1 Korinth 13:12 - Bible Ni Thothup

¹² N’en ni gadad be guy e chiney e bod ban’en ni gadad be guy nga thirek ni kab mathmath ya’an; machane bay fin da guyed nga owchedad. N’en ni gu manang e chiney e kemus ni bochi yang; machane ri bayi polo’ nge yan i par ni bod rogon feni tamilangan’ Got rog.

1 Korinth 13:12 Referans Kwoze

1 John 3:2

Pi tafager rog ni gimed ba t’uf rog, chiney e gadad pifak Got, machane dawori tamilangan’dad u rogodad ni bay darod da pired. Machane ba’aray e tin gadad manang: nap’an nra yib i m’ug Kristus ma gadad ra bod ir, ya bay da guyed ir nrogon.

2 Korinth 3:18

Ma gadad ndawor ni upunguy ban’en nga owchedad e be gal ram’en Somol rodad nike af rok ngodad, ni gadad gubin ma be ga’ ram’en rodad i yan ma gadad be pig i yan nga ya’an e ren’en ni be gal ram’en rodad, ni fare Kan Nthothup rok Somol e be muruwliy e ren’ey.

Filippi 3:12

Dagur yog nike yag ngog e ren’ey, ara kug taw ko n’en ni yibe nameg. Ku gu be yan ni gu be guy rogon ni nge yag ngog ni fan e ke milfag ngak Kristus Jesus.

Revelation 22:4

Ma bay ur guyed owchen, ma bay ni yoloy fithingan nga peri’rad.

James 1:23

Ya en nra motoyil ko thin rok Got ma dabi maruwel ngay e bod be’ ni changar ngalan mit e thirek nge guy rogon ya’an.

2 Korinth 5:7

N’en nike michan’dad ngay e ir e be gagiyegnag e ngongol rodad u roy u fayleng, ma gathi n’en ni gadad be guy.

Matthew 5:8

“Nge felan’ e pi’in nib machalbog lanin’rad, ya yad ra guy Got!

1 Korinth 8:3

Machane en nib t’uf Got rok e manang Got fa’anem.

Roma 8:18

Gu be tafinaynag ni gafgow ni gadad be tay e chiney e dabi chuchugur ni nge ta’reb rogon ko fla’ab ni dawor da guyed ma be son nagdad.

Numbers 12:8

Gu ma non ngak ni gamow ba sabol, thin ni gu ma yog ngak e rib tamilang, ya dagur non ngak u fithik’ e salipow; mus nga fog nike guy! Ere di’in me math’ daguwen romew ngam welthingow nib togopluw ngak e tapigpig rog i Moses?”

Genesis 32:30

Me ga’ar Jakob, “Kug guy Got nga owcheg, ma ku gub fas”; ma aram me tunguy fithingan e gin’em ni Peniel.

Matthew 18:10

“Mu guyed rogon nge dab mu darifan niged u wun’med bagayad e pi bitir ney. Ya nggog ngomed ni pi engel rorad nu tharmiy e gubin ngiyal’ ni yad bay rok e Chitamag nu tharmiy.

Exodus 33:11

Ma par Moses u p’eowchen SOMOL, ma yow ma welthin SOMOL ni bod rogon ruw i fager. Ma nap’an nra sul Moses ko gin bay yu Israel riy. Ma fa’anem ni kab pagel ni ta’yuw rok Moses, ni aram Joshua nib mo’on ni fak Nun, e nge par u lan fare Tent.

Ezekiel 17:2

Ni ga’ar, “Fak e girdi’, mog ko girdi’ nu Israel ba fanathin

BABYOR NI JOB 19:26

Yugu ra longuy e liliy e ren’en ndowag ney nge mogothgoth, ma ri gu ra guy Got ni ku gu bay u lan e re dogur ney.

BABYOR NI JOB 36:26

Dabiyag ni ngar dananged feni ga’ fa da the’eged urngin e duw rok.

1 Korinth 13:11

Ngiyal’ ni ku gub bitir e welthin rog, nge lanin’ug, nge rogon e leam rog e rogon e tin nma rin’ bbitir; ma chiney ni kug pi’ilal e dakuriy rogon ni ngug ngongol nrogon e bitir.