1 Korinth 2:9 - Bible Ni Thothup

⁹ Ya bod ni be yog e babyor nib thothup ni be ga’ar: “N’en ndawori guy be’ ara ke rung’ag, n’en ndariy be’ nike taw e leam rok ngay nra yodorom, e ri ir e ren’en nike fal’eg Got rogon ke tay ni fan ngak e pi’in nib t’uf Got rorad.”

1 Korinth 2:9 Referans Kwoze

Isaiah 64:4

Dariy be’ ni ka’ e guy ara rung’ag murung’agen yu gu reb e Got ni bod gur, nma ngongliy e mitney e ngongol ni fan ngak e pi’in ni kar pired ni be l’agan’rad ngak.

Psalms 31:19

Rib th’abi fel’ e tin ga ma cha’riy ni fen e pi’in yad ma liyor ngom! Go’ yimnang fanam gol, rib fel’ rogon ni ga ma ayuweg e pi’in nib pagan’rad ngom.

James 1:12

Ba felan’ e en nra par nib yul’yul’ ngak Got ko ngiyal’ ni be yib e tin nib mo’maw’ riy ngak, ni aram e yibe sikengnag; ya ra athamgil ni dabi mul ko re sikeng nem ma yira pi’ e yafos ngak, ni ireram fare puluwon nike yog Got nra pi’ ngak e pi’in nib t’uf Got rorad.

Roma 8:28

Urngin e pi’in ke piningrad Got ko tin be leamnag ni pi’in nib t’uf Got rorad, e gadad manang nma ayuwegrad Got nge pingeg urngin ban’en nge fel’ ngorad.

James 2:5

Pi walageg ni girdi’en Kristus, mu telmed ngog! I Got e ke mel’eg e girdi’ ni gafgow u roy u fayleng ni ngari gel e michan’ rorad ngak Got ngu’ur pired nib pagan’rad ngak me yag ngorad e gin nsuwon Got ni yog nra pi’ ngak e pi’in nib t’uf Got rorad.

Isaiah 65:17

Be ga’ar SOMOL, “Bay gu sunumiy reb e fayleng nib be’ech nge reb e lanelang nib be’ech. Ma tin kakrom e ri bay ni pag talin.

Hebrews 11:16

Machane reb e nam ni kabfel’ e ir e yad be nameg, ni aram e fare nam ni tharmiy. Ma aram e de tamra’ Got ni ngrogned ni ir e Got rorad, ni fan e ke ngongliy rogon bbinaw ni taferad.

Matthew 25:34

Ma aram e bayi ga’ar fare pilung ngak e girdi’ ni yad bay u ba’ ni mat’aw rok, ‘Gimed e pi’in ke fal’eg e Chitamag wa’athmed: mired! Mired ngan pi’ e gin nsuwon Got ngomed, ni kan ngongliy rogon kan tay ni fan ngomed ni ka nap’an e ngiyal’ nsunumiy e fayleng riy.

1 John 4:19

Ba t’uf Got rodad nge girdi’ ni bochan e Got e som’on ni at’ufegdad.

John 3:16

Ya Got e rib t’uf e girdi’ nu fayleng rok, ma aram me pi’ Fak ni kari maagirag rok nge yib, ni fan e nge urngin e pi’in ni michan’rad ngak e aram e dab kurm’ad, ya keyag e yafos ndariy n’umngin nap’an ngorad.

1 Peter 1:12

I Got e dag ngak e pi profet nem ni maruwel ni yad be tay e gathi yad e nge yib fan ngorad, ya gimed, ni aram e ur weliyed murung’agen e tin nib riyul’ ni ir e kam rung’aged e chiney. Pi mol’og ko fare Thin Ni Bfel’ ni yad e ra welthingad u fithik’ gelngin fare Kan Nthothup nni pi’ u tharmiy nge yib e rogned e pi thin ney ngomed. Ireray e tin nib riyul’ e thin ni mus ngak e pi engel ni yad ba’adag ni ngar nanged fan.

Matthew 20:23

Me yog Jesus ngorow ni ga’ar, “Ri bay mu unumew e n’en ni bay ko kap rog, machane dariy mat’wug ni nggu duwgiliy e en nge par nga ba’ ni mat’aw nge en ni nge par nga ba’ ni gilay’ rog. Ya gali yang i n’ey e tagil’ e gali cha’ nike ngongliy e Chitamag rogon ni ngar tagil’iyew.”