1 Korinth 3:9 - Bible Ni Thothup

⁹ Ya gamow ngabang ni gamow be maruwel rok Got u ta’bang, ma gimed e gimed e milay’ rok Got. Ma ku errogon ni gimed e naun rok Got.

1 Korinth 3:9 Referans Kwoze

1 Peter 2:5

Mired nrogon e malang nib fos ngam pi’ed gimed ngan fanaymed ko Tempel ni yibe toy ni Tempel ni bfel’ u wan’ Got, ni ir e bay mu pigpiggad riy ni bod rogon e pi prist ni yad ba thothup, ni ngam pi’ed ngak Got lanin’med ni be gagiyegnag fare Kan Nthothup nge pi maligach nib m’agan’ Got ngay u daken Jesus Kristus.

2 Korinth 6:1

Gamad be maruwel Got u ta’bang ni gamad be wenig ngomed ni be lungumad: ke yag ngomed e tow’ath ni pi’ Got, ere thingar dab mpaged nge maadab.

1 Korinth 3:16

Bmuduwgil ni gimed manang ni gimed e naun rok Got, ni be par fare Kan Nthothup rok Got u fithik’ i dowmed!

Mark 16:20

Ma aram me yan fa pi’in gachalpen Jesus ngar machibgad u gubin yang, me un Somol ngorad ko maruwel, nike pi’ gelngirad yad be ngongliy e maang’ang, ni aram e mich riy nike pi’ ni thin rok ni yad be machibnag e ba riyul’.] [ (9) Me yan fapi ppin ngak Peter nge pi tafager rok ngar weliyed ngorad. (10) Ma tomren e biney, e maruwel Jesus ngak pi gachalpen ngar wereged e thin rok Got nib thothup ma dabim’ay bi’id, nra wereged u lan e ngek nge mada’ ngalan e ngal, ni fare thin ni murung’agen e n’en nra rin’ min thap ko yafos ndariy n’umngin nap’an.]

Matthew 9:37

Ma aram me ga’ar ngak pi gachalpen, “Woldug ni ngan kunuy ngan tay nga naun e ba ga’ ni ba ga’ yang, machane pi’in ngar muruwliyed nge thap nga naun e ba lich.

Isaiah 61:11

I SOMOL ni Th’abi Tolang e bayi ayuweg e girdi’ rok ni bod feni muduwgil nma tugul e awoch nge ga’. Ma urngin e nam ni bayi pining e sorok ngak.

1 Korinth 3:6

I gag e gu yung e awoch me tugul, mi Apollos e i pu’og e ran ngay, machane Got e be pi’ gelngin be ga’.

Kolose 2:7

Mu ted lik’ngimed nib to’ar nga fithik’ Kristus, mu ubunged e ngongol romed nga daken ya ir e def romed, mi i gel i yan e mich romed ngak, ni bod rogon ni kan fil ngomed. Mu um pininged e magaer ngak.

Efesus 2:10

I Got e sunumiydad, mu daken e ta’ab girdi’ ni kad ted Kristus Jesus e ir e ngongliydad riy ni fan ko maruwel ni bfel’ ni kem’ay i ngongliy rok ke tay ni ngad muruwliyed ko biney e tamilang.

1 Korinth 6:19

Mogned, da mu nanged ni dowmed e Tempel ko fare Kan Nthothup, ni ir e be par u fithik’ i dowmed, ni fare Kan Nthothup ni Got e ke pi’ ngomed? Ere gathi gimed e mmil famed ngomed, ya Got e mmil famed ngak;

Acts 4:11

I Jesus fa’anem ni fa’ani be weliy e babyor nib thothup murung’agen ni be ga’ar, ‘Fare malang ndariyfan u wun’med e pi’in gimed be toy e naun e yan i aw ni aram e re malang ni ir e ba th’abi ga’ fan.’

3 John 1:8

Ere gadad e pi’in girdi’en Kristus e thingar da ayuweged e pi girdi’ nem, ni aram e kad uned ko maruwel ni yad be ngongliy ni fan ko tin riyul’.

1 Timothy 3:15

Machane fa’anra gu sowath, ma re gi babyor ney e bay yog ngomed rogon pangidad ni nge par nrogon girdi’en e tabinaw rok Got, ni aram fare galesiya rok fare Got ni be par nib fos, nre galesiya nem e ir e duga’ me ir e be dunubiy fare thin nib riyul’.

Isaiah 61:3

Mu gu pi’ e felfelan’, ngak e pi’in ni kar pired u Zion nike kireban’rad, nge yan nga luwan e kireban’ rorad. Ba tang ko ogmagaer e nge yan nga luwan e gafgowan’. Bay ra boded yuke gek’iy ni SOMOL e yung. Yad gubin ni bay rin’ed e n’en ni bfel’, mi ni pining e sorok ngak Got ko n’en ke rin’.

2 Korinth 6:16

Ra di’in me ta’reban’ e Tempel rok Got ko pi liyos nma meybil e pi’in ndar nanged Got ngay? Ya gadad e Tempel rok Got, ni Got ni be par nib fos! Ni bod rogon ni fa’ani keyog Got nike ga’ar: Bay gu wan gu par ngorad ngu’ug wan u fithik’rad, bay gu mang Got rorad, miyad mang girdi’eg.

Jeremiah 2:21

Gu yungem ni bod rogon ba ke grape nib mal’eag, ni yib ko bin th’abi fel’ e awoch. Machane a mu sap ko n’en ni ka mu rin’. Gur e kambod ba kenggin ba ke grapes nike wod ni dabki fel’.

Psalms 118:22

Fare malang ni dabuy e pi’in yad ma toy e naun ya ra fineyed ndariy fan, e yan i aw ni aram e re malang ni ir e ba th’abi ga’fan.

Psalms 72:16

Mang e yigi yo’or e grain u daken e nam; mang e yigi sug daken e yochi burey ko woldug, ngi i k’uf ni bod e woldug nu Lebanon. Mang e yigi sug e pi binaw ko girdi’, ni bod e pan u daken e pi flang.

Hebrews 3:6

Machane Kristus e ba yul’yul’ nrogon Fak Got, ni ir e bmil fan e naun rok Got ngak. Ma gadad e naun rok, ni fa’an gadad ra par nge mada’ ko tomur ni gadad be athamgil ma ba pagan’dad ko n’en ni ir e ke l’agan’dad ngay.

Matthew 16:18

Ere be lungug ngom: I gur Peter, ma daken e re war ney e nggu toy e galesiya rog nga daken ni mus ko yam’ ma dabiyag ni nge gel ngay.

Isaiah 61:5

Girdi’ rog, girdi’en yugu boch e nam e bay ur ayuweged gimed. Bay ra gafaliyed yu ran’ i saf romed, miyad wolduguy e but’ romed ma yad be ayuweg e yungi woldug romed ni grape.

Isaiah 32:20

Bayi par e girdi’ nri yad ba felfelan’ ya ke pire’ e ran ni fan ko woldug, ma yungi n’en ni bay i kay e gamanman ni dongki nge garbaw e pan riy e bay ur pired riy ndabi buch ban’en rorad.

Proverbs 9:1

Gonop e toy e naun rok ni medlip e rumog riy.

Matthew 15:13

Me fulweg Jesus ni ga’ar, “Urngin ban’en nde yung e Chitamag nu tharmiy e yira pug ngalang.