1 Korinth 5:8 - Bible Ni Thothup

⁸ Ere gathi flowa ni bay fa bin kakrom e is riy ni aram e denen nge ngongol nib kireb e ngad madnom niged e madnom rodad ngay, ya ngad madnom niged e madnom rodad ko flowa ni dariy e is riy, ni flowa ko machalbog nge tin riyul’.

1 Korinth 5:8 Referans Kwoze

Deuteronomy 16:3

Dab mu ked e flowa ni kan lith ni bay e is riy u nap’an e abich romed ko Paluk’af, medlip e rran ni ngam ked e flowa ni kan lith ni aray rogon, bod ni um rin’ed fa ngiyal’ ni mu chuwgad u Egypt ni aram feni gur. Mu ked e re flowa ney — ni bay u nog fithingan ni flowa ko pi’in nra gafgowgad — ya gubin e rran u lane yafos romed ma ngi i yib ngan’med e rofen ni mu chuwgad u Egypt, ni fare nam ni um gafgowgad riy.

Exodus 12:15

“Medlip e rran nthingar mu koyed e flowa ni dariy e is riy. Chirofen ni som’on e ngam chuweged u naun romed urngin e is, ya fa’anra kay be’ e flowa ni kan tay e is ngay ko bin som’on e rran nge mada’ ko bin medlip, ma ngan chuweg u fithik’ e tirog e girdi’.

Luke 12:1

Nap’an ni mu’ulung yu biyu’ e girdi’ nga ta’bang ni be yit’ boch i yad boch i yad, ma som’on e ga’ar Jesus ngak e pi gachalpen, “Mu ayuweged gimed ko is rok e pi Farise — n’en ni gu be yip’ fan e dake moding ni yad be tay.

Mark 8:15

Me tay Jesus chiylen ngorad ni ga’ar, “Mu ayuweged gimed rok e is ko pi Farise nge is rok Herod.”

Matthew 16:6

Me ga’ar Jesus ngorad, “Mu ayuweged gimed ko is ko pi Farise nge pi Sadduse.”

1 Peter 4:2

Ere chiney i yan ngam’on e thingari par pangimed u n’umngin nap’an e yafos romed u roy u fayleng ni Got e be gagiyegnag nrogon ni be finey, ma gathi tin nma yim’ e girdi’ ni bochan nde mat’aw u wan’ Got e ir e nge gagiyegnag pangimed.

Efesus 6:24

I Got e ngi i ayuweg urngin e pi’in nib t’uf rorad e Somol rodad i Jesus Kristus, ma rogon nib t’uf rorad e nge dabi math bi’id.

1 Korinth 5:6

De mat’aw ni ngam ufanthin gad! Ya gimed manang fare bugithin ni yima yog nma lunguy, “Ri bochu’uw e is me thownag ba flowa ni polo’.”

John 1:47

Ma fa’ani guy Jesus Nathanael ni be yib i yib ngak, me weliy murung’agen Nathanael ni ga’ar, “Cha’ney e riyul’ ni ir be’ u Israel, ni be’ nrib yul’yul’!”

Matthew 16:12

Ma aram me nang pi gachalpen fan ni gathi be yog ngorad ni ngar ayuweged yad rok e is ni yima fanay ko flowa, machane ngar ayuweged yad ko n’en ni be fil e pi Farise nge pi Sadduse ko girdi’.

Isaiah 30:29

Machane gimed e girdi’ ku Got, e bay um tanggad ni ka mu felfelan’gad ni bod ni gimed ma rin’ ko fare nep’ ni bay e madnom ni thothup. Ni felfelan’ ni bay mu ted e bod e felfelan’ ko girdi’ ni yad be un u lingan e musik ni ngal ni yibe thoy i yan nga Tempel rok SOMOL, ni ir e ma n’ufeg yu Israel.

Isaiah 25:6

U roy u daken e Burey ni Zion e bayi fel’eg SOMOL ni Gubin ma Rayag Rok ba mur ni fan ko gubin e nam u fayleng — ba mur ni ggan nge wayin th’abi fel’ e yira pi’ riy.

Psalms 42:4

Fa’an gu ra leamnag e kakrom mi i kireban’ug; ya ngiyal’nem e un e girdi’ ni yo’or ngog ngu’ug warod ko fare naun rok Got, gu ma m’on ngu’ur leked gag, ni gamad ba ulung i girdi’ ni gamad ba felfelan’, ni gamad be tang ma gamad be pining e sorok ngak Got ni ba ga’ lammad.

