1 Korinth 3:11 - Bible Ni Thothup

¹¹ Ke m’ay i tay rok Got ni Jesus Kristus e kemus e ta’are def, ma dakuriy yugu reb e def nrayag ni ngan ngongliy ngabang.

1 Korinth 3:11 Referans Kwoze

Efesus 2:20

Ku errogon gimed ni kan ubungmed nga daken fare def nike toy e pi apostel nge pi profet, fare malang ni ir e ba th’abi ga’ fan ko re def nem e aram Kristus Jesus.

Isaiah 28:16

Ba’aray e n’en ni be yog SOMOL ni Th’abi Tolang ni be ga’ar, “Nggu tay ba def ngalan yu Zion, ni ba def ni bay i par nib muduwgil ma ba gel. Bay gu tay ba malang nga fithik’ nib el ni ka ni yoloy e yu bugithin ni ba’aray ngay: ‘Michan’ nib muduwgil e ku ba gumaen’.’

2 Timothy 2:19

Machane fare def nib gel nike fal’eg Got rogon ke tay e dabiyag ni ngan rurug; ma ba’aray e thin ni kan yoloy nga daken ni ga’ar: “I Somol e manang e pi’in yad girdi’en”; ma ki ga’ar, “En nra ga’ar e ir reb e girdi’ rok Somol e thangri pi’ keru’ ko ngongol nib kireb ni be rin’ nge dabki rin’.”

Matthew 16:18

Ere be lungug ngom: I gur Peter, ma daken e re war ney e nggu toy e galesiya rog nga daken ni mus ko yam’ ma dabiyag ni nge gel ngay.

1 Korinth 3:10

Gu maruwel ko salap ni pi’ Got ngog ngug ngongliy e maruwel rok e girdi’ nib salap ko dimow naun mu gu ngongliy e def, me yib be’ i dimow nga daken. Machane ra be’ ma thangri ayuw ngarogon e naun ni be toy nga daken.

1 Korinth 3:12

Boch e girdi’ e bayi maruwel ko gol, ara silber, ara manang nib tolang puluwon ngar dimowgad nga daken e re def nem; ma boch e girdi’ e bay maruwel ko ren, ara pan, ara kenggin e komey.

1 Peter 2:4

Mired ngak Somol, ni ir fare malang nib fos ni n’ag e girdi’ ni lungurad e dariyfan, machane Got e turguy nri ba ga’ fan.