1 Korinth 8:6 - Bible Ni Thothup

⁶ machane gadad e ri ta’reb e Got rodad ni bay, ni ir e Chitamangiy, me ir e sunumiy urngin ban’en, me ir e gadad be par ni fan ngak; ma ta’reb e Somol ni bay, ni aram Jesus Kristus, ni pa’ e sunumiy Got urngin ban’en ngay, me ir e be ta’dad ni gadad ba fos.

1 Korinth 8:6 Referans Kwoze

Roma 11:36

Ya gubin ban’en me ir e sunumiy, ma gubin ban’en ni ir e yib rok me ir e fan ngak. I Got e ngu’un tayfan ndariy n’umngin nap’an! Amen.

John 1:3

Ni pa’ e sunumiy Got urngin ban’en ngay; dariy ban’en ni sunumiy Got nde un ngak ngar sunumiyew.

Malaki 2:10

Gathi gadad gubin ni ta’reb e chitamangidad? Gathi ta’ab Got e sunmiydad ni gadad gubin? Ere mangfan ni gadad be th’ab e tin ni kad micheged ngodad ni ngad rin’ed, ma mangfan ni gadad be fananikay fare m’ag ni ngongliy Got u thilrad e pi chitamangidad kakrom?

1 Korinth 8:4

Ere nggog murung’agen e ggan nni pi’ ngak e liyos nma meybil boch e girdi’ ngay ni nge lungug: gadad manang ni ba liyos e pow u ban’en ni gathi riyul’ ni bay; ya gadad manang nri ta’reb e Got ni bay.

Acts 17:28

ya be e ga’ar, ‘Fithik’ Got e gadad be par riy ma gadad be mithmith riy ma gadad bay riy.’ Ni bod rogon nike yog boch e girdi’ romed ni pi’in yad ma ngongliy e morong’ag nike lungurad, ‘Ku errogon gadad ni gadad pifak.’

John 14:20

Bayi taw ko chirofen nem, ma bay mu nanged ni gu bay u fithik’ e Chitamag, ma gimed bay u fithik’ag, ni bod rogog ni gu bay u fithik’med.

Deuteronomy 6:4

“Gimed e girdi’ nu Israel, mmotoyilgad! Fare SOMOL ni Got rodad e kemus e ta’are Got nib riyul’.

1 Korinth 12:3

Thingar mu nanged ndariy be’ ni fare Kan Nthothup rok Got e be pow’iy nrayag ni nge ga’ar, “Dayigi buch wa’athan Jesus!” ma dariy be’ nrayag ni nge weliy ni nge ga’ar, “Jesus e Somol,” ni fa’anra gathi fare Kan Nthothup e ke pow’iy keyog.

Acts 2:36

“Ere urngin e girdi’ nu Israel ni thingar ra nanged ni cha’nem i Jesus, ni ir e mu richibiyed ko kuruth, e ke tay Got ni ir e Somol nge Messiah!”

John 20:17

Me ga’ar Jesus ngak, “Dab mmath ngog, ya dawor gu sul ngak e Chitamag nga tharmiy Machane mman ngak fapi cha’ ni walageg ngamog ngorad ni bay gu sul nga tharmiy ngak fa’anem ni ir e Chitamag me ir e Chitamangimed, ni ir e Got rog me ir e Got romed.”

John 13:13

Gimed ma pining Tamchib nge Somol ngog ma bmat’aw ni gimed be rin’, ya gag.

Matthew 28:18

Me chuchugur Jesus ngorad me ga’ar ngorad, “Kan pag fan urngin ban’en ngog u tharmiy ngu but’.

Matthew 11:27

“Chitamag e ke pi’ urngin ban’en ngog. Dariy be’ ni manang e en ni Fak, ya kemus ni en ni Chitamangiy e manang, ma dariy be’ ni manang e en ni Chitamangiy, ya kemus ni en ni Fak e manang, nge pi’in ba’adag e en ni Fak nem ni ngar nanged e Chitamngin.

John 17:3

Ba’aray ara’ e yafos ndariy n’umngin nap’an: ni aram e nge nangem e girdi’ ni kari mmus ni gur e bin riyul’ e Got, miyad nang ko mini’ Jesus Kristus, ni ir e kam l’oeg ke yib.

