1 Korinth 13:8 - Bible Ni Thothup

⁸ Rogon ni gadad ba t’uf rok Got nge rogon nib t’uf Got rodad nge girdi’ e ban’en nra par ndariy n’umngin nap’an. Bay e thin ni pi’ fare Kan Nthothup ni nganog ngak e girdi’, machane bay n’umngin i nap’an me tal; ma pi’ Got gelngin boch e girdi’ ni ngar salapgad ko welthin nthin ndawor nrung’ag ma da nnang fan, machane bayi tal; ma llowan’ e bay, machane bayi m’ay.

1 Korinth 13:8 Referans Kwoze

1 Korinth 13:13

Ere dalip ban’en ni ba’aray nra par: ni aram e michan’ ngak Kristus, nge pagan’ ngak, nge rogon ni gadad ba t’uf rok Got nge rogon nib t’uf Got rodad nge girdi’; ma bin th’abi ga’ ko pin’ey e rogon ni gadad ba t’uf rok Got nge rogon nib t’uf Got rodad nge girdi’.

Galatia 5:6

Ya fa’anra kad ta’ab girdi’gad Kristus Jesus, ma dariyfan ko kan maad’adnagdad fa dawor; n’en ni ir e ba ga’ fan e michan’ rodad ngak Kristus ni be maruwel u fithik’ e t’ufeg.

Acts 2:4

Mi yigo’o sugnagrad e Kan Nthothup miyad tabab ko numon nlungun boch e nam, ni bod rogon nike muruwliyrad fare Kan Nthothup ni ngar nonod.

Hebrews 8:13

Re bugithin ney nike yog Got ni murung’agen reb e m’ag nib be’ech, e ir e ke dag Got riy ni fa bin som’on e m’ag ni ngongliy e ke farem; ma ban’en nike kakrom ma ke kaday e dabki n’uw nap’an me chuw.

1 Korinth 13:10

machane nap’an ni bayi taw e bin polo’ ma bin bochi yang e bayi chuw.

1 Korinth 12:10

Ma re Kan Nthothup nem e bay n’en me pi’ gelngin be’ nge yag ni ngongliy fa’anem e maang’ang; me pi’ gelngin be’ ni nge machibnag e thin rok Got ngak e girdi’; me pi’ gelngin be’ nge yag ni nang e tin ni yib rok fare Kan Nthothup nge tin ni gathi Kan Nthothup e yib rok. Me pi’ gelngin be’ nge yag ni welthin nthin ndawor nrung’ag ma da nnang fan; me pi’ gelngin be’ nge yag ni weliy fan e pi thin nem.

Acts 19:6

Me tay Paul pa’ nga dakenrad, me yib fare Kan Nthothup ngorad; miyad welthin ni thin nu bang ma ku yad weliy e thin rok Got.

Luke 22:32

Machane kug yibilayem ngak Got, i gur Simon, ni rogon nib michan’um ngak Got e dabi mul. Ma fa’an ga ra sul ngog, ma thingar mpi’ e gel nga laniyan’ pi walagem.”

Jeremiah 49:7

Irera’ e n’en ni yog SOMOL ni Gubin ma Rayag Rok u murung’agen yu Edom: “Gur, girdi’ nu Edom e ke man lanin’rad? Gur, dakir yog e pi tafanow rorad e n’en ni ngar rin’ed? Gur, gubin e gonop rorad ma ke chuw?

1 Korinth 14:39

Pi walageg, mu tiyan’med i weliy e thin rok Got ngak e girdi’, machane dab mu taleged ndab kun welthin nthin ndawor ni rung’ag ma da nnang fan.

Acts 13:1

Mu fithik’ girdi’en e galesiya nu Antiok e bay boch e profet nge tamchib riy, ni aram Barnabas, nge Simeon (ni yima pining Talumor ngak), nge Lucius (ni be’ u Cyrene), nge Manaen (ni yow Herod, ni Governor nni chuguluyrow u ta’bang ngar ilalgow, nge Saul.

1 Korinth 8:2

En nra finey ni manang ban’en e rib muduwgil nde nang ni bod rogon nsusun e nge nang.