1 Korinth 3:15 - Bible Ni Thothup

¹⁵ Machane fa’anra yik’ e tin ni muruwliy be’, ma aram e dabiyag puluwon ngak; machane ir e ke thap, nsusun e mil u fithik’ e nifiy nge thay.

1 Korinth 3:15 Referans Kwoze

2 John 1:8

Ere mu ayuwgad, ya ri mul u pa’med e tin ni kad muruwliyed, ya nge yag ngomed urngin e tin ni ngan pi’ ngomed.

Jude 1:23

mu girngiyed yad nib tomgin ngar chuwgad u mit e nifiy ngar thapgad ngak Got. Ma ku errogon ni ngam runguyed u fithik’ e tamdag e tin ni kabay e girdi; machane mus ko mad rorad nike alitnag e tin nib kireb ni yad be ar’arnag ni ngam dabuyed.

Revelation 3:18

Gu be fonow nigem ni ngam chuw’iy rog e gol, ni gol ni de ma’athuk ban’en ngay, ni bochan e nge yag ni fel’ rogom. Ma ka ga chuw’iy e mad nib wechwech ngam chuw ngay ngam upunguyem ngay ni kam par u tamilang nib tamra’ u sum. Ma ka ga chuw’iy boch e flay ngam tay ngalan owchem nge yag ni mu guy ban’en.

1 Peter 4:18

Ni bod rogon ni be yog e babyor nib thothup ni be ga’ar: “Fa’anra be mo’maw’ rogon e girdi’ nib mat’aw ni ngar thapgad ngak Got ko binem e tamilang, me ere mang e bay rin’ e pi’in ndariyfan Got u wun’rad nge pi’in yad ba tadenen?”

Zekariah 3:2

Me ga’ar fare engel rok SOMOL ngak Satan, “Satan, nge mang SOMOL e nge gechig nagem! Nge mang fare SOMOL nib t’uf yu Jerusalem rok e nge gechig nagem. Re mo’on ney e bod ba lay i ren nni leag u mit e nifiy.”

Psalms 66:12

Kam pag e pi to’ogor romad ngar yot’yot’ed gamad; gu warod u fithik’ e nifiy nge sugbur, machane chiney e kam fekmad ko gin dabi buch ban’en romad riy.

Amos 4:11

“Gu thang owchen bochi gimed ni bod ni gu thang owchen yu Sodom ngu Gomorrah. Pi aromed ni de yim’ e yad bod ba ley i l’ud ni be yik’ min laeg u mit e nifiy. Machane ku da msulod ngog,” I SOMOL e be non.

Acts 27:21

Ma nga tomuren nike n’uw i n’uw nap’an nda ni kay e ggan me sak’iy Paul ngam’on rorad me ga’ar ngorad, “Fa’an mang e mu folgad ko thin ni gog nge siy i chuw e barkow u Krete, ma dabiyag ni nge kireb e barkow ni aray gelngin ma dab nn’ag e chugum nu barkow.

Acts 27:44

ma pi’in kar mageygad e ngar leked yad ni kar towlelgad nga yungi plang ara yu yang ko barkow nike m’ing. Ireray rogon ma gamad thap nga arow ni gamad gubin nde buch ban’en romad.

BABYOR NI JOB 23:10

Yug aram rogon ma Got e manang gubin yay ni gu be yif’ eg; ra sikeng nigeg, ma ra pir’eg ni gu ba machalbog.

Psalms 66:10

Got, gur e kam sikeng nagmad; ni bod e silber ni kan be’echnag ko nifiy, aram rogon ni kam sikeng nagmad.