1 Korinth 8:7 - Bible Ni Thothup

⁷ Machane gathi gubin e girdi’ ni yad manang e re bugithin nib riyul’ ney. Bay boch e girdi’ ni kari mecham rorad e liyos, nma meybil boch e girdi’ ngay nge ngongol ni yima rin’ ngak e liyos ke yan i mada’ ko bin daba’ e rran ni fa’an yad ra kay e ggan nni pi’ ko liyos, ma yad be finey ni ggan rok e liyos; ya kab me’waer lanin’rad ma yad be finey nike alit nagrad fare ggan.

1 Korinth 8:7 Referans Kwoze

Roma 14:14

Taab girdi’ ni kug tew Somol Jesus e ir e ke ayuwegneg kari gu nang ndariy e ggan nde be’ech; machane fa’anra bay ban’en ni be leamnag be’ nde be’ech, ma aram e ke ngal’ nde be’ech u puluwon fa’anem.

Acts 15:20

Machane ngad pi’ed e babyor nge yan ngorad, ni nga dogned ngorad ndab ra ked e ggan nde klin ni fan e kan pi’ ni maligach ko liyos nma meybil boch e girdi’ ngay; ma ngar ayuweged yad nge dab ra pired be’ ni gathi mabgol rorad; ma dab ra longuyed e gamanman nni uchuluy k’angan nge yim’, ara ra ked e racha’.

Roma 15:14

Pi walageg: rib mich u wun’ug nri gimed ba gol ma gimed ba llowan’, nrayag ni nge bigimed me fonownag bigimed.

1 Korinth 8:1

Nggu wan nga murung’agen e ggan nni pi’ ngak e liyos nma meybil boch e girdi’ ngay. Bmuduwgil nriyul’ ni “gadad gubin ma ba tamilangan’dad u murung’agen,” ni bod ni kanog. Machane mit i tamilangan’ nem e ma gelnag e ufanthin ko girdi’; machane rogon ni nge be’ me t’uf be’ rok e ra yib wenegan ni bfel’.

1 Korinth 8:4

Ere nggog murung’agen e ggan nni pi’ ngak e liyos nma meybil boch e girdi’ ngay ni nge lungug: gadad manang ni ba liyos e pow u ban’en ni gathi riyul’ ni bay; ya gadad manang nri ta’reb e Got ni bay.

1 Korinth 10:25

Demturug e ufin ni ka ni pi’ nchuway’ ko market ni yima pi’ e ufin ngay mrayag ni ngam ked, ndab mfithed murung’agen ni fan e be magawon lanin’med ngay.

1 Thessalonika 5:14

Gamad be wenig ngomed, pi walagmad ni girdi’en Kristus, ni ngam nonod ngak e pi’in yad bmalmal ndarir ngongliyed ban’en ngar paged e binem e pa’, mi gimed pi’ e athamgil ngak e pi’in yad be rus, mi gimed ayuweg e pi’in yad mme’waer, mu um pired nib gum’an’med rok urngin e girdi’.