Psalms 32:2

Ba felan’ e en ndakir yog SOMOL ngak ni be rin’ e kireb; ma kar waergow urngin mit e sabanban.

Levitikus 23:6

Ma rofen ni ragag nge lal e Madnom ko Flowa ni Dariy e Is riy, ni medlip e rran nthingar dab mu ked e flowa ni bay e is riy.

2 Korinth 8:8

Gathi kug tay e motochiyel riy. Machane gu ra guy rogon ngam nanged feni pasigan’ boch e girdi’ ni ngar pi’ed e ayuw, ma aram e rayag ni gu nang feni riyul’ e t’ufeg romed.

2 Korinth 1:12

Ba’aray e ren’en ni gamad ba felfelan’ ngay: lanin’mad e be micheg ngomad ni ngongol romad u roy u fayleng, ni ba ga’ nrogon e ngongol romad ngomed nrogon feni tamilang nge rogon feni yul’yul’ e thin romad ngomed, e Got e i gagiyegnag me ir e pi’ gelngimad nge yag, ma gathi yib ko gonop rok e girdi’.

1 Korinth 5:1

Kanog ni bay reb e ngongol nrib kireb u fithik’med ni mus ko girdi’ ndar nanged Got ma dabiyag ni ngar ngongliyed; ya kanog ngog ni bay be’ nib mo’on ni yow be par leengin e chitamngin ko pa’ ndarngal, machane re pin nem e gathi ir e gargeleg e re pagel nem.

1 Korinth 3:3

ya kigimed be ngongol ni bod rogon e girdi’ nib mil farad ko re fayleng ney. Mogned, ngiyal’ ni be awan’med ngomed, ma gimed be malu’ag thin, e fa’anra aram rogon ma gathi ireram e n’en ni be micheg ni kigimed e girdi’ nib mil famed ko re fayleng ney? Ya gimed be ngongol nrogon e ngongol rok e pi’in nib mil farad ko re fayleng ney.

Joshua 24:14

Ma aram me yog Joshua ngak e girdi’ ni ga’ar: “Mu liyorgad ku SOMOL, mi gimed fol rok, mi gimed par ni gimed ba yul’yul’ ngak ni gubin ngiyal’. Mu chuweged e pi got ni i tay pi chitamangimed farad u Mesopotamia ngu Egypt, ya kemus ni go’ SOMOL e ngu’um pigpiggad ngak.

Deuteronomy 16:16

“Urngin e pumo’on u lan e nam romed ma ngarbad ko fa ta’gin’en ni tagil’ e liyor, ngar liyorgad ngak SOMOL ni dalip yay u reb e duw ko Madnom ni Paluk’af, Madnom ko T’ar Wom’ngin e Woldug, nge Madnom ko Nochi Naun. Ra reb e pumo’on ma nge fek ba tow’ath i yib

Exodus 13:6

Medlip e rran ni thingar mu koyed e flowa ni ndariy e is riy, ma rofen ni gaman e medlip fen ngay migmed tay ba madnom ni fan e ngam liyorgad ngak SOMOL.

Exodus 12:8

Re nep’ i n’em e ngan urfiy ufin e pi gamanman nem min th’ag ko flowa ni dariy e is riy nge woldug nib mo’oy.

Exodus 12:19

Medlip e rran nthingari dab ni pir’eg u naun romed e is, ya fa’anra kay be’ e flowa ni ka nin’ e is ngay, ma ngan chuweg u fithik’ piyu Israel, ndemturug ko be’ u bang ara be’ nu Israel.

Exodus 13:7

Thingar dab mu koyed e flowa ni kan ngongliy ni bay e is riy u lan e medlip i rran nem; ma thangri dabi par u lan e binaw romed e is ara flowa ni bay e is riy.

2 Korinth 2:17

Gathi gadad bod pire’ e girdi’ ni yad ma wereg e thin rok Got ni gowa ba chugum nib sobut’ puluwon; machane gadad e Got e ke l’oegdad, aram fan ni gadad be weliy e tin nib riyul’ u p’eowchen nrogon e pi tapigpig rok Kristus.