1 Korinth 2:8 - Bible Ni Thothup

⁸ Dariy reb e pilung u roy u fayleng ni manang murung’agen e re gonop ney. Ya fa’an mang e yad manang, ma dabiyag ni ngar richibiyed ko kuruth e Somol ko fla’ab.

1 Korinth 2:8 Referans Kwoze

James 2:1

Pi walageg ni girdi’en Kristus, ngongol ni ngu’um ted nrogon e ngongol rok e pi’in ke michan’rad ngak e Somol rodad i Jesus Kristus ni ir e Somol ko fla’ab, e thingari dabi thil rogon e changar romed ngak e girdi’ nib thilthil rarogorad ni be m’ug, ni bochan ya’arad nge rogon e mad ni ka ron’ed.

Acts 13:27

Ya girdi’ ni be par u Jerusalem, nge pi’in yad be yog e thin rorad, e da ur nanged ni ir fa’anem ni nge thapeg e girdi’ ngak Got, ma ku da ur nanged fan e thin rok e pi profet ni yima be’eg ngorad ni gubin e Sabbath. Machane kar riyul’niged e thin ni yog e pi profet ni bochan e ra turguyed ni ngan li’ Jesus ngem’.

Acts 7:2

Me fulweg Stefen ni ga’ar, “Pi walageg nge pi chitamag! Mmotoyilgad ngog! I Got ni ir e ba th’abi fla’ab e yib i m’ug ngak e chitamangidad i Abraham ko ngiyal’ ni be par u lan yu Mesopotamia u m’on ndawori yan i par ngalan yu Haran,

1 Korinth 2:6

Machane tin nib gonop e thin e gu ma weliy ngak e pi’in ke taw nga nap’an ni ngar rung’aged. Machane gathi fare gonop nib milfan ko re fayleng ney, ara ngak e pi pilung ni be gagiyegnag e girdi’ ko re fayleng ney — ni bogi pilung ni be m’ay gelngirad i yan.

1 Timothy 1:13

ni yugu aram rogon nib kireb e thin ni ugog nib togopluw ngak kakrom, mu ug gafgownag ma gu be yog e thin nib kireb nga fithingan. Machane me runguyeg Got, ya de mich Kristus u wun’ug e ngiyal’nem, ni aram e dagur nang e n’en ni gu be rin’.

2 Korinth 3:14

Ma rib man lanin’rad; ke mada’ ko bin daba’ e rran ma kab upong lan owcherad ko gi mad nem ko ngiyal’ ni yad be poy fapi babyor ni babyoren e bin kakrom e m’ag. Re gi mad nem e ra nchuweg u owchen be’ ni kemus ni fa’anra mang fa’anem reb i girdi’en Kristus.

John 16:3

Bay rrin’ed e pin’ey ngomed ya dawor ra nanged e en ni Chitamangiy ara gag.

John 8:19

Miyad fith ngak ni lungurad, “Bu uw e Chitamam?” Me fulweg Jesus ngorad ni ga’ar, “Da mu nanged gag ma ku errogon e Chitamag nda mu nanged. Fa’an mang e gimed manangeg ma kigimed manang e Chitamag.”

John 7:48

Ka’am nanged bagayad e pi’in yad ma yog e thin rodad ara reb e Farise nike mich e cha’nem u wan’?

Matthew 11:25

Ngiyal’ nem me ga’ar Jesus, “Chitamag, ni gur e Somol nu tharmiy ngu fayleng! Kari mmagaer ya kam dag ngak e pi’in ndar sukulgad e n’en ni kam mithag rok e pi’in yad ba llowan’ nge pi’in yad ba sukul.

Luke 23:34

Me ga’ar Jesus, “Chitamag, mu n’ag fan u wun’um e n’en ni yad be rin’! Ya dar nanged e n’en ni yad be rin’.” Miyad f’oth e mad rok rorad, ni yad be girngiy e pow ni nge duwgiliy e bin ni nge fanay bagayad.

Matthew 13:22

Ma awoch ni wear nga fithik’ e pan ni bay rachangalen e be yip’ fan e pi’in nrung’aged e thin rok Got, ma bochan e magafan’ rorad ko re par rodad ney u fayleng nge chogowen e fel’ rogon e yib i thang u wun’rad fare thin rok Got nnog ngorad, ma dakur k’ufgad.

1 Korinth 1:20

Ere uw rogon e pi’in yad ba gonop? Ara pi’in nib tolang e sukul rorad? Ara pi’in yad ba salap i lu’ag murung’agen ban’en u roy u fayleng? I Got e ke dag ni gonop nu roy u fayleng e balyang!

Efesus 1:17

ma gu be wenig ngak e Got rok e Somol rodad i Jesus Kristus, ni ir e Chitamangiy nib th’abi fla’ab, ni nge ayuwegmed fare Kan Nthothup, ni ir e bayi pi’ e gonop ngomed me tamilang nagmed nge yag ni ngam nanged Got.

Efesus 4:18

ma be par lanin’rad u fithik’ e lumor. Dawori yag ngorad e bin nma pi’ Got e wok, ni fan e dar nanged ma yad ba gelan’.