1 Korinth 12:2 - Bible Ni Thothup

² Gimed manang ni ngiyal’ ni ba’aram ndawor mu nanged Got riy e i gagiyeg nagmed e liyos nma meybil boch e girdi’ ngay, ni bogi ban’en nib yam’, ni gubin ngiyal’ ma yad be fekmed nga wuru’ e kanawo’.

1 Korinth 12:2 Referans Kwoze

1 Peter 4:3

Ya ke n’uw nap’an ni um pired ni gimed be rin’ e tin ni ba’adag e pi’in ndar nanged Got. Ya rogon pangimed ni immoy e um puwlaggad, ma um rin’ed e tin gimed be yim’ ni bochan nde mat’aw u wan’ Got, ma gimed be balyang ko rrum, ma gimed be un ko madnom ni yibe wagey riy, ma gimed be un ko mur ni yibe unum e rrum riy, ma gimed be tayfan ma gimed be meybil ko liyos nma meybil boch e girdi’ ngay, ni ban’en nrib kireb ni ngan rin’.

1 Thessalonika 1:9

Urngin e pi girdi’ ney ma yad be weliy rogon ni mt’ufeged gamad ko fa ngiyal’ ni gu bad ngomed, nge rogon ni mpi’ed keru’med ko liyos nma meybil boch e girdi’ ngay ngam sapgad ngak Got, mi gimed pigpig ko bin nib riyul’ e Got ni ir e be par nib fos,

Psalms 115:5

Bay l’ugunrad, machane dabiyag ni ngar nonod, ma bay owcherad, machane dabiyag ni ngar guyed ban’en.

Galatia 4:8

Kakrom e um pired nda mu nanged Got, ma aram fan ni um pired ni gimed e sib rok bogi kan ni gathi yad e Got.

1 Korinth 6:11

Bay boch i gimed ni immoy ni aram rogon. Machane ke n’ag Got fan e denen romed ke be’ech nagmed; ma ka ni pi’med ngak Got; ma ka ni mat’aw nagmed ngak Got u daken fithingan Somol Jesus Kristus ngu daken fare Kan Nthothup rok e Got rodad.

Jeremiah 10:5

Mitney e liyos e bod e liyos ni yima tay u milay’ ko mayis; ni dabyag ni nge non; thingar unchibiy ngu’un fek ni bochan e dabyag ni nge yan. Dab mu rus gad ngay: dabyag ni nge maad’ad ngomed, ma dariy ban’en ni bfel’ nrayag ni nge rin’ ngomed.

1 Peter 1:18

Ya gimed manang e n’en ni kan pi’ nga puluwmed ni fan e ngan pithigmed u pangimed nib m’ayfan ni af ngomed rok pi chitamangimed ni kakrom. Gathi ban’en nrayag ni nge kireb, ni bod rogon e silber ara gol;

Titus 3:3

Ya ku errogon gadad ni ud moyed ba ngiyal’ ni ud balyanggad, ma da ud folgad, ma gadad ba oloboch. Ma ud moyed ni gadad e sib rok e ar’ar nge gubin mit e tin ni yi ba’adag nde mat’aw u mit Got. Ma ud pired ni gadad be leamnag e kireb ngak e girdi’ ma be awan’dad ngak boch e girdi’; ma be fanenikaydad boch e girdi’ ma gadad be fanenikayrad.

Matthew 15:14

“Mpaged yad! Ya yad be pow’iy e girdi’ ma yad bmalmit; ma fa’anra kol reb e malmit pa’ reb e malmit ngi i pow’iy i yan, ma yow l’agruw ni yow ra mul nga wuru’ e kanawo’ ngalan wol’ e ran.”

Isaiah 46:7

Miyad tay nga porad ngar feked; mranod ra ted nga tagil’ me par u rom, ndabiyag ni nge chuw u tagil’. Ra meybil be’ ngay, ma dabiyag ni nge fulweg taban e meybil rok, ara ayuwegrad ko gafgow.

Psalms 135:16

Bay langrad, machane dabyag ni ngar nonad, nge owcherad, machane dab ra guyed ban’en.

Psalms 115:7

Bay pa’rad, machane dabiyag ni ngar thamiyed ban’en, bay rifrifen ayrad, machane dabiyag ni ngranod; ma dabiyag ni nge yan lungurad.