1 Korinth 12:9 - Bible Ni Thothup

⁹ Ma be’ e ka re Kan Nthothup nem e ke pi’ ngak e michan’ rok ngak Kristus, ma be’ e ke pi’ gelngin ni nge golnag e liliy rok e girdi’.

1 Korinth 12:9 Referans Kwoze

2 Korinth 4:13

Be yog e babyor nib thothup ni be ga’ar, “Kug welthin ni bochan e ke michan’ug ngak Got.” Ere ireram rogomad ni ka gamad be welthin ni bochan e ke michan’mad ngak Kristus.

Efesus 2:8

Yu daken e runguy rok Got ngodad e ir e ke thapegmed riy ngak, ni bochan e ke mich Jesus u wun’med. Gathi gimed e mmuruwliyed nge yag, ya ba tow’ath nike pi’ Got ngomed.

1 Korinth 13:2

Ra ke pi’ Got gelngig ni gub salap i machibnag e thin rok ngak e girdi’, ma urngin ban’en ni gu manang fan, ma gu manang fan urngin e tin nde nang e girdi’, ma gelngin nib michan’ug ngak Kristus e rayag ni chuweg e burey u tagil’, machane fa’anra de t’uf Got rog nge girdi’, ma dariy rogog.

Hebrews 11:33

Michan’ rorad ngak Got e ir e ra maelgad riy ngak e pi nam ngar gelgad. Rrin’ed e tin nib mat’aw me yog ngorad e tin keyog Got nra pi’ ngorad. Ra ninged l’ugun e layon,

1 Korinth 12:30

fa ra golniged e liliy, fa ra welthingad nthin ndawor nrung’ag ma da nnang fan, fa reb e ra weliyed fan e pi thin nem.

1 Korinth 12:28

I Got e urngin e girdi’ nra be’ ma ke fek ke tay ko gin ntagil’ ko galesiya ni ba’aray rogon: som’on e pi apostel, me migid e pi profet, me migid ma pi tamchib; me migid ma pi’in yad ma ngongliy e maang’ang, me migid ma pi’in ke pi’ Got gelngirad ni ngar golniged e liliy, ara ngar ayuweged boch e girdi’, ara ra pow’iyed yad, ara ra welthingad nthin ndawor nrung’ag ma da nnang fan.

Mark 16:18

ma fa’an yad ra kol e porchoyog nga pa’rad, fa ra unumed ban’en ni bay e yub riy, ma dab ra m’ad ngay; ma yad ra tay pa’rad nga daken e pi’in nib m’ar, me m’ay e m’ar rorad.”

Acts 5:15

Bochan e pin’en ni i ngongliy e pi apostel ma aram min gachowriy e pi’in nib m’ar ngalan e yu pa’ i kanawo’ ngan tayrad nga daken e bet nge chob ni fan e nge yan Peter u rom ma gomanga n’en mi yigi aw fon ngak boch i yad.

Luke 10:9

mi gimed golnag e pi’in nib m’ar u lan e re binaw nem, me lungumed ngak e girdi’ riy, Gagiyeg rok Got e ba chugur ngomed.

Luke 9:2

Ma aram me l’oegrad ngranod ni ngar machib niged ngak e girdi’ u murung’agen e gagiyeg rok Got, miyad golnag e pi’in nib m’ar.

Mark 6:13

Ma bo’or e mo’onyan’ nra tulufed ngar chuwgad u fithik’ e pi’in kar yinggad ngorad, ma bo’or e girdi’ ni yad bm’ar nra liyfed e gapgep nga dowrad ngar golgad.

Matthew 21:21

Me fulweg Jesus ni ga’ar, “Dab mpaged talin e re bugithin ni ba’aray! Fa’anra pagan’med nga gelngin Got nder maruwaran’med riy ma aram e rayag ni ngam rin’ed e n’en ni kug rin’ ko re ke gek’iy ney; gathi kemus ni biney, ku rayag ni nge lungumed ko re burey ney, ‘Mpuw ngalang ngam man mu aw nga maday,’ me rin’ ni aram rogon.

Matthew 10:8

Mi gimed golnag e pi’in yad bm’ar, mi gimed faseg e yam’, mi gimed chuweg e daraw u downgin e pi’in yad ba daraw, mi gimed tuluf e mo’onyan’ ngar chuwgad ko pi’in ke ying e mo’onyan’ ngorad. Ke yag ngomed nda mpi’ed puluwon, ere mpi’ed ndab ni pi’ puluwon ngomed.

Acts 10:38

Gimed manang murung’agen Jesus nu Nazareth, ngarogon ni pi’ Got fare Kan Nthothup nge gelngin ngak. Me yan nga gubin yang, ni be rin’ e tin ni bfel’ ma be golnag urngin e pi’in yad bay u tan gelngin e mo’onyan’, ni bochan e bay Got rok.