1 Korinth 5:3 - Bible Ni Thothup

³ Ya gag e yigu aray rogon ni gub mal’af romed, machane lanin’ug e bay romed u wur; mu fithingan Somol rodad i Jesus e kem’ay i turguy rog riy e n’en ni nggu rin’ ngak e re mo’on ni be’er nike rin’ e re bugithin nem nrib kireb, ni gowa gu bay romed u wur.

1 Korinth 5:3 Referans Kwoze

Kolose 2:5

Ya yugu da gu moy romed, machane bay lanin’ug romed, ma kug felan’ ngarogon ni kug guy nike muduwgil lanin’med me ir e ke chagiymed kam pired ni gimed bmuduwgil u fithik’ e michan’ romed ngak Kristus.

1 Thessalonika 2:17

Pi walagmad ni girdi’en Kristus, gamad e nap’an ni gu paged gimed ndawori n’uw nap’an — ma gathi lanin’med e mal’af romed, ya kemus ni dowef romad — ri gu tawreng niged gimed ma gamad guy rogon ni ngkugbad gguyed gimed bayay!

2 Korinth 13:2

Nggog ngomed e pi’in ni um denengad nge urngin e tin kabay e girdi’, ni ka’a gog faram ko yay ni gaman e l’agruw ngay ni gub gguymed, machane ngku gog bayay e chiney ni ngiyal’ney nda gu moy romed: ni yanem nra gub e dariy be’ nra thay ko gechig.

2 Korinth 10:11

Machane en ni be finey ni aram rogon e thangri nang nde thil e thin romad u babyor ko ngiyal’ ni gamad bmal’af riy, nge n’en ni bay gu rin’ed ko ngiyal’ ni bay gu bad riy ngomed.

2 Korinth 10:1

I gag Paul e gu be wenig ngomed — i gag fa’anem ni kanog nib sobut’an’ug ma gub gol ko ngiyal’ ni gu bay romed, machane dagur tamdag ni nggu non ngomed nib gel ko ngiyal’ ni gub mal’af romed. Gu be wenig ngomed ni bod feni munguy nge feni gol Kristus ni be lungug:

1 Korinth 5:12

Ya gathi gag e nggu turguy e n’en ni ngan rin’ ngak e pi’in gathi yad girdi’en Kristus, ya Got e bayi turguy e n’en ni nge rin’ ngorad. Machane gathi susun e ngam turguyed e n’en ni ngan rin’ ngak be’ ko ulung romed? Ni bod rogon ni be yog e babyor nib thothup ni be ga’ar, “Mu chuweged e en nib kireb ngongolen u lan e ulung romed.”