1 Korinth 12:7 - Bible Ni Thothup

⁷ Ra be’ ma kan pi’ ngak e mich riy ni bay fare Kan Nthothup rok ni fan e nge yib fan ngak urngin e girdi’.

1 Korinth 12:7 Referans Kwoze

1 Korinth 14:19

Machane u lan e mu’ulung rok girdi’en e galesiya e kabfel’ u wun’ug ni nggog lal bugithin ni yira nang fan, ni fan e nggu sukulnag e tin ni bay e girdi’, ko bin ni nggu weliy in i biyu’ bugithin nda nnang fan.

1 Korinth 14:12

Gimed be finey ni manga yigi yag e tow’ath ko Kan Nthothup ngomed, machane n’en ni ir e ba th’abi ga’ fan nga urngin ban’en e thingar mu guyed rogon ngam maruwelgad ko pin’en ni ra ayuweg girdi’en e galesiya nge gel e michan’ rorad ngak Kristus.

1 Korinth 14:17

Ni yugu ra bfel’ rogon ni kam pining e magaer ngak Got, ma dabiyag ni nge ayuweg fa’anem nge gel e michan’ rok ngak Kristus.

1 Korinth 14:5

Gub adag ni nge gimed gubin mi gimed welthin nthin ndawor ni rung’ag ma da nnang fan; machane ku gub adag ni nge gimed gubin me pi’ e Kan Nthothup gelngimed ni aram e tow’ath ngomed nge yag ni um weliyed e thin rok Got ngak e girdi’. Ya en ni be weliy e thin rok Got ngak e girdi’ e ka ba ga’ fan ngak e en ni be welthin nthin ndawor ni rung’ag ma da nnang fan — kemus ni fa’anra bay be’ e re ngiyal’ i n’em nrayag ni nge weliy fan e n’en ni be yog fa’anem, ma aram e rayag ni nge fel’ rogon girdi’en e galesiya riy ni urngin.

Exodus 28:3

Mu non ngak gubin e pi’in bay e salap rorad ni kug pi’, ngar ngongliyed madan Aron ya ngan tabgulnag nge mang prist ngi i pigpig rog.

1 Korinth 12:12

Yi Kristus e bod ta’ab dowef ni bo’or yu yang riy ni bay; ka ta’ab dowef, ni yugu aram rogon nib thilthil rogon urngin yang riy.