John 10:30

Chitamag nge gag e gamow ba ta’reb.”

Revelation 1:18

I gag fa’anem ni gu be par ni gub fos! I gag e gum’, machane mu sap, kug fos ndab ku gum’ bayay. I gag e bay e yam’ u pa’ag nge gin ni bay e pi’in ni karm’ad riy.

Efesus 3:14

Ireray fan ni gu ma ragbug u p’eowchen Got ni Chitamangiy,

1 Korinth 1:2

Ngak girdi’en e galesiya rok Got ni bay u lan yu Korinth, ni urngin e pi’in ni Got e ke piningrad ni ngar manged girdi’en, ni pi’in ke mil farad ngak Got ni bochan e kar ta’ab girdi’gad Kristus Jesus, ma kar ta’ab girdi’gad urngin e girdi’ nu gubin yang ni pi’in yad ma pining fithingan e Somol rodad i Jesus Kristus, ni ir e Somol rorad nge gadad:

Acts 5:31

Mi Got e ke tolangnag ke tay nga ba’ ni mat’aw rok ni ir e nge yog e thin me ir e ngi i thapeg e girdi’ ngak Got, ma nge pi’ e tayim ngak e girdi’ nu Israel nu lan e re tayim nem e ngar pi’ed keru’rad ko kireb ni yad be rin’ me n’ag Got fan e denen rorad.

Jonah 1:9

Me fulweg Jonah ni ga’ar, “Gu ba Hebrew; gu ma liyor ngak SOMOL, ni fare Got nu tharmiy, ni ir e sunumiy e binaw nge day.”

Kolose 1:6

Fare Thin Ni Bfel’ e be yib wenegan ni bfel’ ngak e girdi’ ma be wear u fayleng i yan, ni bod rogon ni wear romed ni ka nap’an e chirofen ni som’on ni mu rung’aged rogon gelngin ni be runguy Got e pi’in nib tadenen ngari tamilangan’med riy.

Efesus 1:3

Ngad pininged e magaer ngak Got ni ir e Chitamngin e Somol rodad i Jesus Kristus! Ya ke tow’ath nagdad u daken e ta’ab girdi’ ni kad ted Kristus, ni fan e ke pi’ ngodad urngin mit e tow’ath nu tharmiy.

1 Korinth 6:13

Ma be’ e bayi ga’ar, “Ggan e fan ko gil’iggan, ma gil’iggan e fan ko ggan.” Er rogon; machane Got e bayi chuwegrow. Dowef rok be’ e de leamnag Got ni ngan fanay ko ngongol ko darngal, machane ngan tayfan Somol ngay; mi Somol e fan ko dowef me ir e ma ayuweg.

1 Peter 1:21

Nu daken Kristus e mich Got riy u wun’med, me Got e faseg ko yam’ nge pi’ e fla’ab ngak; ere michan’ nge pagan’ romed e kam dugliyed nga daken Got.

Deuteronomy 4:35

I SOMOL e dag urngin e pin’ey ngomed ya ngam nanged ni kemus ni ir e Got ni bay ma dakuriy yug reb ngabang.

Deuteronomy 4:39

Ere chiney e kari mu nanged ni SOMOL e ir e Got nu tharmiy ngu fayleng, ma dakuriy yugu reb e Got nga bang. Ngu’um ted e pin’ey u lanin’med ma dab mu paged talin.

Isaiah 46:9

Mu leam niged e n’en ni gu rin’ kakrom; mu nanged ni kemus ni Gag e Got, ma dariy be’ ni bod gag.

Jeremiah 10:6

SOMOL, dariy be’ ni bod gur; I gur e th’abi gel gelngim, ma fithingam e ba mathangeluwol ma ba gel gelngin.

Jeremiah 10:7

Gur, mini’ e dabi liyor ngom, pilung ko urngin e nam? Bay tapgin ni ngan liyor ngom. Dariy be’ ni bod gur u fithik’ gubin e pumo’on nib gonop ko pi nam fa fithik’ e pi pilung rorad.

John 1:10

Re Thin nem e ke yib nga fayleng. Nu pa’ e ir e sunumiy Got e fayleng ngay, machane girdi’ nu fayleng e dar manged ko ir mini’.