1 Korinth 14:8 - Bible Ni Thothup

⁸ Ma fa’anra dabi thoy e en nma thoy e yabul nrogon ni nge thoy, me mini’ e ra fal’eg rogon ni fan ko mael?

1 Korinth 14:8 Referans Kwoze

Numbers 10:9

Nap’an nra yib e mael ngomed u lan tafenmed ni gimed be ayweged gimed rok e re to’ogor nike yib ni mael ngomed, migmed thoy e gali yabul ney ni pow riy ni keyib e mael. I Gag SOMOL ni Got romed e gu ra ayuwegmed u pa’ e pi to’ogor romed.

Jeremiah 4:19

Amith! Dabkiyag ni ngu athmagliy e amith! Gumircha’eg! Be mithmith gumircha’eg nib almarin! Dabkiyag ni gu th’ab gulngag; kug rung’ag lingan e rappah nge lungun e tolul ko mael.

Amos 3:6

Gur rayag ni yan lingan e yabul ko mael u lan binaw ni dabi rus e girdi’? Gur rayag ni nge aw e riya’ ngab binaw ni gathi SOMOL e pag nge yib?

Joel 2:1

Ngan thoy e yabul u lan yu Zion; ni fare burey nib thothup rok Got. Gimed e girdi’ nu Judah mu t’on gad, ya fare rran rok SOMOL e ke chugur.

Isaiah 27:13

Ra taw ko rofen nem, ma bay ni thoy e rapa ni nge pining nge sul gubin e girdi’ nu Israel ni yad ba kalbus u lan yu Assyria ngu Egypt. Ma aram e bay rabad ngar liyorgad ngak SOMOL u lan yu Jerusalem, ko fare burey rok nib thothup.

1 Korinth 14:7

Mus nga tatelin e musik ndariy e yafos riy ni bod e ngal nge harp — ra di’in me nang be’ e ton ni yibe thoy ara yibe chubeg riy ni fa’anra der yan i aw lingan ngarogon?