1 Korinth 13:7 - Bible Ni Thothup

⁷ Be’ nib t’uf Got rok nge girdi’ e dabiyag ni nge pag ir ndab ki michan’, ma dabki pagan’, ma dabki gumaen’.

1 Korinth 13:7 Referans Kwoze

1 Peter 4:8

Ma ren’en ni ir e th’abi ga’ fan u fithik’ urngin ban’en e ngari bigimed me t’uf rok bigimed, ya rogon nib t’uf be’ rok be’ e ra upunguy bo’or e denen.

1 Korinth 13:4

En nib t’uf Got rok nge girdi’ e ba gumaen’ ma ba gol; ma en nib t’uf Got rok nge girdi’ e der ma awan’, ma de uf, ma de tolngan’;

2 Timothy 2:24

Ya tapigpig rok Somol e thangri dabi un ko tugthin. Thangri munguy ngak urngin e girdi’, ma nge par ni ir reb e tamchib ni bfel’ ma ba gumaen’,

1 Peter 2:24

Kristus e ir e girngiy urngin e denen rodad nga daken me fek nge yan nga daken e kuruth, ni fan e ngad m’ad rok e denen ni gadad be par rok ngad chuwgad rok ma gadad par ni gadad be rin’ e tin nib mat’aw. Maad’ad nike tay e ir e ke gol nagmed.

Proverbs 10:12

Fananikan e ma k’aring e kireb, machane t’ufeg e ma n’agfan urngin e kireb.

1 Korinth 9:12

Fa’anra bay mat’wun boch e girdi’ ni ngam rin’ed e ren’ey ngorad, me ere gathi gamow e bay mat’awmow ni ka ba ga’ ngorad? Machane dawor gu maruwelgow ko ren’en ni mat’awmow ney. Ya kug kadan’gow u gubin ban’en ni bochan e nge dab gu tew ban’en nra magawonnag e girdi’ ngalan kanawo’en fare Thin Ni Bfel’ ni murung’agen Kristus.

Galatia 6:2

Nge bigimed me ayuweg bigimed nge un i fek gilban fa’anem, ireray rogon ni gimed ra rin’ ma aram e kam folgad ko fare motochiyel ni pi’ Kristus.

2 Timothy 4:5

Machane thingar mu par ni ga be filmunguyan’um u fithik’ urngin ban’en; mu um athamgiliy e gafgow ni beb ngom, ma ga rin’ e maruwel rok e tamchib ko fare Thin Ni Bfel’, ma ga ngongliy urngin e maruwel ni kan pi’ ngom nrogon e tapigpig rok Got.

James 1:12

Ba felan’ e en nra par nib yul’yul’ ngak Got ko ngiyal’ ni be yib e tin nib mo’maw’ riy ngak, ni aram e yibe sikengnag; ya ra athamgil ni dabi mul ko re sikeng nem ma yira pi’ e yafos ngak, ni ireram fare puluwon nike yog Got nra pi’ ngak e pi’in nib t’uf Got rorad.

Psalms 119:66

Mu pi’ ngog e gonop nge llowan’, ni bochan e ba pagan’ug ko tin kam ta’chiylen.

2 Thessalonika 1:4

Ireray fan ni gamad be weliy murung’agmed ngak girdi’en e galesiya rok Got i yan ni gamad ba felfelan’ ngarogon ni gimed be k’adan’med ma bmichan’med ngak Kristus u fithik’ urngin e gafgow ni be tay e girdi’ ngomed nge gafgow ni gimed be pir’eg.

2 Timothy 3:11

nge gafgow ni yibe tay ngog, nge gafgow ni gu be tay. Ga manang urngin e pin’en ni kanrin’ ngog u lan yu Antiok, ngu Ikonium, ngu Lystra, ni fapi gafgow nrib gel ntay ngog mu gu k’adan’ug riy! Machane Somol e ke ayuwegneg riy ni gubin.

Roma 15:1

Gadad e pi’in nib gel e michan’ rodad ngak Somol e susun e ngad ayuweged e pi’in yad mme’waer ngad uned i fek gilbarad. Ma gathi gadad e ngdarod nga lanin’dad.

Matthew 10:22

Ma gubin e girdi’ ni bay ra fanenikayed gimed ni bochag. Machane en nra athamgil nge par nge mada’ ko tomur e ra fos.

Hebrews 13:13

Ere ngdarod ngak nga wuru’ e binaw ngad uned ngak ko tamra’.

Roma 8:24

Yu daken e pagan’ rodad e ir e thapegdad Got riy ngak; machane fa’an mang e gadad be guy e n’en ni ir e be l’agan’dad ngay, me ere dabki yan i aw ni ba pagan’. Mini’ e ma pagan’ nga ban’en ni ban’en ni be guy?

BABYOR NI JOB 13:15

Ke mulan’ug ko gubin, are fa’anra thang Got e fan rog ma ridi’in? Nggu wan gu weliy lanin’ug ngak.

Genesis 29:20

Me maruwel Jakob ni medlip e duw ni bochan Rachel, me finey nsusun e ri in e rran, ni bochan e ri ba’adag Rachel.

Deuteronomy 1:9

Me ga’ar Moses ngak fapi girdi’, “Nap’an ni kagdad bay ko Burey ni Sinai, me lungug ngomed, ‘Re maruwel ney ni nggu gafaliymed e kay gi tomal ngog. Dabiyag ni nggu rin’ ni go’ gag.

Mark 9:23

Me ga’ar Jesus ngak, “Ke lungum, fa’an rayag rom! Urngin ban’en mrayag rok be’ ni fa’an ra bay e michan’ rok.”

Deuteronomy 22:27

ya fare mo’on e kol fare pin u gelngin u wuru’ e binaw. Ma fare pin ni kan m’ag e mabgol rorow reb e pumo’on e i tolulnag e ayuw, ma dariy be’ ni ayuweg.