1 Kronicles 10:9 - Bible Ni Thothup

⁹ Miyad th’ab lolgen Saul, ngar lufed madan e mael rok, miyad l’oeg e pi tamal’og ni ngar feked e pin’ey u ga’ngin yu Filistia ni yad be weliy fapi thin ni bfel’ ngak e pi liyos rorad nge ngak e girdi’ rorad.

1 Kronicles 10:9 Referans Kwoze

Matthew 14:11

Mi ni fek fare llug i yib ni kan tay nga lan e plet ngan pi’ ngak fachi pin, me fek i yan ngak e chitiningin.

Daniel 5:23

Kam ngongol nib togopluw ngak Somol nu tharmiy, ya kam fek i yib nga tebel rom fapi kap nge fa yochi dabiy nib gol u Tempel rok. Me gur, nge pi tolang ni bay nga tan pa’am, nge pi leengim, nge pi ppin rom e mu unumed e wayin riy mu um pininged e sorok ngak e pi liyos ni got romed nni ngongliy ko gol, nge silber, nge wasey ni bronze, nge yug wasey, nge ren, nge malang, ni bogi got ndarir guyed ban’en ma darir rung’aged ban’en ma dariy ban’en ni yad manang. Ma da mu tay fan fare Got ni ir e bay e pogofan rom u pa’ nge gin ngam sor ngay.

1 Kronicles 10:4

Me ga’ar Saul ngak fare pagel ni be fek talin e cham rok, “Mu girengiy e saydon rom ngam thang e fan rog, ya nge dabi girig e pi Filistia ngog ndar nanged Got.” Machane ri be rus fare pagel ni nge rin’. Ma aram me fek Saul e saydon rok nge pag ir nga p’ebugul.

2 Samuel 1:20

Dab mu weliyed u lan yu Gath ara lan e yu pa’ i kanawo’ nu Ashkelon. Ya ri felan’ e ppin nu Filistia; nge ppin ni fak e pi’in ndar nanged Got.

1 Kronicles 10:8

Me reb e rran riy me sul e pi Filistine ko gin un mael riy ni ngar feked fapi talin e cham ko fapi salthaw nu Israel ni karmad’. Nap’an nra pir’eged downgin Saul nge fapi pagel ni fak u daken fare burey ni Gilboa.

1 Kronicles 10:10

Miyad tay fapi talin e cham rok ngalan reb e pi tempel rorad miyad tining fare ll’ug ngalan e tempel rok fare got rorad i Dagon.