1 Korinth 2:3 - Bible Ni Thothup

³ Ere fa ngiyal’nem ni gub ngomed e gub me’waer ma gu da’da’ nreb ko marus,

1 Korinth 2:3 Referans Kwoze

2 Korinth 13:4

Ya yugu aram rogon feni me’waer nli’ ngem’ u daken e kuruth, machane gelngin Got e ir e be par riy nib fos. Kug ta’ab girdi’gad Kristus, ma ku errogon gamad ni gamad mme’waer; machane gelngin Got e bay i ayuwegmad ngu’ug pired rok Kristus ni fan ngomed.

2 Korinth 13:9

Gamad ba felan’ ngay ni gamad ra me’waer machane gimed e kigimed ba gel. Me ere ku errogon ni gamad be meybil ni nge yag ni ngam marod mpired ni kam yal’uwgad.

2 Korinth 10:10

Bay ga’ar be’, “Thin rok Paul u babyor e rib gel, machane ngiyal’ ni bay rodad e mme’waer ma thin rok e dariy rogon!”

2 Korinth 10:1

I gag Paul e gu be wenig ngomed — i gag fa’anem ni kanog nib sobut’an’ug ma gub gol ko ngiyal’ ni gu bay romed, machane dagur tamdag ni nggu non ngomed nib gel ko ngiyal’ ni gub mal’af romed. Gu be wenig ngomed ni bod feni munguy nge feni gol Kristus ni be lungug:

2 Korinth 6:4

Machane urngin ban’en ni gamad be rin’ e gamad be dag riy ni gamad bogi tapigpig rok Got, ni fan e gamad be k’adan’mad ko gafgow ni yibe tay ngomad, nge gafgow u ban’en, nge mo’maw’ ni gamad be pir’eg, urngin ni gamad be athamgiliy u fithik’ e gumaen’ ni ba ga’.

2 Korinth 4:16

Ireray fan nri der mulan’dad. Yugu ra be wod dowdad i yan, ma lanin’dad e yibe be’echnag u reb e rran ngu reb.

2 Korinth 4:1

Got e ke runguydad ke pi’ e re maruwel ney ngodad, aram fan nder mulan’dad.

Acts 18:12

Ma nap’an nturguy Gallio ni nge governor nu Roma u Greece, me mu’ulung piyu Israel ngar koled Paul ngar feked i yan ngalan tafen e pufthin.

Acts 18:6

Ma fa’anra togopluwgad ngak miyad yog e thin nib kireb ni murung’agen, me rurug e fiyath ko mad rok ni aram e ke togopluw ngorad ma be ga’ar ngorad, “Fa’an gimed ra malog, ma gimed e kireb romed! Me gag e dariy rogon ngog. Chiney i yan ngaram e bay gu wan ngak e pi’in gathi yad piyu Israel.”

2 Korinth 7:5

I mus ko ngiyal’ ni gu tawgad riy nga Macedonia ma ku de yag ni gu toffangad. Ya gubin yang ma ug pir’eged e gafgow riy, ma gamad be malu’ag thin e girdi’, ma gamad be rus.

Acts 17:1

Miyow milekag ngranow u lan e binaw nu Amfipolis ngu Apolonia, miyow yib ko binaw nu Thessalonika, ni aram e gin ni bay ba tafen e mu’ulung rok piyu Israel riy.

Acts 18:1

Tomuren e biney, me chuw Paul u Athens nge yan nga Korinth.

Isaiah 19:16

Bayi taw nga bangiyal’ ni girdi’ nu Egypt e bay ra dugowgad ni bod e ppin. Bay ra durru’gad ko marus u nap’an ni yad ra guy SOMOL ni Gubin ma Rayag Rok nike k’iyag pa’ ni nge gechig nagrad.

2 Korinth 7:15

Ri gimed ba t’uf rok ya ka manang rogon ni gimed gubin ma mpired ni kam fal’eged rogomed ni ngam folgad ko tin ni yog, nge rogon ni yib ngomed mi gimed t’ufeg u fithik’ e tamdag nge marus.

Efesus 6:5

Gimed e pi’in sib e ngu’um folgad rok e masta romed ma gimed be par ni bay madgurad u wun’med; ni ngam rin’ed u fithik’ e yul’yul’, ni gowa gimed be pigpig ngak Kristus.