1 Korinth 4:2 - Bible Ni Thothup

² Ren’en ni ir e th’abi ga’ fan ni nge rin’ e cha’ ni ir e mmil fan e pin’ey ngak e nge par nib yul’yul’ ngak e masta rok.

1 Korinth 4:2 Referans Kwoze

Matthew 25:21

Me ga’ar e masta rok ngak, ‘Ri gab manigil, ye gur reb e tapigpig ni gab fel’ ma gab yul’yul’! Ya kam yul’yul’ u rogon e maruwel ni mu tay ko salpiy nib lich, ere bay gu tem ni gur e nge milfan pire’ ban’en ngom. Ere moy ngam un ngog ko felfelan’!

Luke 12:42

Me fulweg Somol ni ga’ar, “Ere mini’ e en ni ir fare tapigpig nib yul’yul’ ma ba gonop? I ir e en ni masta rok e tay ni nge milfan urngin ban’en ngak, ma be ayuweg e tabinaw, ma be pi’ ngak e tin ni kabay e tapigpig e tirorad e ggan ko ngiyal’ ni yima pi’ riy.

Matthew 25:23

Me ga’ar e masta rok ngak, ‘Ri gab manigil, gur reb e tapigpig ni gab fel’ ma gab yul’yul’! Ya kam yul’yul’ u rogon e maruwel ni mu tay ko salpiy nib lich, ere bay gu tinem ni gur e nge milfan pire’ ban’en ngom. Ere moy ngam un ngog ko felfelan’!’

Proverbs 13:17

Pi tamal’og ni dabi pagan’uy ngorad e yad ra k’aring e oloboch, ma pi’in yima pagan’uy ngorad e yad ma fek e gapas i yib.

Numbers 12:7

Mi Moses ni tapigpig rog e gathi ara’ rogon; ya kug tay ni ir e ke milfan urngin e girdi’ rog ngak ni er yu Israel.

Kolose 4:17

Me lungumed ngak Arkippus, “Mu guy rogon ngam mu’nag fare maruwel ni kan pi’ ngom ko maruwel rok Somol.”

2 Korinth 2:17

Gathi gadad bod pire’ e girdi’ ni yad ma wereg e thin rok Got ni gowa ba chugum nib sobut’ puluwon; machane gadad e Got e ke l’oegdad, aram fan ni gadad be weliy e tin nib riyul’ u p’eowchen nrogon e pi tapigpig rok Kristus.

Kolose 1:7

Mu rung’aged e re bugithin ney rok Epafras, ni be’ nrib t’uf rodad, ni ir reb e tapigpig ni bod gamow, ni ir be’ nib yul’yul’ ko maruwel rok Kristus, ni er gamow.

1 Korinth 7:25

Nggu weliy murung’agen e pi’in ndawor ra uned ko mabgol ni nge lungug: dariy bbugithin nike yib rok Somol ngog ni nggu weliy ni murung’agen e pi cha’ney, machane nggog e tin gu be finey, ya gag be’ nike runguyeg Somol mrayag ni ngan pagan’uy ngog.

2 Korinth 4:2

Kad paged urngin e ngongol nib mith ni yima tamra’ ngay; darid ngongolgad u fithik’ e sabanban fa reb e gadad be pingeg fan e thin rok Got ngad ban niged e girdi’ ngay. Gadad be weliy e tin nib riyul’ nib tamilang, ma gadad be par u p’eowchen Got ma gadad be guy rogon ni nge guy e girdi’ e ngongol rodad miyad nang u lanin’rad ni aray rogon.

Kolose 4:7

I Tykikus nib t’uf rodad ni walagdad ni girdi’en Kristus, ni ir reb e tapigpig nib yul’yul’ ma gamad nga ta’ab raba’ i maruwel ku Somol, e ir e bayi weliy salpeg ni gubin ngomed.

1 Korinth 4:17

Ireray fan ni kug l’oeg Timothy ke yib ngomed. Ya ir e kemang be’ ni fakag u daken Somol, ni be’ nib t’uf rog ma ba yul’yul’. I ir e bayi puguran ngomed rogon e ngongol ni gu ma rin’ u fithik’ e bin be’ech e wok nike pi’ Got ngog u daken Kristus Jesus, ni ir e gu be machibnag ngak e girdi’ ko galesiya u gubin yang i yan.

2 Kings 12:15

Pi pumo’on ni bmilfan e re maruwel ney ngorad e ri yad ba yul’yul’, ere de t’uf ni nganog ngorad ngar ted urngin e salpiy ni yad be fek nga babyor.

2 Kings 22:7

Pi’in nike milfan e re maruwel nem ngorad e ri yad ba yul’yul’, ere dariy fan ni ngar ted nga babyor urngin e salpiy ni yad be pi’ nga puluwon e maruwel.”

1 Korinth 4:1

Susun e ngam changargad ngomad ni gamad e pi tapigpig rok Kristus ni gamad e kan ta’mad nike milfan ngomad e tin riyul’ ni kem’ay i leamnag rok Got.

1 Korinth 4:3

Ma dagur leamnag e n’en ni gimed be finey u murung’ageg, ara tin be leamnag be’ u murung’ageg; ni mus ngog ma dab gu pufthin nigeg.