1 Korinth 3:12 - Bible Ni Thothup

¹² Boch e girdi’ e bayi maruwel ko gol, ara silber, ara manang nib tolang puluwon ngar dimowgad nga daken e re def nem; ma boch e girdi’ e bay maruwel ko ren, ara pan, ara kenggin e komey.

1 Korinth 3:12 Referans Kwoze

2 Timothy 4:3

Ya bay ba ngiyal’ ni bayi taw ngay me dabuy e girdi’ ni ngar motoyilgad ko bin nib riyul’ e machib, miyad fol ko tin yad ba’adag, ma bay uranod ngu’ur gayed i yan e pi’in nge machib nagrad ni yad e bay ra machib niged ngorad e tin ir e yad be yim’ ni bochan ni ngar rung’aged.

2 Timothy 3:7

ni pi’in ni ppin ni gubin ngiyal’ ma yad be guy rogon ni ngar filed murung’agen ban’en, machane ri dabiyag ni ngar nanged e tin riyul’ e thin bi’id.

2 Timothy 2:20

U lan ba naun ni ba ga’ e bay e plet riy ni pire’ mit, ni boch e ni ngongliy ko silber, ma boch e ni ngongliy ko gol, ma yugu boch e ni ngongliy ko ren, ma boch e ni ngongliy ko but’; ni boch e ngan maruwel ngay ko yu ngiyal’ ni yima ngongliy e madnom riy, ma boch e ngan maruwel ngay ni urngin e rran.

Revelation 21:18

Ma re yoror nem e ni ngongliy ko malang nib tolang puluwon ni jasper, ma re binaw nem e ni ngongliy ko gol ni yigo’o gol, nra yan e changar u fithik’ ni bod e thirek.

Revelation 3:18

Gu be fonow nigem ni ngam chuw’iy rog e gol, ni gol ni de ma’athuk ban’en ngay, ni bochan e nge yag ni fel’ rogom. Ma ka ga chuw’iy e mad nib wechwech ngam chuw ngay ngam upunguyem ngay ni kam par u tamilang nib tamra’ u sum. Ma ka ga chuw’iy boch e flay ngam tay ngalan owchem nge yag ni mu guy ban’en.

1 Peter 1:7

Fan e pi gafgow ney e nge micheg nriyul’ nib mich Got u wun’med. Mus ko gol ni ban’en nrayag ni ngan kirebnag ma yima sikengnag ko nifiy; ere ku errogon e michan’ romed ngak Got, ni ban’en ni kab tolang puluwon ko gol, e ku errogon nthingar ni sikengnag, ni fan e nge yag ni par. Ma aram e ranog e sorok ngomed, me yag e fla’ab ngomed min tay famed ko fare Rran nra yib i m’ug Jesus Kristus riy.

Psalms 119:72

Fare mmotochiyel ni mu pi’ ngog e ba ga’ fan u lanin’ug ko urngin e salpiy u lan e re fayleng ney.

Psalms 19:10

Ya motochiyel rok e kabfel’ u wun’ug ko gol, ni mus ko tin th’abi fel’ e gol kab athibthib ko honey, ni honey ndawor ni athkuy ban’en ngay.

Revelation 2:14

Machane ba’aray in i ban’en ndabug rom: bay boch e girdi’ rom u wur ni yad be fol ko tin ni be fil Balaam ko girdi’, ni ir e fil ngak Balak rogon ni nge waliy e girdi’ nu Israel ngar denengad ni ngar ked e ggan ni kan pi’ ni maligach ngak e liyos nma meybil boch e girdi’ ngay, ma yad be ngongliy ngongolen e darngal.

Hebrews 13:9

Ere dab mpaged e pi machib nib thil ko biney nge fekmed nga wuru’ e wo’. Ya bfel’ ni gelngin lanin’dad ni nge gel e ngi i yib rok Got ngodad nib tow’ath, ma gathi bochan e gadad be fol u bogi motochiyel ni murung’agen e ggan; ya pi’in ni ur folgad ko pi motochiyel ney e de fel’ rogorad riy.

2 Timothy 3:13

machane girdi’ nib kireb nge pi’in yad be dake girdi’en Kristus e bayi gel farad kireb ngu’ur ban niged boch e girdi’ ma yibe ban nagrad.

