1 Kronicles 15:3 - Bible Ni Thothup

³ Aram me kunuy David e girdi’ nu Israel ni gubin nga Jerusalem ni bochan e ngan fek fare Kahol Ko M’ag i yib ko gin ke fal’eg rogon ntagil’.

1 Kronicles 15:3 Referans Kwoze

1 Kronicles 13:5

Aram me kunuy David urngin e girdi’ nu Israel nga ta’bang u ga’ngin yang fare nam, ni tabab ko fare mathil nu Egypt u lan e yimuch nge mada’ ko wo’ u thilin e burey u Hamath u lan e lel’och, ni bochan e nge yag ni ngan fek fare Kahol ko M’ag u Kiriath Jearim nga Jerusalem.

1 Kings 8:1

Solomon ni Pilung e pi’ e thin nge yan ngak e pi tolang ko pi ganong nge yu ke girdi’ nu Israel ni ngarbad ngak nga Jerusalem ni fan e ngan fek fare Kahol ko M’ag rok SOMOL u Zion, ni aram fare Binaw rok David, i yan ko fare Tempel.

1 Kronicles 15:1

Me toy David boch e naun ni fan ngak u lan fare Binaw rok David. Miki ngongliy rogon bang ni fan ko fare Kahol ko M’ag rok Got me n’uf ba tent ni fan ngay.

2 Samuel 6:12

Me rung’ag David ni Pilung nike fal’eg Got rogon girdi’en e tabinaw rok Obed Edom nge urngin e tin bay rok ni bochan fare Kahol ko M’ag; ma aram me yan i fek u na’un rok Obed nge fek i yan nga Jerusalem, ni ba ga’ e madnom ntay ni fan ngay.

1 Kronicles 15:12

Me ga’ar ngorad, “Gimed e pi tayugang’ ko Levi. Mu machalbog niged gimed nge pi’in gimed ni pi Levite, ya nge yag nim feked fare Kahol ko M’ag rok SOMOL ni Got nu Israel i yan ko gin ku gu ngongliy ntagil’.

2 Samuel 6:17

Miyad fek fare Kahol ko M’ag ngranod ra ted nga tagil’ u lan fare tent nike ngongliy David ni ngan tay ngay. Me pi’ David e gamanman ni maligach ngak SOMOL nge pin’en ni nge fal’eg thilin SOMOL nge girdi’.

Exodus 40:20

Me fek fa gal yang i malang ni bay fa Ragag i Motochiyel u daken nge tay ngalan fare Kahol ko M’ag. Me yin’ e mat’ ngalan fapi luwaw ko fare Kahol me fek upongen fare kahol nge tay nga daken.

Levitikus 9:5

Miyad fek i yib nga mit fare Tent urngin e tin keyog Moses, me mu’ulung piyu Israel ngaram ni ngar liyorgad ngak SOMOL.

1 Kronicles 13:2

Ma aram me yog ngak urngin e girdi’ nu Israel ni ga’ar, “Fa’an gimed ra pining e kefel’ ngay ma fa’anra bm’agan’ SOMOL ni Got rodad ngay, ma gadad l’oeg e pi tamal’og ngranod ngak e tin kabay e girdi’ ko nam rodad nge prist nge piyu Levi u lan e pi binaw rorad, nganog ngorad ngarbad ngad mu’ulunggad nga ta’bang.

1 Kronicles 16:1

Miyad fek fare Kahol ko M’ag i yan ko fare tent nike fal’eg David rogon ni fan ngay ngar ted nga langgin. Aram miyad pi’ ngak Got e pi maligach ni mo’oruf nge pi maligach nma gapaseg thilin Got nge girdi’.

2 Kronicles 1:2

I Solomon ni Pilung e yog e n’en nge rin’ gubin e pi tolang ko yu raba’ i salthaw ni yu biyu’ girdi’en nge yu ra’ay, nge gubin e pi tolang ko am, nge gubin pi lolgen e tabnaw, nge tin kabay e girdi’,

2 Kronicles 1:4

Machane fare Kahol ko M’ag e yibe ayuweg u Jerusalem u lan fare tent ni n’uf David ni Pilung ngalang nnap’an ni yan i fek fare Kahol ko M’ag u Kiriath Jearim.)

2 Kronicles 5:2

Ma aram me pining Solomon gubin e pi’in ma gafaliy epi ganong nge yuke girdi’ nu Israel ngar mu’ulung gad nga Jerusalem, ya ngan fek fare Kahol ko M’ag rok SOMOL u Zion ni fare Binaw rok David ngan tay ngalan fare Tempel.