg thilin Got nge girdi’, ni nge chuweg e denen ko girdi’ nu Israel.”