1 Korinth 6:6 - Bible Ni Thothup

⁶ Machane bayi n’en me yan reb i girdi’en Kristus ni walagey i eg nga tafen e puf oloboch nib togopluw ngak reb i girdi’en Kristus ni walagey, me mang e pi’in nde mich Got u wun’rad e ra pithiged fare pa’ i oloboch!

1 Korinth 6:6 Referans Kwoze

2 Korinth 6:14

Dab mu guyed rogon ni ngam pachgad ngak e pi’in nde mich Got u wun’rad ngu’um maruwelgad u ta’bang nib ta’reb lanin’med, ya dabiyag. Ra di’in me ta’reban’ e tin nib mat’aw nge tin nib kireb? Ra di’in me par e tamilang nge talumor u ta’bang?

1 Korinth 6:7

Ren’en ni be’er ni gimed be malu’ag thin u fithik’med ma gimed be yan nga tafen e pufthin e be dag ni kam mulgad u rarogon girdi’en Kristus. Gathi kabfel’ ni yira ngongliy e kireb ngomed? Gathi kabfel’ ni yira fek e tiromed ban’en?

1 Korinth 6:1

Fa’anra malu’ag thin bigimed nge be’ ni walagdad ni girdi’en Kristus, ma mangfan ni nge yan i egnag ngak e pi’in ntapuf oloboch ndawor rnanged Got, ma de pag e girdi’ rok Got nge mang yad e ra pithiged?

Acts 7:26

Me reb e rran riy me guy l’agruw ni’ u Israel ni yow be cham, me yan i guy rogon ni nge fal’eg thilrow. Me ga’ar ngorow, ‘Mu telmew, gimew walag; mang ni gimew be gafgow nagmew?’

Genesis 45:24

Me l’oeg pi walagen ngranod, ma nap’an nranod me ga’ar ngorad, “Mmarod ndab um tugthingad.”

2 Korinth 6:15

Ra di’in me ta’reban’ Kristus nge mo’onyan’? Be mang e ren’en nib ta’reb rogon rok e en nike michan’ ngak Jesus nge en nde michan’ ngak?

1 Timothy 5:8

Ma fa’anra dabi ayuweg be’ e girdi’ rok, ni ba ga’ ni girdi’en e tabinaw rok, ma aram e ke n’ag rogon nib mich Got u wan’, ma kab gel e kireb rok ngak be’ ndawori mich Got u wan’.