1 Timothy 6:3

En nra machibnag yugu ban’en nde ta’reb rogon ko tin nib riyul’ e thin ni thin rok Somol rodad i Jesus Kristus nge rogon murung’agen ni gadad ma liyor ngak Got

Kolose 2:8

Mu guyed rogomed ya ri kolmed be’ ngam manged kalbus rok ni be’ ni be maruwel ko gonop rok e girdi’ nge sabanban ndariy rogon ngabang, ni yib ko machib ni sum rok e girdi’ ni yibe fil ngak reb e mfen nge reb, ma ki yib ko pi kan ni yad be gagiyeg u lan e gin’en ni bay urngin ban’en nu lanelang riy nib mu’un e fayleng ngay, ma gathi Kristus e yib rok.

2 Korinth 2:17

Gathi gadad bod pire’ e girdi’ ni yad ma wereg e thin rok Got ni gowa ba chugum nib sobut’ puluwon; machane gadad e Got e ke l’oegdad, aram fan ni gadad be weliy e tin nib riyul’ u p’eowchen nrogon e pi tapigpig rok Kristus.

Roma 16:17

Ri gu be wenignag ngomed, pi walageg, ni ngan ayuweged gimed rok e pi’in yad ma wereg e girdi’ ma yad ma kirebnag e mich rok e girdi’, ma yad ma togopluw ko machib nike yag ngomed; ere mu ted gimed u orel rorad.

Acts 20:30

Ma bayi taw ngabangiyal’ me ban boch e girdi’ ko biromed e ulung ngrogned e tin nde riyul’ ngar pow’iyed e pi’in ke mich Jesus u wun’rad ngabang ngar uned ngorad.

Jeremiah 23:28

Ra lik’ay reb e profet ma thangri yog ni lik’ay e ke tay, ma re profet nike rung’ag e thin rog ni kug weliy ngak ni nge yog e thangri weliy u fithik’ e yul’yul’. Ra ni puluweg kenggin e wheat nga wom’ngin ma mang e bfel’ ni bay u kenggin e wheat?

Isaiah 60:17

“Bay gu fek e gol i yib ngom ma gathi bronze, Ma silber nge bronze e nge yan luwan e wasey nge rean, Bay gu pi’ e wasey ngom ma gathi malang. Pi pilung rom e dab ku ra gafgow niged gur; Bay gu teg ngorad ngu’ur gagiyeggad u fithik’ e yal’uw nge gapas.

Proverbs 30:6

Fa’anra mog nike yog ban’en ni dawri yog, ma bay i yal’uwegnem me dag ni gur be’ ni ga ba sasalap l’ugun.”

Proverbs 16:16

Rib fel’ nrib pag feni fel’ ni nge yag e gonop nge llowan’ ko bin nge yag e gol nge silber.

Proverbs 8:10

Mu m’oneged u wun’med e fonow rog ko silber; ma llowan’ e nge m’on u wun’med ko gol ni th’abi fel’.

2 Korinth 4:2

Kad paged urngin e ngongol nib mith ni yima tamra’ ngay; darid ngongolgad u fithik’ e sabanban fa reb e gadad be pingeg fan e thin rok Got ngad ban niged e girdi’ ngay. Gadad be weliy e tin nib riyul’ nib tamilang, ma gadad be par u p’eowchen Got ma gadad be guy rogon ni nge guy e girdi’ e ngongol rodad miyad nang u lanin’rad ni aray rogon.

1 Korinth 3:11

Ke m’ay i tay rok Got ni Jesus Kristus e kemus e ta’are def, ma dakuriy yugu reb e def nrayag ni ngan ngongliy ngabang.

1 Korinth 3:13

Ma ra be’ ma bay ni guy fel’ngin e maruwel rok ko chirofen ni bay fin nchuweg e upong u daken, ni aram e Chirofen ni bay sul Kristus riy. Ya nifiy ko re Rran nem e bayi dag rogon e maruwel rok urngin e girdi’ ni ba’aray rogon: nifiy e bayi sikengnag e maruwel rorad nge be’ me m’ug e bin riyul’ i fel’ngin e maruwel rok.

Exodus 5:12

Ma aram me wear e girdi’ nu Israel u daken e nam nu Egypt ni yad be sapnag e pan ni mlik.