1 Korinth 5:12 - Bible Ni Thothup

^12-13 Ya gathi gag e nggu turguy e n’en ni ngan rin’ ngak e pi’in gathi yad girdi’en Kristus, ya Got e bayi turguy e n’en ni nge rin’ ngorad. Machane gathi susun e ngam turguyed e n’en ni ngan rin’ ngak be’ ko ulung romed? Ni bod rogon ni be yog e babyor nib thothup ni be ga’ar, “Mu chuweged e en nib kireb ngongolen u lan e ulung romed.”

1 Korinth 5:12 Referans Kwoze

Mark 4:11

Me ga’ar Jesus ngorad, “Gimed e kan weliy ngomed e tin nda nnang ni murung’agen e gagiyeg rok Got. Machane boch e girdi’ e kan machibnag urngin ban’en ngorad u fithik’ e fanathin,

1 Timothy 3:7

Ma susun e ir be’ nma tay e girdi’ fan, ni girdi’ ni gathi yad girdi’en e galesiya, ni bochan e nge dabi kireb thin me mul ngalan e wup rok mo’onyan’.

Luke 12:14

Me fulweg Jesus ngak ni ga’ar, “I mini’ e ke pi’ mat’wug ni nggu turguy e tinir, ara nggu f’oth romew e n’en nike pag e chitamangimew romew?”

1 Thessalonika 4:12

Ireray kanawo’en mi gimed fel’ u wan’ e pi’in nde mich Kristus u wun’rad, ma dab mu toergad ngak be’ ko tin nge yag ngomed.

Kolose 4:5

Um gonopiyed rogon pangimed ngak e pi’in ndawori mich Jesus Kristus u wun’rad, ma gubin ngiyal’ nra bung rogomed ni ngam weliyed e thin rok Got ngorad mi gimed weliy.

John 18:36

Me ga’ar Jesus, “Gin nsuwog e dariy u roy u fayleng; fa’an mang e gin nsuwog e bay u roy u fayleng mra cham e tirog e girdi’ ni nge dabiyag nni koleg ngan pi’eg ngak piyu Israel. Gin nsuwog e dariy u roy u fayleng!”