1 Korinth 13:9 - Bible Ni Thothup

⁹ Ya llowan’ rodad ni pi’ Got ngodad nib tow’ath nge thin ni pi’ fare Kan Nthothup ni nganog ngak e girdi’ e kemus ni bochi yang ko n’en ni bay ni pi’ ngodad;

1 Korinth 13:9 Referans Kwoze

1 Korinth 13:12

N’en ni gadad be guy e chiney e bod ban’en ni gadad be guy nga thirek ni kab mathmath ya’an; machane bay fin da guyed nga owchedad. N’en ni gu manang e chiney e kemus ni bochi yang; machane ri bayi polo’ nge yan i par ni bod rogon feni tamilangan’ Got rog.

1 Korinth 8:2

En nra finey ni manang ban’en e rib muduwgil nde nang ni bod rogon nsusun e nge nang.

1 Korinth 2:9

Ya bod ni be yog e babyor nib thothup ni be ga’ar: “N’en ndawori guy be’ ara ke rung’ag, n’en ndariy be’ nike taw e leam rok ngay nra yodorom, e ri ir e ren’en nike fal’eg Got rogon ke tay ni fan ngak e pi’in nib t’uf Got rorad.”

Psalms 139:6

Rogon nib tamilangan’um rog e dabiyag ni nge taw lanin’ug ngay; kayigi to’ar u puluwog ndabiyag ni nge tamilangan’ug riy.

Matthew 11:27

“Chitamag e ke pi’ urngin ban’en ngog. Dariy be’ ni manang e en ni Fak, ya kemus ni en ni Chitamangiy e manang, ma dariy be’ ni manang e en ni Chitamangiy, ya kemus ni en ni Fak e manang, nge pi’in ba’adag e en ni Fak nem ni ngar nanged e Chitamngin.

Proverbs 30:4

Gur bay be’ ni ka’a yan nga tharmiy kesul nga but’? Gur bay be’ nike kol e nifeng nga pa’? Gur bay be’ nike bachiy e day ngalan bang i mad fa ke duwgiliy e gin ni yan i mus e fayleng riy? Mini’ e cha’nir ni fa’anra gamnang? Mini’ be’ ni fak?

Psalms 40:5

SOMOL ni Got rog, pire’ ban’en ni yira ngat ngay ni kam ngongliy ni fan ngomad; dariy be’ ni bod gur! Bo’or ban’en ni bfel’ nike m’ay i leamnag rom ni fan ngomad. Dabyag ni gu ra weliy ni gubin, ya kayigi pire’.

1 John 3:2

Pi tafager rog ni gimed ba t’uf rog, chiney e gadad pifak Got, machane dawori tamilangan’dad u rogodad ni bay darod da pired. Machane ba’aray e tin gadad manang: nap’an nra yib i m’ug Kristus ma gadad ra bod ir, ya bay da guyed ir nrogon.

Efesus 3:8

I gag e th’abi sobut’ u fithik’ urngin e girdi’ rok Got; machane ke pi’ Got ngog e re gaf i maruwel ney ndariy rogog ni ngan pi’ ngog, ni nggu fek fare Thin Ni Bfel’ i yan ngak e pi’in gathi yad piyu Israel, ni murung’agen e fla’ab rok Kristus ndariy ko fol,

Roma 11:34

Ni bod ni be yog e babyor nib thothup ni be ga’ar: “Mini’ e manang laniyan’ Somol? Mini’ e rayag rok ni nge fonownag?

BABYOR NI JOB 26:14

Machane pin’ey e kemus ni be yip’ fan gelngin, kemus ni kathkath e kad rung’aged. Mini’ e rayag rok ni nge nang rogon feni gel gelngin Got?

1 Korinth 13:10

machane nap’an ni bayi taw e bin polo’ ma bin bochi yang e bayi chuw.