1 Kronicles 14:3 - Bible Ni Thothup

³ Mu rom u Jerusalem e le’engiy David boch e ppin riy nge yag e pagel nge ppin ni pifak nib yo’or.

1 Kronicles 14:3 Referans Kwoze

Matthew 19:8

Me fulweg Jesus ni ga’ar, “I yog Moses ngomed nrayag ni ngam chuweged leengimed ni bochan e ri gimed ba gelan’ ndabiyag ni ngan fil ban’en ngomed. Machane gathi ireray yalen ko ngiyal’ ni ba’aram ni sunumiy Got urngin ban’en riy.

Malaki 2:14

Ma gimed be fith ko mangfan ni dakir fel e maligach romed. Bochan e manang ni kam th’ebed e michmich ni mu ted ngak pi le’engimed ni mu mabgol gad ni ki gimed bpagel. I ir chagilem, ma ka mu th’ab e n’en nim micheg ngak, ni yug aram rogon nim micheg u p’eowchen Got ni ga ra yul’yul’ ngak.

Eklesiastes 9:9

Ngu’um par nib felan’um ko fare pin nib t’uf rom, u n’umngin nap’an e re yafos ney ni dariy gam’ingin ko gin’en nike pi’ Got ngom u roy u fayleng. Mu felfelan’ u gubin e rran ni dariy gam’ingin, ni bochane kemus e n’en rayag ngom ni puluwon gubin e magaer rom.

1 Kings 11:3

I le’engiy Solomon 700 e ppin ni pifak e pilung nge ku yug boch e ppin rok ni yad 300. Yad tapgin me pi’ keru’ ngak Got,

2 Samuel 5:13

Nap’an ni chuw David u Hebron nge yan i par nga Jerusalem, me kunuy yugu boch e ppin nu Jerusalem ni nge par bochi yad ni ngar manged ppin rok, ma boch i yad e ngar pired ni le’engin, mu kun diyennag boch e pagel nge ppin ni fak.

Deuteronomy 17:17

Fare pilung e dabi yo’or le’engin, ya irera’ e n’en nra k’aring nge pi’ keru’ ngak SOMOL; ma ku dabi marweliy ni nge fel’ rogon ko silber nge gol.

1 Kronicles 14:2

Ma aram me nang David ni SOMOL e ke tay ni nge mang pilung nu Israel ma be ngongliy gil’ilungun ni nge fel’fel’ rogon ni fan ngak e girdi’ rok.

1 Kronicles 14:4

Tin ba’aray e bitir e ndiyennag rok u Jerusalem: I Shammua, Shobab, Nathan, Solomon,

1 Kronicles 28:5

Ke pi’ e pagel gu fakay nib yo’or, mu fithik’rad ni yad gubin e ke mel’eg Solomon ni nge gagiyegnag ga’ngin yu Israel, ni fare nam rok SOMOL.