1 Kronicles 11:5 - Bible Ni Thothup

⁵ Piyu Jebus e rogned ngak David nri dabiyag ni thap ngalan fare binaw, machane me kol David yu Zion ni kar yororiyed ni fan ko mael, ma aram ma yigo’ nnang ni “Binaw rok David.”

1 Kronicles 11:5 Referans Kwoze

Revelation 14:1

Me ere fa’an gu sap ma bay fare Fak e Saf nib sak’iy nga daken e burey ni Zion; ni yad ra’ay nge aningeg i ragag nge aningeg i biyu’ e girdi’ ni bay fithingan rorad nge fithingan e Chitamngin ni kan yoloy nga peri’rad.

Hebrews 12:22

Machane gimed e kambad ko burey ni Zion nge fare binaw rok fare Got ni be par nib fos, ni fare Jerusalem nu tharmiy, ni bay e engel riy ni bukum i biyu’.

Roma 9:33

ni ir e be weliy e babyor nib thothup murung’agen ni be ga’ar: “Mu guyed, kug tay ngalan yu Zion ba malang ni bay i tun ay e girdi’ ngay, ba war ni ngar dol’gad ngay. Machane en nra michan’ ngak e dabi m’ingan’.”

Psalms 132:13

I SOMOL e ke mel’eg yu Zion; ba’adag ni nge ngongliy e tabinaw rok u rom, ya ga’ar:

Psalms 122:5

Irera’ e gin bay tagil’ e puf oloboch riy, ni en ni pilung e ma pufthinnag e girdi’ rok riy.

Psalms 87:5

Bay u nog ni urngin e nam nib mil farad nga Zion, ma en ni Gubin ma Rayag Rok e bay i gagiyegnag nge par nib gel.

Psalms 87:2

kab t’uf rok e binaw nu Jerusalem ko pi binaw ni bay u Israel.

Psalms 78:68

Me mang birok Judah e mel’eg nge fare burey ni Zion nrib t’uf rok.

Psalms 48:2

Zion e fare burey rok Got nib tolang ma ba gamog, ni fare binaw rok ba pilung nib ga’ nma pi’ e felfelan’ nga ga’ngin yang u fayleng.

Psalms 9:11

Ngan tangnag e sorok ngak SOMOL, ni ir e ma gagiyeg u Zion! Ngan weliy ngak gubin e nam e tin ke rin’!

Psalms 2:6

Ke ga’ar, “Kug tay e pilung rog nga daken yu Zion, ni aram fare burey rog nib thothup.”

2 Kronicles 5:2

Ma aram me pining Solomon gubin e pi’in ma gafaliy epi ganong nge yuke girdi’ nu Israel ngar mu’ulung gad nga Jerusalem, ya ngan fek fare Kahol ko M’ag rok SOMOL u Zion ni fare Binaw rok David ngan tay ngalan fare Tempel.

1 Kronicles 11:7

Bochan e yan David i par ngalan fa gin kan yororiy ni fan ko mael, ma aram min tunguy fithingan ni “Binaw rok David”.

1 Kings 8:1

Solomon ni Pilung e pi’ e thin nge yan ngak e pi tolang ko pi ganong nge yu ke girdi’ nu Israel ni ngarbad ngak nga Jerusalem ni fan e ngan fek fare Kahol ko M’ag rok SOMOL u Zion, ni aram fare Binaw rok David, i yan ko fare Tempel.

2 Samuel 6:12

Me rung’ag David ni Pilung nike fal’eg Got rogon girdi’en e tabinaw rok Obed Edom nge urngin e tin bay rok ni bochan fare Kahol ko M’ag; ma aram me yan i fek u na’un rok Obed nge fek i yan nga Jerusalem, ni ba ga’ e madnom ntay ni fan ngay.

2 Samuel 6:10

Me turguy u wan’ ndab ki fek nga Jerusalem ni binaw rok; me cheal nge fek i yan ko naun rok Obed ni ba Edomite, ni be’ ko binaw nu Gath.

2 Samuel 5:9

Me par David u lan fa gin’en nni yororiy ni fan ko mael me tunguy fithingan ni Binaw rok David. Me longobiy ko yoror ni fan ko mael, ni mus ko yoror nu Millo nge yib i mada’ ko gin ni bay tafen e pilung riy.

1 Samuel 17:36

Kug li’ boch e layon nge bear, ma ku irera’ e n’en ni gu ra rin’ ko re Filistine nem ni be’ nde nang Got, ma be darifannag e salthaw rok Got ni be par nib fos.

1 Samuel 17:26

Me fith David e pi salthaw ni yad ba chugur ngak ni ga’ar, “Fa’anra li’ be’ e re Filistine nem nge chuweg e tamra’ rok yu Israel ma mang e yira pi’ ngak? Ya mini’ e re Filistine nem ni be’ nde nang Got ni be darifannag e salthaw rok Got ni be par nib fos?”

Judges 19:10

Machane fare mo’on e daki m’agan’ ngay ni ngki par reb e nep’ u rom, ma aram me yan fare pumo’on nge fare pin rok, nike un fare sib ngorow nge l’agruw i dongki ni bay e saddle u daken keru’row. Ke blayal’ e rofen nem ma karbad i yib nga charen yu Jebus (ni aram yu, Jerusalem), aram me ga’ar fare tapigpig ngak e masta rok, “Mangfan ni dab da talgad ngad pired e re nep’ ney u lan e re binaw nu Jebus ney?”

1 Kronicles 11:4

Me yan David ni Pilung nge urngin piyu Israel ngar m’aged e mael ko fare binaw nu Jerusalem. Ni re binaw nem e ngiyal’nem e yima yog ni Jebus, ya bay piyu Jebus ni pi’in nri girdi’en fare binaw, ni ka yad be par u rom.

1 Kronicles 11:6

Me ga’ar David, “Re mo’on nsom’on nra thang e fan rok reb e piyu Jebus e ra mang ga’ ko re raba’ i salthaw ney!” I Joab ni Zeruyah e chitiningin e ir e gafaliy fare cham me mang ga’ ko salthaw.