1 Korinth 13:13 - Bible Ni Thothup

¹³ Ere dalip ban’en ni ba’aray nra par: ni aram e michan’ ngak Kristus, nge pagan’ ngak, nge rogon ni gadad ba t’uf rok Got nge rogon nib t’uf Got rodad nge girdi’; ma bin th’abi ga’ ko pin’ey e rogon ni gadad ba t’uf rok Got nge rogon nib t’uf Got rodad nge girdi’.

1 Korinth 13:13 Referans Kwoze

1 Korinth 16:14

Mu ngongliyed urngin e maruwel romed u fithik’ i rogon nib t’uf e girdi’ romed.

Kolose 3:14

Nge rogon nib t’uf Got nge girdi’ romed e ngam puthuyed nga urngin e pin’ey, ni ir e ma chugumiy urngin ban’en nga ta’bang nge par nike fel’ rogon.

Galatia 5:6

Ya fa’anra kad ta’ab girdi’gad Kristus Jesus, ma dariyfan ko kan maad’adnagdad fa dawor; n’en ni ir e ba ga’ fan e michan’ rodad ngak Kristus ni be maruwel u fithik’ e t’ufeg.

Filippi 1:9

Ere ba’aray e meybil rog ngak Got ni fan ngomed: gu be yibil ngak Got ni ngi i gel feni t’uf Got nge girdi’ romed i yan, mi gimed nang e bin riyul’ i fan e thin rok Got nge yag ni ngam nanged e tin nib mat’aw ko tin nde mat’aw,

1 Timothy 1:5

Fan e re bugithin ney ni kugog ngom e bochan e nge yagnag e t’ufeg nma yib ko gum’ircha’ nib machalbog, ma ma yib u lanin’uy ni der yog ngom gur be’ ni kam rin’ ban’en nib kireb, ma ma yib ko bin nib riyul’ i rogon nib mich Kristus u wun’uy.

1 John 2:10

En nib t’uf rok walagen ni girdi’en Kristus e be par u fithik’ e re tamilang nem, ma aram fan ndariy ban’en u fithik’ i laniyan’ nra pingeg be’ nge denen.

1 Thessalonika 5:8

Machane gadad girdi’en e rran, ni aram fan ni ngu’ud pired ni gadad ba tamilang. Ere michan’ rodad ngak Kristus nge rogon nib t’uf Kristus rodad nge girdi’, e thingar don’ed nga dakendad ni bod breastplate nma upunguy e salthaw ngorongoren ngay, nge tin ni be l’agan’dad ngay ni bay da guyed ni bochan e kad thapgad ngak Got e ngad maruwelgad ngay ni bod e helmet nma ayweg lolugen e salthaw ko mael.

2 Korinth 5:10

Ya gadad gubin ma ri gadad ra yan nga p’eowchen Kristus nge mang ir e duwgiliy e n’en ni nge be’ min rin’ ngak, ni fan e nge be’ min pi’ ngak e n’en ni bay rogon ni ngan pi’ ngak, ni be yan u rogon e tin ni i rin’ ni bfel’ ara kireb u nap’an ni immoy u lan e dowef rok ko biney e tamilang.

1 Korinth 8:3

Machane en nib t’uf Got rok e manang Got fa’anem.

Kolose 1:27

Ya ba’aray rogon ni leamnag Got: i leamnag ni nge nang e girdi’ rok e tin immoy nda nnang, ni fare n’en nrib fel’ ni bay rok ni fan ngak girdi’en urngin e nam. Ere ren’em ni immoy nda nnang e ba’aray: Kristus e bay u fithik’med, ni fan e ren’ey e aram e gimed ra un ngak Got ko fla’ab.

1 Peter 1:21

Nu daken Kristus e mich Got riy u wun’med, me Got e faseg ko yam’ nge pi’ e fla’ab ngak; ere michan’ nge pagan’ romed e kam dugliyed nga daken Got.

1 John 3:9

En kemang fak Got e dakir denen i yan, ya ke yib rarogon Got ngak; ma bochan i Got e kemang Chitamngin, ma aram fan ndabkiyag ni nge denen i yan.

1 John 3:3

Gubin e girdi’ nike l’agan’rad ngak Kristus ni aray rogon e ra bagayad ma be tay ir nib machalbog, ni bod rogon feni machalbog Kristus.

1 John 2:14

Gu be yol ngomed e pi’in ni bitir, ya gimed manang e en ni Chitamangiy. Ma gu be yol ngomed, pi chitamangiy, ya kam nanged fa’anem ni immoy ko tabolngin. Ma gu be yol ngomed e pi’in ni pagel, ya kam gelgad; ya be par e thin rok Got u lanin’med ma kam gelgad ngak Fa’anem nib Kireb.

Hebrews 6:19

Re pagan’ nem e kemang angkar rok lanin’dad, ya be par nib muduwgil, ma ke yan ke kuruf fa gi kateng ko Tempel nu tharmiy ke yan i par ngalan fare senggil ni ir e th’abi thothup ko Tempel.

