1 Korinth 12:6 - Bible Ni Thothup

⁶ Ba thilthil rogon e tin nrayag rok be’ nge be’ ko pigpig, machane ta’ab Got e be pi’ e salap ngak urngin e girdi’ ni fan nga urngin e pigpig.

1 Korinth 12:6 Referans Kwoze

1 Korinth 12:11

Machane ta’ab Kan Nthothup e be rin’ urngin e pin’ey; ra be’ ma ba thil e bin nike pi’ e tow’ath ngak nrogon nike finey.

1 Korinth 3:7

Cha’ ni yung nge cha’ ni pu’og e ran ngay e gathi rib ga’ farow. Ya Got e ir e ba ga’ fan, yi ir e be pi’ gelngin e woldug be ga’.

John 5:17

Ma aram me fulweg Jesus ngorad ni ga’ar, “Chitamag e gubin ngiyal’ ni be maruwel, ere ku er rogog nthingar gu maruwel.”

Kolose 3:11

Ma wenegan e ren’ey e gadad gubin nta’reb rogodad ndariy ban’en nib thil u thilin e pi’in gathi yad piyu Israel nge piyu Israel, nge pi’in kan maad’ad ngorad nge pi’in ndawor ni maad’ad ngorad, nge pi’in gathi yad yu Greece, nge pi nam ni dawori ga’ e llowan’ rorad, nge girdi’ ni yad e sib ara girdi’ ni gathi yad e sib, ya Kristus e ir e urngin, mi Kristus e bay u fithik’ urngin e girdi’ ni kar yodoro’gad.

Efesus 4:6

ma ri ta’reb e Got ni bay ni ir e Chitamangidad ni gadad gubin, ni ir e Somol rodad ni gadad gubin, ma be maruwel u pa’dad ni gadad gubin, ma bay u fithik’dad ni gadad gubin.

Hebrews 13:21

I Got ni ir e Got ko gapas e nge pi’ ngomed urngin e tin ni bfel’ ni nge yag ngomed nge yag ni mu rin’ed e tin nib m’agan’ ngay, me rin’ u fithik’ i lanin’dad e tin ni ir e bm’agan’ ngay, ni nge rin’ u daken Jesus Kristus. Mi Kristus e ngad ted fan e chiney i yan ngam’on ndariy n’umngin nap’an! Amen.

Kolose 1:29

Ere gu be maruwel nib gel ma gu be athamgil ni nge yag e ren’ey, ni gu be maruwel ko fare gelngin nib th’abi gel ni Kristus e be pi’ ngog, ma ku ir e be maruwel u fithik’ag.

Filippi 2:13

ya Got e gubin ngiyal’ ni be maruwel u fithik’ i lanin’med ni be pingeg lanin’med ni nge m’agan’med ngay ni ngam folgad ko tin be finey.

1 Korinth 15:28

Ma ngiyal’ ni yira tay urngin ban’en riy nga tan pa’ Kristus ni ir e nge gagiyegnag, ma aram e ir, ni ir e Fak Got, e bayi tay ir nga tan pa’ Got nike tay urngin ban’en nga tan pa’ Kristus; ma aram e Got e bay i gagiyegnag urngin ban’en.

BABYOR NI JOB 33:29

Ma rin’ Got urngin e pin’ey bayay nge bayay;

1 Korinth 12:5

Bo’or kanawo’en ni yima pigpig, machane ta’ab Somol e yibe pigpig ngak.