1 Korinth 9:21 - Bible Ni Thothup

²¹ Ere ku aram rogon ni ngiyal’ ni gu bay rok e pi’in gathi yad piyu Israel e gu be par ni gu bod bagayad, ni gu bay u wuru’ e Motochiyel rok piyu Israel, ni bochan e nggu yagnag e pi’in gathi yad piyu Israel ngak Kristus. Ren’ey e gathi aram e dagur fol ko motochiyel rok Got, ya gag e riyul’ ni gu bay u tan e motochiyel rok Kristus.

1 Korinth 9:21 Referans Kwoze

Roma 2:12

Pi’in gathi yad piyu Israel e dariy rorad fare Motochiyel rok Moses: yad be denen kar pired ni yad bmalog ni bochan e de moy Got rorad, ni yugu aram rogon ndariy fare Motochiyel rorad. Ma piyu Israel e bay e re Motochiyel nem rorad; ma yad be denen kemang e re Motochiyel nem e be turguy e gechig rorad.

Galatia 3:2

Ere mpi’ed e fulweg ngog ko ta’are bugithin ni ba’aray: i yag fare Kan Nthothup rok Got ngomed ni fan e um rin’ed e tin ni be yog e Motochiyel ngomed, fa bochan e mu rung’aged e Thin Ni Bfel’ ni yib rok Got me mich u wun’med?

Roma 2:14

Pi’in gathi yad piyu Israel e dariy e re Motochiyel nem rorad; machane ngiyal’ ni yad ra ngongliy e tin ni be yog e re Motochiyel nem ni yad e sum u lanin’rad ni ngar ngongliyed, e aram e kar manged ba motochiyel ngorad, ni yugu aram rogon ndariy fare Motochiyel rok Moses rorad.

Roma 8:4

I rin’ Got e ren’ey ni fan e tin ni be yog e Motochiyel ni ngad rin’ed e nge yan i aw ngarogon u fithik’dad e pi’in ni fare Kan ni Thothup e be gagiyegnag pangidad, ma gathi rogon nib m’agan’ e dowef rodad ngay.

Roma 7:25

Ke magaer Got u daken e Somol rodad i Jesus Kristus! Ere ba’aray salpeg: kemus ni lanin’ug e rayag ni gu ayuweg e motochiyel rok Got ngay, ma rarogog nrogon e girdi’ e be fol ko fare motochiyel rok e denen.

Roma 7:22

Lanin’ug e ri ba’adag fare motochiyel rok Got.

Acts 21:25

Machane pi’in gathi yad piyu Israel nike mich Jesus u wun’rad, e kug pi’ed bangi babyor ke yan ngorad ni gamad be yog ngorad riy ni kug turguyed nthingari dab ra ked e ggan nni pi’ ni maligach ko liyos nma meybil boch e girdi’ ngay, ara ra ked e racha’ nge gamanman nni uchuluy k’angan nge yim’, ma ngar ayuweged yad ndab ra pired be’ ni gathi mabgol rorad.”

Acts 16:4

Ma nap’an nranod u lan fapi binaw miyad weliy ngak e pi’in ke mich Jesus u wun’rad fapi motochiyel nike turguy e pi apostel nge pi’in pi’ilal ko galesiya u Jerusalem, miyad yog ngorad ni ngu’ur folgad ko pi motochiyel nem.

Psalms 119:32

Rug ra fol ko tin kam ta’chiylen nib pasigan’ug ngay, ni bochan e bay mu gelnag e tamilngan’ rog.

Hebrews 8:10

Be ga’ar Somol, Ba’aray e re m’ag ni bay gu ngongliy u thilig nge girdi’ nu Israel u tomuren e pi rran nem: Bay gu tay e pi motochiyel rog nga fithik’ i lanin’rad, ma bay gu yoloy nga gum’ircha’rad. Bay gu mang Got rorad, ma bay ra manged e girdi’ rog.

Acts 15:28

Ya fare Kan Nthothup nge gamad e ke ta’reban’mad ndab kun tay ban’en nib tomal nga dakenmed nge cheag ko tin ni ba’aray e motochiyel ni bay,

Galatia 6:2

Nge bigimed me ayuweg bigimed nge un i fek gilban fa’anem, ireray rogon ni gimed ra rin’ ma aram e kam folgad ko fare motochiyel ni pi’ Kristus.