2 Timothy 1:7

Ya Kan Nthothup nike pi’ Got ngodad e dar ma ngongliydad ni ngad rusgad; machane Kan Nthothup rok e ma pi’ gelngidad, mma fal’egdad nge t’uf Got rodad nge girdi’, mma pi’ gelngidad nge yag nda t’ared lanin’dad.

Hebrews 6:11

N’en ni kug m’ad ni bochan e mang e yigi bigimed me par ni be athamgil nge yan i taw ko tomur, nge yag ni yib i m’ug nib riyul’ e pin’en ni ir e be l’agan’med ngay.

2 Korinth 5:15

I yim’ ni fan ngak e girdi’ ni urngin ni bochan e pi’in yad ba fos e nge dab ku ur ngongolgad ni yad be yan nga tabon lanin’rad, machane ngar ngongolgad ni yad be yan ngan’ fa’anem ni ir e ke yim’ ni fan ngorad ma kan faseg ko yam’ ni fan ngorad.

1 Korinth 14:1

Ere mu guyed rogon nge t’uf Got romed nge girdi’. Mu nameged e tow’ath nma pi’ e Kan Nthothup, ni ba ga’ ni fare tow’ath nma ayuwegey ngan salap i machibnag e thin rok Got ngak e girdi’.

1 Korinth 3:14

Fa’anra dabi yik’ e n’en nike toy be’ nga daken e re def nem, ma bay puluwon nrayag ngak.

1 John 2:24

Mu guyed rogon nge dab mpaged talin e thin rok Got nni fek i yib ngomed ni kam rung’aged ko som’on. Fa’anra dab mpaged talin e tin kam rung’aged ko som’on, ma aram e gubin ngiyal’ ni bay um pired ni kam ta’ab girdi’gad e en ni Fak Got nge en ni Chitamangiy.

Luke 22:32

Machane kug yibilayem ngak Got, i gur Simon, ni rogon nib michan’um ngak Got e dabi mul. Ma fa’an ga ra sul ngog, ma thingar mpi’ e gel nga laniyan’ pi walagem.”

Luke 10:27

Me fulweg fare mo’on ni ga’ar, “Thangri t’uf rom Somol ni ir e Got rom u polo’ i gum’ircha’em, ngu polo’ i lanin’um, ngu polo’ i gelngim, ngu polo’ i leam rom; ma gin’en ni ga bay riy e thangri t’uf rom e en ni ir e mmigid ngom ni gowe gur.”

Hebrews 10:39

Gathi gadad e pi’in ni kar pi’ed keru’rad ngak Got kar maloggad; ya gadad e ke michan’dad ngak Kristus kad thapgad ngak Got.

1 Korinth 8:1

Nggu wan nga murung’agen e ggan nni pi’ ngak e liyos nma meybil boch e girdi’ ngay. Bmuduwgil nriyul’ ni “gadad gubin ma ba tamilangan’dad u murung’agen,” ni bod ni kanog. Machane mit i tamilangan’ nem e ma gelnag e ufanthin ko girdi’; machane rogon ni nge be’ me t’uf be’ rok e ra yib wenegan ni bfel’.

Roma 15:13

I Got ni ir e ma pi’ e pagan’ e nge suguymed ko felfelan’ nge gapas u daken e michan’ romed ngak, nge yag ni i ilal e pagan’ romed ngak u gelngin fare Kan Nthothup.

Hebrews 10:35

Ere dabi mulan’med ngu’um pired nib pagan’med, ya bay wenegan ni ba ga’ nra yib ngomed.

Kolose 1:5

Ngiyal’ ni som’on ni yib e thin rok Got nib riyul’ ngomed, ni ir fare Thin Ni Bfel’, ma mu rung’aged e n’en ni be yog nra pi’ ni ir e nge lagan’uy ngay. Ere rogon nib mich Kristus u wun’med nge rogon nib t’uf Got nge girdi’ romed e yib ko n’en nike lagan’med ngay, ni ir e be cha’riy Got u tharmiy ni fan ngomed.

Psalms 42:11

Mangfan ni kari taganan’ug? Mangfan ni dakir paslag lanin’ug? Bay gu tay e pagan’ rog nga daken Got, ma aram bayay ni bay ku gu pining e sorok ngak, ya ir e ta’ayuw rog ma Got rog.

Psalms 146:5

Ba falan’ e pi’in bay e Got rok Jakob rorad ni be aywegrad, ma yad ma toer ngak SOMOL ni Got rorad,

Psalms 43:5

Mangfan ni kari taganan’ug? Mangfan ni dakir paslag lanin’ug? Bay gu tay e pagan’ rog nga daken Got, ma aram bayay ni bay ku gu pining e sorok ngak, ya ir e ta’ayuw rog ma Got rog.

1 Thessalonika 1:3

Ya der m’ay u wun’mad u p’eowchen e Got rodad ni ir e Chitamangidad u rogon ni kam maruwelgad ko michan’ romed, nge rogon nike ngongliymed rogon nib t’uf Got romed nge girdi’ kam maruwelgad nrib gel, nge rogon ni kari l’agan’med ngak e Somol rodad i Jesus Kristus.