1 Korinth 3:6 - Bible Ni Thothup

⁶ I gag e gu yung e awoch me tugul, mi Apollos e i pu’og e ran ngay, machane Got e be pi’ gelngin be ga’.

1 Korinth 3:6 Referans Kwoze

Proverbs 11:25

Nge puf pa’am, me aram e ra fel’ rogom. Mu ayweg boch e girdi’ mi ni aywegem.

1 Korinth 1:30

Machane Got e ke fekmed ke ta’ab girdi’nagmed Kristus Jesus, ma ke tay Got Kristus ni ir e kemang e birodad e gonop; nu daken Kristus e ke mat’aw nagdad Got riy ngak, kad manged e tirok’ Got e girdi’ nib thothup, ma ke pithigdad u gelngin mo’onyan’.

1 Korinth 9:1

Gathi gag be’ nib mil fag ngog? Ma gathi gag reb e apostel? Ma gathi kug guy Jesus ni Somol rodad? Ma gathi gimed wenegan e maruwel rog ni fan ngak Somol?

Isaiah 61:11

I SOMOL ni Th’abi Tolang e bayi ayuweg e girdi’ rok ni bod feni muduwgil nma tugul e awoch nge ga’. Ma urngin e nam ni bayi pining e sorok ngak.

Acts 19:1

Nap’an ni bay Apollos u Korinth, me milekag Paul u lan e gi nug nem nge yib nga Efesus. Me pir’eg boch i gachalpen Jesus u rom,

Acts 11:18

Fa’an rrung’aged e re bugithin ney, miyad tal ndakur thibthib niged Peter miyad pining e magaer nge sorok ngak Got ni be lungurad, “Ere ku errogon nike bing Got e wo’ ngak e pi’in gathi yad piyu Israel ni ngar kolgad ngan’rad ngar pi’ed keru’rad ko denen miyad fos!”

1 Thessalonika 1:5

Ya gu feked i yib ngomed fare Thin Ni Bfel’, ni gathi kemus ni ug weliyed, ya ku errogon gelngin Got nge fare Kan Nthothup nib chagil ngay, ma ku errogon nib mich u wun’mad nib riyul’. Gimed manang rogon pangimad ko fa ngiyal’nem ni ug moyed romed; ren’em e fan ngomed ni nge fel’ rogomed riy.

Roma 15:18

Bay dab kug tamdag nggu par ni kemus ni tin ke rin’ Kristus u pa’ag e nggu weliy, ni aram e ke pow’iy e pi’in gathi yad piyu Israel ni ngar folgad rok Got, nike rin’ u daken e thin nge ngongol,

Acts 21:19

Me fingichiyrad Paul ma aram me weliy ngorad urngin e tin ke rin’ Got u fithik’ e pi’in gathi yad piyu Israel, ni rin’ u daken e maruwel ni tay Paul.

Acts 18:24

Be’ u Israel ni Apollos fithingan, nni gargeleg u lan yu Alexandria, e yib nga Efesus, ni ir be’ ni bfel’ l’ugun ko welthin ma ba tamilangan’ ko thin ni bay u lan e babyor nib thothup.

Acts 16:14

Ma bagayad e pi cha’nem ni i motoyil ko thin ni gamad be yog e Lydia ni yib u Thyatira, nma folchuway’ ko mad nib purple ram’en. I ir be’ ni bpin nma meybil mma liyor ngak Got, me tamilangnag Somol laniyan’ ni nge uthum tel ko n’en ni be weliy Paul.

Psalms 127:1

Fa’anra gathi SOMOL e be toy ba naun, ma maruwel ko pi’in be toy e mm’ay fan; fa’anra dabi yoror SOMOL u bbinaw, ma mm’ay fan e pi’in yad be matanagiy.

Psalms 62:11

Ke yo’oryay ni kug rung’ag nike yog Got ni gelngiy e bmilfan ngak,

Psalms 62:9

Girdi’ ni gubin e yad bod ba wuchuth i nifeng pi tolang nge pi sobut’ e ta’reb feni dariy rogorad ngabang. Yira thabthabel nagrad, ma dariy malngirad; yad bba’ud nga ba wuchuth i nifeng.

Acts 14:27

Ma fa’anra tawgow nga Antiok miyow ulunguy girdi’en fare galesiya ngar weliyew ngorad urngin e tin nike rin’ Got u pa’row, nge rogon nike bing e kanawo’ ngak e pi’in gathi yad piyu Israel ni nge mich Jesus u wun’rad.

1 Korinth 1:12

ni ba’aray rogon: ra bigimed ma be yog ban’en nib thil. Be’ e ke ga’ar, “I gag e gub mu’un ngak Paul”; ma be’ e ke ga’ar, “I gag e gub mu’un ngak Apollos”; ma be’ e ke ga’ar, “I gag e gub mu’un ngak Peter”; ma be’ e ke ga’ar, “I gag e gub mu’un ngak Kristus.”

1 Korinth 3:7

Cha’ ni yung nge cha’ ni pu’og e ran ngay e gathi rib ga’ farow. Ya Got e ir e ba ga’ fan, yi ir e be pi’ gelngin e woldug be ga’.

1 Korinth 3:22

ni aram e gag Paul, nge Apollos, nge Peter; nge re fayleng ney, nge yafos nge yam’, ngiyal’ney nge yu ngiyal’ ni kabay ngam’on ni bay fini yib; urngin e pin’ey e yigo’o gimed e fanmed,

Efesus 3:17

mi i par Kristus u lanin’med u daken e michan’ romed ngak. Gu be meybil ngak Got ni nge yan lik’ngimed nga fithik’ e t’ufeg nrogon ni nge t’uf Got romed nge girdi’, mi gimed par riy me mang def ngomed,