1 Korinth 11:5 - Bible Ni Thothup

⁵ Ma re pin nra meybil ara machibnag e thin rok Got ngak girdi’en Kristus nike mu’ulung ndariy ban’en nike upunguy nga lolugen e be n’ag fan figirngin; ya dariy ban’en nib thil rok nge be’ ni bpin ni kan puy piyan lolugen kem’ay.

1 Korinth 11:5 Referans Kwoze

Deuteronomy 21:12

Ma nge fek nga tafen, ma re bpin nem e nge puy piyan lolugen nge m’ay, me th’ab t’ingun ni gubin,

Luke 2:36

Ma immoy be’ ni bpin ni ir reb e profet ni Anna fithingan, ni bitir rok Fanuel, ni girdi’en e ganong rok Asher. Ni be’ ni bpin nike pilibthir ma kemus ni medlip e duw ni un ko mabgol,

Acts 2:17

Ke ga’ar Got, Ba’aray e n’en ni bay gu rin’ ko tin tomur e rran: Bay gu pu’og fare Kan Nthothup rog nga daken urngin e girdi’; ma pifakmed ni pumo’on nge ppin e bay ur yi’iygad, ma pi pagel ni pifakmed e bay ni piliyeg owcherad ngar guyed bogi ban’en ni bayi dag Got ngorad, ma pi’in pumo’on ni kar pilibthirgad e bay ra lik’ayniged bogi ban’en ni Got e gagiyegnag.

1 Korinth 14:34

e pi’in ni ppin e ngar pired ni kar th’abed gulungrad u lan e mu’ulung ko galesiya i yan; ndab ra welthingad; ni bod rogon ni be yog e Motochiyel rok piyu Israel, ma dab ra gagiyeg niged e mu’ulung rok girdi’en e galesiya.

Acts 21:9

Ma aningeg e ppin ni fak ni bay ndawor ra uned ko mabgol ni yad ma machibnag e thin rok Got.

Isaiah 47:2

Mu cheleg e malang nib tlulbuy! Ngam blig e wheat ngay! Mu luf e mad u owchem ma ga luf e mad u dakenam ni fafalel’! Mu ker e sikato rom ngalang ngam th’ab e pi lul’.

1 Korinth 11:4

Re mo’on nra meybil ara machibnag e thin rok Got ngak e girdi’ u fithik’ girdi’en Kristus nike mu’ulung nike upunguy lolugen e be n’ag fan Kristus.

1 Korinth 11:6

Fa’anra dabi upunguy fare pin lolugen ma kabfel’ nra th’ab piyan lolugen nge m’ay. Ma bochan e ra tamra’ be’ ni bpin ngay ni ngan th’ab piyan lolugen nge m’ay ara nth’ab nge ngoch, ma aram fan ni susun e nge upunguy lolugen.