1 Korinth 5:9 - Bible Ni Thothup

⁹ U lan fa gi babyor ni kug yoloy ke yib ngomed e kugog ngomed riy ndab um cheaggad ngak e pi’in yad be ngongliy e ngongol ko darngal.

1 Korinth 5:9 Referans Kwoze

Efesus 5:11

Ere dab um cheaggad ngak e girdi’ ni yad ma rin’ e tin ni dabi yib fan ban’en, nib mil suwon nga fithik’ e lumor. Machane ngam feked e pin’ey i yib ko tamilang. (

2 Thessalonika 3:14

Sana bay be’ u wur ni bay dabi fol ko thin ni kug pi’ed ke yib ngomed u lan e gi babyor ney. Fa’anra bay mi gimed tay fanmediyan rok ngam pired rok u orel, nge mang ir e tamra’.

2 Thessalonika 3:6

Pi walagmad ni girdi’en Kristus, gamad be ta’chiylen ngomed u fithingan Somol ni Jesus Kristus ni ngam ted gimed u orel rok urngin e pi’in walagey ni girdi’en Kristus ni yad bmalmal ndarir uned nga reb e maruwel, ma darir folgad ko fonow ni gu pi’ed ngorad.

2 Korinth 6:14

Dab mu guyed rogon ni ngam pachgad ngak e pi’in nde mich Got u wun’rad ngu’um maruwelgad u ta’bang nib ta’reb lanin’med, ya dabiyag. Ra di’in me ta’reban’ e tin nib mat’aw nge tin nib kireb? Ra di’in me par e tamilang nge talumor u ta’bang?

Proverbs 9:6

Mu chuw u fithik’ e pi girdi’ nir ni gelan’, ma ga par ni dab mum’. Mu lek kanawo’en e llowan’.”

1 Korinth 5:7

Ere re is nir nike n’uw nap’an ni aram e denen ni be par u fithik’med e ngam n’iged nge yag ni mmachalboggad ni polo’. Ma aram mi gimed bod bangi flowa ni ka fin nni gelgiy ndariy e is riy, ya ri gu manang ni aray rogomed. Ere chiney ni kan pi’ Kristus ni maligach ni ir e kemang saf rodad ko Paluk’af e aram e kem’ay i fal’eg rogon e madnom rodad ni Paluk’af.

1 Korinth 5:2

Ere ra di’in mi gimed ufanthin? Ya susun e ngari kireban’med ngay, ma re mo’on ni ba’aram nike rin’ e re bugithin nem e ngan chuweg ndabki mang reb i girdi’en e ulung romed!

2 Korinth 6:17

Me ere yog Somol ni ga’ar: Thingar mu chuwgad rorad, ngam pithiged gimed rorad. Ma dariy ban’en ni ngu’um rin’ed ko n’en nib alit, ma aram e gimed ra yib ngog.

1 Korinth 5:10

Gathi pi’in ndar nanged Got e gu be yog murung’agrad ni yad be ngongliy e ngongol ko darngal, ara yad ba chogow, ara yad be th’ab e motochiyel, ara yad be tayfan ma yad be meybil ngak e liyos nma meybil boch e girdi’ ngay. Ya fa’anra ngam guyed rogon ndab mu cheaggad ngorad me ere ngam chuwgad u roy u fayleng!